《高登獵殺遊戲》(情景題變講故 ): 廁所傾計 小姬銅體
不過，原來我身邊三個朋友都咁好打，一時之間，我真係難勉有D失落…
感覺就好似當日身為半條毒撚既我…
每日都響高登度出Post扮專家，教人人生大道理，原來事實係…
留言既每個巴絲打，俾我都無意中發現…
響真實世界裡面，每一個都比我有錢，比我成功…
原來佢地都係人生贏家一樣。
(咁最後你點呀？)
我逼於無奈，最後…
我已經唔係半條毒撚，而係…
一條毒撚。
我諗到呢條，果種失落真係唔係講少，我甚至連小姬對我既安慰都撥左埋一邊…
(沙…沙…沙…)
哈哈，響呢一刻，連個天都好似想玩鳩我咁，竟然落起雨黎…
「你老味！你真係玩鳩我啫！」我發老脾鬧個天。
但係個天竟然冇劈我，我…
好慚愧。
而家，我除左眼前朦朧一片之外，其實個身都已經濕晒，已經…
我仲有D凍。
唔知點解，響呢個時間，我真係好想反醒一下過往既自己…
究竟…
我有冇…
有冇曾經為我自己…
或者為我想為既人努力過？
…
雖然，到最後我都係諗唔到…
但係又唔知點解，我雙手就好似引導我去尋找一樣…
佢地好自然咁響我個袋度…
攞左百變怪俾我粒出黎。
而且無啦啦耳邊泛起一首咁既歌…
(黑色肌膚給他的意義…)
屌你，唔好蝦我色弱，呢隻明明係…
好淺既淺藍色，你呃我唔到。
(詳情請參看高登膠既顏色，其實係白色)
(是一生奉獻…膚色鬥爭中…mm…)
雖然首歌同我而家既情況九唔搭八…
但係因為佢，我似乎諗通左少少野…
所以我立即彈返起身…
因為…
我急屎！
…
…
…
(咯咯咯！) 敲廁所門聲。
「喂！你屙屎呀？」似係百變怪把聲。
「唔係呀！專登阻住個廁所唔俾你去咋！吹咩？」
「唔岩既！我都係黎想專登阻住你專心屙咋喎！」
「仆街啦你！」
「認真架！」
「認真D仆街啦你！」
「我講我有認真野想同你講呀！」
「乜撚呀？有野就講，有屁就放啦！」
「我…你真係冇諗過殺左果幾條友，完成任務，離開呢個鬼地方呀？」
「我咪講過囉，我要救所有人離開呢度。」
「信我啦，你冇可能成功。你要離開呢度，就唯有跟住個遊戲玩，完成呢個遊戲。」
之後，我冇再回應佢，直至屙完，抆完，沖埋厠先出返去…
(屌你！講呢D野咁仔細做乜撚呀？冇人想知呀！)
我驚俾人屈我去完唔沖厠，屙完又唔抆呀！
之後，我洗住手同百變怪講︰
「你話我于腐都係咁話喇，總之一樣野，殺人我其實都唔介意，不過要我做D對朋友唔住既野，我張子銘呢一世都唔會，我講多次！我會變得更強，我會帶領大家成功講開呢個森林，頭先我已經對住粒膠發左誓，我呢世都唔會用佢，我要憑我自己，帶領大家離開，就好似摩西一樣。」
「摩西！？你有冇諗過你到最後連西都冇得摩呀？」
(嘭 ~！) 突然有人衝左入黎。
「喂！你地兩個傾咩啫？摩咩西話？小姬果個呀？」
原來係屎忽佢，佢衝左入黎屙住尿講。
「你阿媽果個呀。」
佢冇覺得尷尬，仲咁講︰
「話時話，我都幾掛住我阿媽…」
「嘩，戀母癖！」
「唔好諗衰野啦，我諗正經架，入左黎呢個森林之後就冇見過老母，佢有糖尿病架，都唔知佢而家點添…」
「做乜突然講野咁感性，咁煽情呀？」我問。
「你頭先咪仲煽。不過點都好啦，我點都會支持你既。」
百變怪佢拍左一下我膊頭就出左去。
…
而我去完洗手間，就自己一個出返去個偏廳度繼續專心練口裡劍…
到左而家，我已經略有小成，最少最少…
我而家已經唔使再每三個字就諗諗小姬佢黎緩沖情緒…
我而家進步到每十六分鐘先諗下佢。
…
「徒弟，練成點呀？咦，好似純熟左唔少噃。」陰莖佢行左黎搵我。
「要做到好似你咁既境界，似乎真係要唔少時間。」我咁同佢講。
「係架，我三歲就開始練架。不過你都唔使灰心既，以你既無限量潛質，我估你後尾果三年一定練得成。」
「你估我會幾多歲丫嗱？」
「你一副短命相，應該不出五年就會瓜柴，所以練成都係幾年既事啫。」
我一線眼啤住佢再問︰
「咁…你覺得有冇方法可以快D練成，或者…練到一個可以真係攻擊到人既境界丫嗱？」
「咁…就要睇下你有幾多創意喇！」
「創意！？」
「冇錯，就係創意，正所謂…各師各法，各馬各紮，各廟各菩薩，同埋師父就唔同玩法，靠你自己喇。」
佢講完好似冇講一樣，之後就走左去，而我亦都覺得攰喇…
原來不知不覺間已經夜喇，又到左訓覺時間…
所以我…
「屎忽，係時候喇！」
我同屎忽又搬左百變怪去訓河邊。
「喂，你唔驚小強佢又發脾氣打人呀？」
「車，佢打你喳嘛，又唔係打我。」
「咁你又講得岩噃。」
佢一副吳孟達式轉左去另一邊，不過唔夠半秒就另返過黎…
「咁我點解仲要博打呀？」
「車，我點知呀！」
我搬完之後冇選擇即刻訓，而係諗住去河邊洗個面沖個涼…
…
…
…
不過唔知係咪叫好彩呢？我又見到小姬佢響度沖緊涼…
真係好似做戲咁，總係要有少少肉戲既，不過之前都睇過啦…
咪又係…鯊…鯊…魚…魚…
鯊魚衣去左邊呀？我眼都凸埋！
係赤裸裸既上身呀！