《高登獵殺遊戲》(情景題變講故 ): 唔提仲好 骷髏頭堡

「點呀，契弟？」百變怪都衝到前黎。

「惠那佢…」我唔敢講任何野…

「喂！點呀？吓！？」兩條日本佬見到惠那之後，都表示驚訝。

「唔通佢真係俾人…」百變怪。

「鬼畜輪姦！？」兩條日本佬。





「爸，咩係鬼畜輪姦呀？」小羊兒問。

「Eee…輪更即係輪流工作，詭速即係詭異既速度，係好快咁輪流工作既意思。」

「好快咁輪流工作，犀利。」百變怪佢地三個咁講。

而我就根本聽唔入耳，只係眼定定咁望住惠那…

同佢身上既傷口。





小羊兒同佢爸爸都願意俾我地留響度睇住惠那…

而我地亦只係靜靜地咁等待住惠那佢醒。

「喂，其實…做乜我地唔問下羊爸爸當時發生咩事呢？」百變怪突然出聲。

「望到D傷口都冇晒心機啦，我諗係男人都明啦，唉…」立花_宗茂。

「屌你丫！你唔係話惠那佢俾人強姦左呀？」歸藏。





「夠喇！」我大嗌。

因為我真係唔想相信呢個係事實。

「契弟，你做乜啫？」百變怪。

「冇呀。」

「仲扮瀟灑呀？咪攪笑啦你，你當人地惠那係你邊個啫？」

「你係咪想開拖呀？呢個時候講呢D野。」

「惠那係你邊個丫？」

「關你鬼事呀！」





「做咩呀？唔敢講呀？你嫌棄人地被侵犯過？你收皮啦！你根本同人地冇關係，咪話你嫌唔嫌棄呀，你根本連嫌棄既資格都冇！」

「我…我…哼，我…我…我根本唔介意惠那佢被侵犯過，因為…因為…你講得岩，我就連被喜歡，甚至連喜歡佢既資格都冇…」

「咁你仲唔開心D咩呀？根本件事同你冇關。」

「佢係我朋友呀！」

「吹水啦你！俾著係我受傷睇下你會唔會咁既死款！」

「收皮啦你，你又唔係我朋友。」

「咁…咁如果惠那醒左，你會唔會同佢講聲你喜歡佢呀？仲要承諾一世都唔可以再提佢被侵犯過既事！」





「喂，你地兩個唔問下我地既？」兩條日本佬插口。

我地冇理佢地。

「我…我會。」

「會咩呀？」百變怪再問。

「我會同佢講聲我好喜歡佢！仲會承諾愛佢一生一世！」我大嗌。

「咁小姬姐姐呢？」

「愛左惠那先啦！」我回應。

「嗱，你講架咋，你要對我地妹妹好D呀。」兩條日本佬回應。





而我到呢刻先知，原來惠那已經醒左，頭先有問「小姬」係佢問既。

之後，大家都默認左惠那被侵犯既呢一件事，就連惠那自己都冇再提起…

只有我係一面尷尬咁款…

雖然我好痛恨MRS.，但係始終唔敢響惠那面前問…

至於我認左鍾意佢呢件事，佢亦都隻字不提。

「好喇！出發啦，骷髏頭堡，應該就快要開始喇。」百變怪講。

「乜你地想去骷髏頭堡咩？」小羊兒捧住D食物問。





「係呀，我地想去參加比賽。」立花_宗茂。

「咩比賽呀？」小羊兒問。

「屌你丫，競技比賽呀！贏左有十粒膠可以離開高登獵殺森林。」歸藏。

「響小朋友面前唔好講粗口唔該，但係…點解我未聽過你地講既比賽架？」羊爸爸都行左過黎講。

「咪住先，好似有D唔合理，點解住呢度既人都唔知既？」百變怪。

「會唔會係冇被邀請咋？」惠那問。

「骷髏頭堡堡主我識得，早幾日先同佢飲完茶咋喎。」羊爸爸再講。

「條仆街方丈呃我地？」百變怪大嗌。

「我諗…羊爸爸，你頭先話你認識堡主，實不相瞞，我都同佢有過一面之緣，可唔可以請你帶帶路，我地想搵佢問個明白。」我問。

「我有野做，小羊兒帶你地去啦。羊兒！帶一帶呢班哥哥姐姐去骷髏叔叔度丫！」

之後小羊兒執晒好行裝就帶左我地去骷髏頭堡…

響路途上面…

「姐姐，其實你之前做乜要詭速輪更既？賺錢好快架？」

雖然話童言無忌，但係當時我真係想殺左佢…

幸好百變怪出手將小羊兒推左去前面，而惠那似乎係聽唔到。

無幾耐之後…

「到左喇，呢度就係。」

而家響我地面前既…

係一座樓高冇過百都有幾十層既骷髏頭堡，好宏偉呀！