【特工】《虔誠者》: ──黎明騎士團篇──(181)

「赤皇‧‧‧‧‧‧」神尼口中喃喃有詞：「就係‧‧‧個一位曾經嘅九龍未統治者‧‧‧！！？」

「赤皇」一字似乎把觀眾都嚇呆了，早在這裡居住的人當然知道赤皇的威名，那個地下世界的統治者。

要知道，當初不是赤兵隊、狼族、傲家三方聯手，再加以赤皇在最後關頭不作抵抗，赤曲才能勉強把他殺死。

要是‧‧‧墨龍真的是其弟子的話，也不足為奇。

只是‧‧‧





他回來的目的是什麼？又為什麼上一次大戰中不曾見他的身影。

盡管主持人極是吃驚，也必須把訊息傳遞：「原‧‧‧原來赤墨龍係九龍寨嘅皇帝，曾經被稱為「地下統治者」嘅赤皇徒弟！！！難怪實力咁高超啦！！莫非佢今次返嚟係想重奪九龍寨！！？」


「權力我冇興趣。」墨龍握住拳頭，身體因為興奮而抖著的微笑：「我只著重於戰鬥過程‧‧‧‧‧‧另外，之前聽聞九龍寨有個叫百足半藏嘅男人實力凌駕於赤皇，可能會成為第二個地下統治者，所以我就特登落嚟領教下佢。」


我都隱約記得赤皇好像把霞收納過為徒兒孫女，說不定墨龍真的是赤皇的弟子‧‧‧‧‧‧





「但似乎‧‧‧百足半藏完全唔想同佢打。」忍蛋說。

「點解咁講？」

「你自己睇‧‧‧‧‧‧又綁手、又一打三，大會特登為墨龍訂落嘅規例，都係防止佢有機會取勝，至於咩人有能力煽動到大會咁做？似乎得暗黑地下格鬥會創辦人之一，百足半藏。」

「你一早‧‧‧已經調查咗個比賽？」

「我話過對百足半藏有些少印象，自然一早調查咗成個比賽。」忍蛋樂觀其成地答：「但睇嚟佢同墨龍最後難免有一戰‧‧‧‧‧‧」






「一派胡言！我哋三神曾經擔當赤皇宮殿護法，根本無見過你依位所謂嘅弟子！」神尚怒目相向。

墨龍全身的青筋都暴露著，極是殺氣：「我嘅世界，先唔會得一個見唔到太陽嘅地方。」

「咁你都冇理由可以就咁一走了之‧‧‧而我所知赤皇係唔容許任何入個九龍寨嘅人輕易離開，何妨你係佢弟子！佢佔有慾之大，我輩都見識過！所以你絕對無可能係赤皇嘅弟子‧‧‧‧‧‧！」

「啊？我離開九龍寨個日記得自己得十七歲，個陣仲只係奉行住一套武術原則‧‧‧‧‧‧」墨龍逐步走向囉嗦的神尚，說：



「見神殺神，見佛殺佛。」

斷了腳骨的神尚只是用著單腳方式站立，見墨龍逐步迫近便在情急下用餘下的一條腿使出「真‧金剛鐵腿」！招式名字前面加個字，好像是威力的加強版的說。





墨龍舉起一手格擋，再反手捉住其腿！然後把神尚當作掃把般，捉住對方的腿在原地旋轉一圈，使用借力的方式把神尚甩出擂台之外。


「砰！」神尚直飛往觀眾席的圍牆，石塵滿天，不知生死。

「‧‧‧」僅餘的戰力，神尼再一次對墨龍使出「大力金剛指」。

墨龍也不躲，也不避，就這麼任由他直直戳了位於胃部的穴道一下。神尼見對方完全沒有反應，立即心感訝異，急退數步。

「你‧‧‧係中國古拳法嘅龍派武術流！」神尼似乎洞悉到。

「喲？你幾聰明。」

「當今武術之中‧‧‧‧‧‧只有幾種可以硬生生承受我大力金剛指‧‧‧龍之霸體就係其中一項，難怪打你都好似幫你抓痕咁！！」神尼咬牙切齒地說。






「咁就令你死得稍為光榮一啲。」

擂台上一瞬風雲色變，墨龍左手青筋紅絲盡現，一股勢不可擋的力量就如從其臂中湧現著一般，單是氣牆已經十分迫人！

「主‧‧‧主持人‧‧‧！我依家投降仲有冇機會！！」神尼急問。

「我…我…諗在場應該冇人…想睇到你投降……」主持人亦注視著擂台上，勢不可擋的墨龍。

「哈哈！墨龍好呀，繼續依一個氣勢，我係外圍買重咗你會贏嫁！！！」那位富有的卡多先生在貴賓席中大喊。

…

墨龍凝聚於左臂多時的力量終於釋出，手形猶如龍爪般的他衝刺向神尼，對準他的頸喉之位捏緊！！下一秒，神尼發出一聲低吟的斷氣聲，喉核就好像碎裂了一般發出「咔」的一聲，往後……神尼就狠狠地倒到地上！！！





