【特工】《虔誠者》: ──黎明騎士團篇──(200)

可是百足半藏沒有讓墨龍停下喘氣的意思，在退後一秒鐘都還未夠就剎停自己，猛地衝向墨龍！這次以手橫擺，硬撞在墨龍的橫胸上，另一隻手就捉住了他的後頸、跳起、壓擊！


「砰！」力量大得擂台上的磚瓦都不免破碎。


陣陣沙石飛塵中，墨龍快勁地伸出兩指向百足半藏眼部，但被僅僅地側頭躲過了，再出了一拳往墨龍頭上打去！！！


「既然佢係你講嘅「草部」成員，佢點解要留喺「暗黑地下格鬥場」？」我有個疑問。





「我都想知道⋯⋯不過剛才出場時，主持人介紹佢係前「草部」成員⋯或者，已經離開咗組織？」忍蛋答：「亦或⋯⋯有部分我哋唔知嘅真相。」


「睇嚟都唔方係好嘢。」我心下默然，說：「我哋盡快搵到霞先⋯⋯」


「唔，去救你愛人。」忍蛋舉起姆指、點頭。






就在百足半藏打得起勁期間，墨龍神來的一腳伸了在其腹，半張臉都是淋漓鮮血的他向後翻滾站立，眼神、眉角、臉色全都變得消暗沉沉，似乎要來真了。


二人再次攻硬碰，並一次過施展出自己畢生的武術絕學！！令得主持人要連連解說功夫名字給觀眾認知。


「先係「龍轉斷喉爪」！」

「再嚟「七十二路擒拿手」！」





「龍爪手！！」

「分筋錯骨手！！」

「龍旋盤抓功！！！」

「鬼影擒拿手！！！」

「霸龍拳！！！！」

「天帝拳！！！！」

現場的氣氛終於去到了爆點，所有觀眾都不約而同地站起呼歡大喊，聲音好比轟雷，幾乎可震動整個地下城。同一時間，我亦都終於望到同樣在人海中尋找住我的霞了！






「霞！」


「小時！」她往聲音來源轉頭，就見到我了：


「咁係時候走。」我上前與她會合，再望向忍蛋。


「嗯，我都已經記起百足半藏邊個嚟。」忍蛋點頭。


「事不宜遲。」霞一個眼神，我們便趕去會場出口準備推開大門⋯⋯






可是，被緊鎖住了。


「⋯」我眉目一緊，右眼瞳孔極速收縮。


不是因爲離不開，而是⋯⋯

擂台上，除了血之外⋯⋯還是血。


二人交手已達數百次以上，力氣都早已經乾盡枯竭，現在能夠站於上面喘氣都已經十分了不起⋯⋯


「啊⋯依幾年嚟參加嘅選手，的確冇一個似你⋯」百足半藏摸一摸臉上的鮮血到手上，然後注視：「決定了，就係你。」






「⋯」墨龍已經連說一句話的力氣也沒有，只得站在原地喘氣。


「主持人出場都介紹過？我係前「草部」成員，但真相係⋯⋯「草部」組織只招收菁英中嘅菁英，公開收生又太唔合附我哋嘅宗旨，所以，我哋暗裡舉辦「暗黑地下格鬥比賽」，一直等緊好似你咁嘅人出現好耐⋯⋯」百足半藏繼續說下去。


全場鴉雀無聲。


「你就係我哋等咗幾年嘅人⋯」百足半藏抬頭望向前方：「墨龍。」

墨龍沒作理會，踏出了一步、兩步，步步搖晃地走近到百足半藏面前，並舉起一隻手向其臉部⋯⋯






「淹死嘅意志⋯都咁強烈。」百足半藏感嘆道。


墨龍跟百足半藏只有一個身位的距離時，墨龍的嘴角勾起了一道不明顯的微笑！


「神龍擺尾！！！！！！！」


墨龍以近乎音速的姿態往百足半藏使出究極華麗的飛踢！！


「竟⋯竟然⋯⋯」百足半藏的右頰如同被一輛貨車衝撞一樣，力度大得便其表情扭曲了！


「砰！」百足半藏整個人被踢飛到牆壁才停下來。


⋯


此時，墨龍方才真正的鬆了口氣喘著⋯⋯


「大概⋯」百足半藏的聲音猶在，他還未倒下：「已經⋯⋯係你最後嘅一口氣？」