【特工】《虔誠者》: 插入章節──籠中的鳳凰(2)

「嗄～好大聲。」一個「奇怪」的男人推門進來，用調皮的聲線問：「係唔係有咩食？嘎。」

說他「奇怪」是有原因的。皆因他個子不高，卻穿住了件XXL深色連帽的法師長袍，身體比例極為怪異，就好像擁有兩副身體的人一樣。

「蜈蚣？」蛇皇瞧了瞧門外的「他們」。

「喲～我係叫虫吳！右手面個嗰。」那調皮的聲線再出現，不消一秒又變成第二把惡狠狠的腔調說：「我叫虫公…嘎，左手面。」

「我點識分你得出你兩個～原來你哋有名？我都唔記得咗…」蛇皇無奈地淺笑，說：「反正你哋就係一件奇怪嘅連體雙胞胎。」





所謂連體雙胞胎，就是打從出生開始，就與兄弟共用一副身體的雙胞胎。原因是因為胚胎時期受精卵還未沒完全分裂，但這平均機率約為二十萬分之一。

「蛇皇……我要你為自己講過嘅說話後悔。」那副身體中的那一把惡聲又出現。

「虫公！唔好同佢依種陰毒嘅冷血小人計…嘻嘻。」連體嬰右邊頭顱的虫吳狡黠地笑著說：「佢都只不過係用毒師界『易容廷春』依種禁術嘅老嘢～如果揭開你塊臉皮……你估你會有幾多皺紋吖啦？哈哈哈哈哈……」

蛇皇聽完之後不作回答，繼續靠在牆邊抱住雙手，冷冷地揚起嘴角。

「全部收聲。」一直沉默不語的Ruka，用冷淡的聲線警告著他們：「依到係我拷問室，再多一句廢話‧‧‧‧‧‧拷問桌上被綁住嘅，就係你。」





之後，蛇皇和蜈蚣兄弟也真的靜了一陣子，可能是真的害怕Ruka會把他們捉上行刑桌上吧？不一會，鳳凰都因為十指痛歸心的關係，喉嚨也喊得沙啞了。其戴住「死靈飛盜團」的那一隻右手中指，更被硬生生地用老虎鉗扯下來！

此時，Ruka才問：「蛇皇，你隻寵物九頭蛇喺邊？我獎勵佢。」他把鳳凰被扯斷的右手中指掉到蛇皇面前的地上。

「佢…」蛇皇愣了一秒，答。「死咗。」

「喲？死咗？」虫吳問。

「死喺古夏林朋友手上，佢係個「百毒人」。」蛇皇雖然失去至寵卻沒因此流露出一絲軟弱的情感，反觀在默默地微笑，似期待著什麼一樣：「如果捉到佢返嚟，就相等於我哋出去打一萬次劫……都唔夠。因為世上只有個位數字嘅人體質擁有成為「百毒人」嘅資格。」





「呼，咁睇嚟要我哋出手？」虫吳笑著問。

「你鐘意～」蛇皇冷冷一笑，說：「不過小心你條萬腳足都白白死喺佢手上。反正我依條九頭蛇冇咗，大可以搵番一個舊朋友……叫佢還番條蛇過我。」

「放心。」蜈蚣兄弟二人一同轉身，就準備步出這裡：「我哋兩兄弟辦事，二萬個放心。」

插入章節(完)