[真人真事]我在LOL遇到的五位男孩: 只要你回頭，我就一直都在。

我老豆一直好中意金庸筆下既王語嫣，因為佢天真爛漫，為人溫和柔順而且端莊嫻雅，加上我細細個好中意笑，所以就將我個名改成季語嫣，希望我可以好似王語嫣甘，語笑嫣然，和藹可親。

而我既故事我捻要由兩年前開始講起，一切既發生都只系源於一個遊戲，一個令我悔不當初既遊戲。如果一開始冇因為呢個遊戲，或者我地之後根本吾會有甘多故事。

但如果俾我重新揀，我始終都會選擇認識你地。

因為，識到您地 我從來都冇後悔過，
縱使 到最後你地全部都離開左我。






「季語嫣！！行拉我地去打機拉」

突然有人好大力甘拍左我一下，吾洗問亦都吾洗擰轉頭就已經知佢系乜水。

每個女仔既中學生涯基本上點都會有個去到邊都一齊、形影不離既「糖痴豆」，無論系翻學放學抑或系上堂小息放飯你地都會一齊，大多數只要有佢既地方就會有你，有陣時其他人見吾到你地兩個一齊就會話：咦佢呢？，甚至乎你對住佢仲多過對住你屋企人。

而我好慶幸小學既時候已經遇到佢，不過個陣我地吾知因咩原因搞到對對方反感，反正就系你眼望我眼 就系睇你吾順眼，直到我地入到同一間中學，一次偶然既調位，將我地既關係拉近，變成相見恨晚既死黨。

佢就系我眼前既女仔 佢叫范芷澄。表面上佢系一個弱質女子，佢吾出聲個樣真系呃到下人，斯斯文文 眼大大 皮膚白 包包面加上佢一米五既身高顯得佢更加小烏依人，但事實系，佢系一個女漢子加麻甩系女孩。好彩既系佢已經有人要，如果吾系我真系驚佢嫁吾出。





我對打機從來冇興趣，所以每次佢拉我去打機，我都會以吾識打作為籍口。

「我。。」

「快啲拉！我知你又想話你吾識打，但今日周俊賢都系到喎，你吾系吾黎掛？」

周俊賢，一個令我心痛既名，
但同時都系一個我冇法拒絕的理由。

佢，系我初戀，亦都系我等左三年既人。





味拍拖前每日都會見面，翻到屋企會傾電話傾到爆電話費，個陣既佢對我真系好好，我生理期佢會上網學煲紅糖薑水煲好放系我屋企門口，病個陣佢會捉我去睇醫生，成晚吾訓照顧我，就算佢打緊機又好沖緊涼又好，佢都會放低哂手頭上既野第一時間聽我電話。

但拍左拖之後，我地就開始為小事嘈交，佢會成日發我脾氣 鬧我 好似變左第二個人甘，由一開始既秒回變到已讀不回，曾經試過過左幾日先覆，個排我會自欺欺人

「佢忙緊所以先吾得閒覆啫」「打緊機啫」「電話冇電啫」

我一直以各種理由去說服自己，
直到個日。

我系街到見到佢笑笑口拖住第個女仔。

我冇行過去，企左系原地，呆若木雞，拎起電話打俾佢，希望佢會同我講只系誤會。

但可惜 事願與違，




我望到既系 系對面既佢不加思索就CUT左我線。

比起失望更加失望。

我已經吾記得個晚我系點樣翻到屋企 喊左有幾耐，
我淨系記得起身既時候我已經俾人飛左。

3:30分 男朋友: 對吾住，我覺得我地都系吾適合，你系一個好女仔，可以揾到比我更好既男仔，我都做翻朋友拉。

百感交集，心亂如麻。

當初溝我既系佢，依加話分手既又系佢。
既然一齊要兩個人同意，甘點解分手可以單方面決定。

如果我真系一個好女仔，我捻佢吾會甘樣對我。





追前寶，追後草。

你問我嬲吾嬲佢？憎吾憎佢？
我嬲我憎，但點都比吾上 我愛佢。

「 好，我會等你挽夠再翻黎，只要你回頭，我就一直都在。」


如是者，三年又過去。


如何回到當時，猶如情侶熱戀的那時。