百份百工作: Episode.4

火仔，一個低級職員，但佢坐個位，就一d都唔低級。
 
背脊係落地玻璃，望住碼頭，有個海景，佢既view，真係有好多老細恨都恨唔0黎，加上坐係角落頭，基本上佢做乜都無人知，呢個確係得天獨厚，實為打公仔既上上之選。
 
唯一最唔好0既地方，就坐係佢對面0既，唔係靚女，但一位叫阿勁既仁兄。
 
阿勁個樣，正正常常，某d角度睇，你仲會覺得佢ok添，但佢既行為，就神神化化。
 
睇書，可以話係阿勁既最大興趣，神化，亦都係對阿勁最好既形容。由星座玄學到歴史文化，乜鬼都睇，真係唔知佢真正興趣係乜，可能興趣，就係睇咯。
 




近排，有d奇怪既事發生……
 
火仔通常都比阿勁早返，今朝，阿勁一埋到位，就同火仔講：「火仔，早晨。」之後又對住火仔後面講：「伯伯，早晨。」
 
伯伯，早晨？火仔望一望後面，無0野喎。算啦，唔好理阿勁，佢一向都神神化化。
 
咁一路繼續做，做到六點幾，火仔就準備放工，起身走，阿勁就同佢講：「火仔，再見。」之後又對住火仔後面講：「伯伯，再見。」
 
火仔又望一望後面，心諗，唔好理條友，神神化化。但呢個神神化化，一直維持兩三日，火仔，越來越唔舒服…
 




今日食完Lunch返0黎，火仔見到阿勁睇緊一d有關於靈魂學既書。
 
靈魂學，伯伯，背面？突然間，好多聯想，出現係火仔腦海…唔通阿勁睇到d污jo 0野？成個晏晝，火仔都好唔舒服…
 
到六點幾，火仔準備走，阿勁就好羡慕講句：「火仔，你就好啦，成日都可以同伯伯一齊走。」
 
火仔終於忍唔住，燥燥地：「乜叉0野伯伯呀？你UP乜春呀?」
 
阿勁：「火仔，你成日可以跟住太陽伯伯收工既時間收工，真係好…」
 




「沼你個佬！」
 
工作，就是日出而作，日入而不息。
 
https://www.facebook.com/kofigarden

(待續)本故事全屬虛構~如有雷同~實屬巧合~