閉息之間，一貫動作流俐地完成。

「最後一名選手都已經失…失去氣息。」主持人小心翼翼地，把手指放到神尼的鼻前：「我……我正式宣佈…墨龍選手……即將會進入準決賽！！！！！！！！！」

沉默之後，便是換來觀眾們一片的熱烈的掌聲如呼喊，聲浪大得幾乎可以傳上地面一樣！場面震撼之極，沒想到武術能有如此的感染力，牽動眾人神經。

「決賽將於三日後舉行，介時將會於中原地區舉辦，免入場費！歡迎各位觀眾再次入場！！」主持人正式宣佈：「暗黑地下格鬥會地區賽，正式結束！」

「睇怕…佢實力可以喺我之上。」忍蛋苦笑，從圍牆上跳返地面。

「三日之後，佢可以選擇挑戰百足半藏……墨龍佢一定會應戰。」我也跳返地面。

「咁三日後，大家再喺會場門外見。」

「嗯。」





之後，我跟忍蛋又再一次分別。

在九龍寨中，不乏大街小巷擺賣的小攤位，除了奇奇怪怪的東西之外，其實還有賣一般的物品。走在街道上，感覺就似是回了古代一樣，在沙塵滾滾的路上遊望合心意的物件，增增眼福。

人與人之間更是來往頻密，可當我走到某段路的時候，有個人有一瞬間與我擦身而過……

我在此人身上…

感覺到其體內一種毒──情毒。

一陣悸動的感覺，隱約地於我心中浮現。

我倆互相停住腳步。

我轉身，望住那束因要假扮男裝而束住的秀髮：「你…」


「點解，我個心會痛？」她沒有轉身，只是淡然地說。

我腦中空白一片，良久才懂得回答：「情毒…。」

「係因為愛。」她簡潔地答。

她一轉身，那閨秀之貌盡管被假扮的男裝所掩蓋住，我還是能知道她便是霞。因為…她紮住髮尾的髮帶，是用著我之前留下在古家給她的髮帶。

「總算搵到你。」她似是苦笑、又似是甜笑，一切盡在不言之中：「小時…」

「真係你…！」我兩手一張就抱住了她。

霞亦雙手抱住了我，我不知自己是否思相病發作，但感覺…是很真實的。

「霞…你明明有兩個人格，夜晚先會……」

「我已經呃咗佢，只要不見白晝，佢就永遠唔會出現。」霞鬆開手，臉上帶點淚乾的痕跡：「好辛苦，先嚟到搵你。」

「…點解，點解仲要搵我。」

「因為我知道自己同你嘅緣份係唔會完。」

酒館中。

「小二，兩碟花生。」我落單。

「另加一瓶酒啊。」霞亦舉手說。

「你啱啱講呃咗佢，係咩意思？」我們找了個地方坐下，說清說楚。

「我發現自己一開眼…個天就永遠係黑，所以我懷疑自己有雙重人格，於是偷睇番古家口啲CCTV，果然！我真係有兩種人格……」霞望住我，把寶劍放到桌上：「你當時到底點救我？」

「當時我遲咗一步……」我悔恨地按住額頭：「錯過咗最後一步「點石成金」，令你分裂出兩個人格。」

「果然係你辦事不力…」霞說得早料到這結果一樣：「好彩，我都尚有小智慧…區別測試到自己一到白天，就會變成另一個人。」

「之後你就即刻走咗出嚟？」

「咁緊係當然…如果唔係，我俾古家個條粉皮污辱咗都唔知事。」霞說著就心慌，於是轉問：「咁我問番你，點解要你走？」


「酒到！」小二把一瓶酒放到我們面前。

「…」

「因為，你總係逃避我嘅愛。」

「我要顧全大局。」

「唔得。」霞捉住了我的手腕，說：「我咁辛苦喺夏林口中知道你落九龍寨，冒住生命危險咁搵你……依一次，你點都要同我過人世。」

「我…」

「唔准再走啊！」

「你相信我…搞掂埋依件事就結束，所有嘢都結束。」我說。

「由一開始你就咁講，到底有幾時真係結束過…」

「或者…到我死個日。」我淺淺地苦笑。

「就算死，你都要係死喺我劍下。」霞凝視住我，一秒也不分離：「乖乖咁做我劍下魂。」

「話時話…你又會走得甩出嚟……」

「由離開傲家開始…我就不斷自己一個係咁搵你，依家區區要逃離一個古家又點會攔到我？」

「你點應對白天？」

「唯有去陰暗隱密，接觸唔到白天光線嘅地方……」霞望望周圍：「正好，九龍寨永不見天日。」

「…剛才你情毒又發作…痛唔痛？」我轉問別的。

「痛就當然……不過情毒已經喺我身上好一、兩年，再痛都已經習慣。」霞苦澀地合上嘴唇。