喪化都市: 檔案027

這時美琦用手電筒往下投射失聲地說:

[光仔！大件事啦！佢地居然冇將部升降機停低！睇嗰樣似落到地下！]

林煥光憤怒地回應:

[仆街！佢地居然Dump低我地？今次大撚獲！葉森！睇黎今鋪要靠我地自己啦……]

葉森說:





[光哥！今次真係棋差一著！不過依家最緊要要冷靜！冇計啦……我同光哥依家盡量引開班喪屍先！好彩呢度都幾大，應該可以頂到一段時間！Jena，你就同美琦睇下仲有邊度可能逃走！快……冇時間啦！]

[光哥！接住！呢度有五支硫酸彈同一把廚刀！我地一齊殺出重圍啦！]

林煥光說:

[森！記住唔好死住！你仲要照顧我個妹架！]

葉森回應說:





[大哥！當然啦……你都唔好死住！你仲要參加我同海瑩嘅婚禮架……]

現場環境一片漆黑，雖說未止於身手不見五指，但對他們來說已是卻步難行！這時林煥光和葉森拿著手機當電筒用，在手機微弱的燈光下與喪屍開始展開生死搏鬥！而美琦拿著手電筒和Jena小心翼翼走向喪屍的相反方向看看有沒有出路……

然而充滿戰鬥經驗的林煥光已經慣於遊走於喪屍群，只見他左手拿著照明手機，右手則舉起廚刀在喪屍堆穿梭……很快一隻，二隻，三四五六隻喪屍已經在他面前倒下……

另一方面，原來葉森亦是同樣身手敏捷，右手拿著不知從何而來的東洋刀，熟練的手法輕鬆將面前三隻喪屍割下頭壚……

可惜的是，昏暗的現場仍有數之不清的喪屍！在微弱的光線下，他們終於發現這次關卡的Boss！肥屍再一次出現在他們面前，而更不幸的是，這次他們要應付的是兩隻面目憎獰的肥屍……