[真人真事]我在LOL遇到的五位男孩: 我迷失在那 回不去的過去。
就系咁，我就跟住芷澄去左深水埗Ione。
我從來都唔會去網吧，今次系第一次。
一入到去，一大陣煙味撲鼻，伴隨住煙味嘅仲有來自四方八面嘅嘈吵聲。
驟眼睇左下 我已經揾到佢嘅身影，但 我冇好似預期中甘開心。
因為，佢身邊仲有個女仔， 上次俾佢拖住既個個女仔。
眼見佢地挽住同一款遊戲，有講有笑，埸面相當融洽。
我轉身準備推門離開，點知。。
「 季 語 嫣 」
我止步了，我三年來朝思暮想的男孩叫我了。
我回頭 望左望佢，而佢則用眼神掃左下佢隔離嘅空位
「過黎坐呀，留左位俾你地兩個」
正當我仲猶疑不決嘅時候，芷澄已經拉左我過去坐低 連機都幫我開埋。
而周俊賢同佢身邊既女仔則繼續卿卿我我甘打機。
我心裹面好難受。
試想像 你中意既人 明明坐系你隔離， 但卻要睇住佢 陪住佢中意嘅人。
強顏歡笑，
我捻呢個四字成語足以表達我嘅心情同表情。 就算幾難受都好，都要扮作若無其事。
你問我點解要扮無野？
吾通我依加要過去分開佢地咩
「 喂，周俊賢你唔準同其他女仔挽甘埋！」
米傻啦！NO MORE FF PLZ
「 我地挽緊個隻game叫英雄聯盟啊 你系遊戲選單到揾下拉 」芷澄嘅說話將我從思想中拉翻現實。
我點左點遊戲選單，眼花撩亂，眏入眼簾嘅系一大堆遊戲。
我揾左一陣英雄聯盟嘅踪影 始終都系揾吾到， 唯有向左手邊嘅芷澄求救。
我望左下佢，扯住佢衫袖，正準備開口叫佢幫我，點知被遊戲沖昏了頭腦而變得無情嘅佢一手揈開左我隻手
「 頂你，米阻住哂啦等陣先啦，救緊世界啊 」 「 屌 仲差個撚頭 」
我深信佢已經沈迷系佢既世界， 所以唯有禁住電話等佢打完先拉。
我托住個頭百般無聊甘碌Instagram， 直到
「 你唔系黎打機架咩？」
我將視線從電話屏膜移到周俊賢身上，呢個時候，我仔細咁打量左一下佢，發現佢最近瘦左好多，應該又系因為成日食無定時而搞到甘，佢系個種唔到肚餓都吾食野嘅人，加上佢一打機就打到連飯都可以吾記得食，所以好多時一日都只系食一餐，就系中午系學校食個餐。 如果比著系以前，我應該會系定時定候三餐打電話俾佢提佢食野，放假嘅時候會去佢屋企煮野俾佢。
可惜，今非昔比。
我冇再注視佢，我望左下電腦屏膜
「 我。。我揾吾到個遊戲。。」
佢笑左一笑，伸手 指左指屏膜上一有個L字既圖形
「 呢個米系囉，系你面前你都揾吾到！」
入到遊戲後， 當我仲研究緊個教學時，芷澄搶左我隻滑鼠 退出左教學，禁左去打電腦對戰 仲幫我揀埋英雄，有挽LOL都知 新手得個幾隻免費英可以揀，而佢就幫我揀左隻安妮
「 首先你入到泥呢個畫面呢 你就要同人搶路，有三條路可以揀，上中下 仲可以挽打野，下路就兩個人，上中就一個，然後禁呢到就可以買裝 中路一開始就出多籣 帶枝紅水同藍水 一隻免費眼 紅水系補血 藍水系補魔 隻眼要插系草叢，等陣翻泥就出呢對鞋，明味呀！」
佢望住我，指左指上面嘅一對啡色鞋
其實當時既我根本冇心聽佢講 一心只系掛住留意周俊賢 但為左敷衍下佢 我緊系擺明甘點左下頭
「 明呀明呀 」
「 吾殺人就冇錢，冇錢就出吾到裝，出吾到裝打人就吾痛，所以你就要靠食兵泥掙錢，用右鍵禁下就食到架拉，吾識就再問我拉 」
講左佢又繼續投入翻佢個世界 繼續打翻佢嘅機
而我呢 就跟佢講嘅野 禁住右鍵點啲兵仔 但吾知點解一直都食吾到
「 哈哈 」
「 你笑咩啊」我問周俊賢
「 請問季小姐你喺到做緊咩？」
「 食兵囉 你睇唔到呀！」
「 食兵？食自己個邊啲兵？」「喂買三對鞋唔會行得快啲架喎」
呢一刻我地好似返到以前咁，得閒就斗下嘴
「 俊賢，開波啦 」 周俊賢嘅視線由我轉返去佢身邊嘅女仔
嗯 系嘅，始終過左去就過左去，
依加系佢身邊既人吾再系我。
打爛左嘅杯 就算你痴翻埋 佢都已經唔係以前個個冇瑕疵嘅杯。