喪化都市: 檔案025

德仔等人正想開口回答葉森之際，走廊突然傳來陣陣的咆哮聲，這種聲音林煥光再熟識不過，於是他第一時間出去看過究竟，果然恐怖的陰影再次籠罩著他，肥屍再一次在他面對出現，而肥屍後面卻有數之不清的喪屍……

他不敢想像眼前刀槍不入的肥屍是否和他在露台激戰的那隻，如果是？後果真是不堪設想！喪屍居然有自己的思想？追到天腳低都要追到自己？但姑勿論如何，此刻的他只知道一件事，就是盡快逃離這個地方！

他第一時間回到化驗所，向在座每個人說出走廊的情況，葉森首先開口說:

[睇黎我地依家全部人都要即刻走啦！我地明明清理左六十樓到五十七樓層數嘅喪屍架？點解佢地會咁快突破我地嘅防線？唉……算啦！我地都係快D走啦！我都見識過嗰隻肥屍嘅威力！我地全冇勝算！就算用硫酸彈對佢黎講都係冇用！]

林煥光好奇說:





[硫酸彈？]

葉森說:

[冇錯！我地就地取材，依度存放左都唔少硫酸，我地將部分硫酸放入玻璃樽度，對付一般喪屍非常有效！但係唯獨肥屍就全冇作用！]

德仔這時著急說:

[你地倆個仲掛住講？肥屍殺到埋黎啦！仲唔快D走？]





一行人走到化驗所門外，發覺已經兵臨城下，這時喪屍們看見他們這班獵物！貪婪地加快腳步走向他們！而現在現場唯一逃走的路線，只能往天台方向逃走……

好不容易再度來到天台，發覺原來已經是夜深，周圍的環境漆黑一片，增加了他們逃走的難度！這時美琦從腰間拿出手電筒並打開……

林煥光走向清洗外牆的升降機並向大家說:

[依家我地唯一可以做既就係坐依部升降機落番下面！但係我想話俾大家聽，第一，依部機我諗最多同一時間可以容納三個人！但係我地有成七個人，所以起碼要走三轉！第二，我想講嘅，之前我同美琦就係用依部野係地下保安室逃避肥屍嘅追捕，下面D喪屍唔知仲係唔係度？同埋我地咁多人，就算下面一隻喪屍都冇，我地都冇可能分三次落到地下，時間方面一定唔足夠，所以我建議德仔你打頭陣……]

德仔如夢初醒說:





[咩……咩話？我打頭陣？？？]