做個兼職守護神，但係愛上守護對象，應該嗎?

我，黃世日，係一個十六歲嘅中學生。出身於中產家庭，雖然係單親家庭，有個哥哥。阿媽因為工作周圍飛，差唔多一年先返得屋企一次。所以基本上都係我同哥哥一齊住。
我個樣貌同身材都唔出眾，連成績都屬於普通，係個普通到冇得再普通嘅普通人。興趣係打下機，睇下網上小說同動漫。
係學校我以一個毒男嚟講人際關係算係好，朋友都算多，不過可以叫做死黨嘅係得幾個。品行良好，基本上都冇遲到過。咁嘅生活雖然好普通，但係我冇咩唔滿意。我希望咁嘅生活可以keep住落去。
通常人一有咁嘅願望，個天就唔會實現願望。試問好似我咁普通嘅人，又點會係例外呢？個天仲要即刻同我玩野。我嘅生活即刻天翻地覆。
七月一號嘅夜晚，就係所有野嘅開始……