喪化都市: 檔案007

檔案007

這時林煥光全神戎備，背後傳出陣陣心寒的急速呼吸聲！他二話不說跨過張經理屍身全力跑落下一層⋯⋯

當他再回頭看的時候，發現原來是一個穿著深藍色制服的保安員，這時他手握警棍，神態緊張對林煥光說：
「你⋯⋯你係度做咩呀？你唔好亂呀！」

他立刻對著對講機說：

「保安室⋯⋯保安室！我係輝仔呀！大撚獲啦！殺人呀⋯⋯三十八樓後樓梯有人殺人呀！快D報警呀！」





另一邊對講機則回應：

「輝仔？我聽唔清楚你講乜呀？請重覆！」

輝仔：

「我話快撚D報⋯⋯」

突然防煙門被重重推撞，原來是Maggie姐，輝仔發出的聲響吸引了她⋯⋯此刻的她已成為徹徹底底的喪屍，左邊眼珠早已不見，剩下一個空洞的眼窩，肚臍下腸臟外露，腳步蹣跚向著林煥光和輝仔走過來⋯⋯





輝仔：

「哇⋯⋯我屌！有怪物呀！」

林煥光：

「屌你老母！你細聲D得唔得？你係咪想引撚晒D喪屍嚟呀！仆街！」

這時林煥光一手搶了輝仔的警棍，二話不說躲到被喪化Maggie後面，用盡氣力往她的頭部起勢不斷打下去⋯⋯





輝仔拿著手電筒亦都加入戰圑，二個男人終合力把被喪化的Maggie打到腦漿飛濺⋯⋯

林煥光望著Maggie姐的屍身，心?不禁有一絲內疚，說到底她現在變成這樣是自己一手造成！但一切都己成過去⋯⋯

保安室：

「輝仔⋯⋯輝仔！請回答⋯⋯！」

輝仔氣喘地說：

「保安室⋯⋯清姐！我地大廈有喪屍呀！我啱啱打死左一隻！唔該快D報警⋯⋯」

保安室清姐：





「張志輝！你講乜野？講笑都揾另一樣野！你Check到第幾層？我揾唔到天叔！佢應該番嚟報到！但係依家仲未見人？」

「仲有呀！我係控制室見到二號Lift有條友係度玩Lift！成日頂住部Lift！應該係三十七樓！你快D去睇下！」

林煥光：

「你叫輝仔？我叫林煥光！你可以叫我做光仔都得！唔洗哂氣啦！嗰個叫清姐唔會信你講乜架⋯⋯！我地不如落去保安室先啦！係幾樓？」

張志輝：

「光仔！頭先對唔住呀！不過正常人都係咁嘅反應啦，你唔怪得我架！頭先我係另一邊後樓梯聽到你依層好嘈，好似係玻璃碎聲，咁我咪嚟睇下！發覺志立律師行塊大門玻璃碎左，仲有一大灘血係四周圍，之後聽到依度後樓梯有聲！就過嚟睇下！你老味！點知真係有怪物咁恐怖姐？你知唔知發生咩事？」

林煥光：

「我都好想知！無啦啦點會有喪屍架？原本我走左架啦，就係死蠢漏左銀包先番嚟！點知就有喪屍襲擊我啦⋯⋯係啦！我打電話報警先！」





「嘟⋯⋯⋯⋯」
「嘟⋯⋯⋯⋯」
「屌！打唔通嘅！」
「後樓梯收唔到？」
「唔係喎？爆哂格喎！」
「輝仔！你用你部電話試下！」
「嘟⋯⋯⋯⋯」
「嘟⋯⋯⋯⋯」
「都係唔通！」

林煥光：

「屌！咩事呀？ 點解打唔通嘅？唔係啦，我試下打俾D friend先⋯⋯」





這時林煥光第一個想起就是徐靜⋯⋯