《高登獵殺遊戲》(情景題變講故 ): 轉車時間 問個究竟

「吓！？你講真架？」我咁問句號。

「呢次係真。」句號既回應。

「咁…點解你你仲離開唔到高登獵殺森林既？」

「估計因為通漲。」

「乜係通醬！？腐乳通醬呀？」





「果個係腐乳通菜，不過我講緊係通貨膨漲。」

「咩係通貨膨漲呀？」

「即係乜撚野都加撚晒價！」

「你咁講我明好多。」

佢一路四圍望，似乎都真係驚人知道咁…





因為佢既表情同動作，我真係相信佢講既係真話。

「咁…你意思就係而家已經唔可以用十一粒膠既價值黎離開？」我再問。

「我估係咁估，事實係點，我唔知，其實擁有十粒膠有得返歸見爹娘呢單野，都只不過係傳聞黎，最白痴係我真係信左。」

「你白痴我明白，但係…你D高登膠點攞返黎架？」

「殺人！」





佢講到呢兩個字果陣，我俾佢嚇到窒左一窒…

「你…你真係會殺人架咩？」不過我總算問出呢個問題。

「你覺得呢？」

「你個樣唔似會殺人。」

「何以見得呢？」

「你個樣都唔似D殺人犯既樣。」

「咁我似咩樣呀？」

「撚樣。」





佢先係一面無奈，之後再講：

「你咁串我，你唔怕我殺左你咩？」

「你係要殺我既，你一早就殺左我，雖然我唔知咩原因你唔殺我，但係我都幾肯定你係殺唔到我或者唔會殺我，我都唔知自己講乜喇，總知，我就唔會死響你手啦。」

「咁…如果我而家係帶你去俾人殺呢？你又點睇。」

「我信你，唔會殺我。」

我都唔知點解自己會爆左呢句出黎，我仲配合埋我一雙誠懇既眼神去講。

但係佢似乎真係俾我感動左咁。





「哈…哈哈，真係天大既笑話，我咁大個人，就連我老豆老母都唔信我，你竟然話你信我？哈哈哈…」

佢講到呢度，眼裡面竟然有D淚光，仲好似響度回望緊過去咁。

之後，架車停左，司機仲落埋車…

呢吓我真係有少少驚頭先句號佢講既係真話，佢真係帶左我去俾人殺…

「做乜野呀？做乜野停左車既？」

「總站喇，轉車呀！」句號佢咁講。

「轉車！？」

「你估真係香港交通咁方便咩？你要返森林，起碼要轉三程車加行半粒鐘架。」





我地落左車，之後我繼續問佢…

「咁…之前你點樣帶我黎城市呢邊架？」

「將你掟入包裹，搵順風速遞你過黎。」

「咁你自己呢？」

「將自己掟入包裹，搵順風速遞送我返黎。」

「你唔搭車？」

「咁樣平D。」





之後，我地上左另一架小巴，而我就繼續再問︰

「句號，我四粒膠就俾硬你喇，不過你可唔可以俾多少少Service我？」

「殺人放火係我強項，奸淫勉強我都仲算OK，但係擄掠既野我唔做架喎，賣屎忽就更加唔好搵我。」

「唔係呢D呀，我想你講多少少城市﹑森林﹑鬼域同賭城既野俾我知。」

「哦，咁就簡單啦，城市呢邊有個市政府，政府大撚晒既，乜撚野都佢地管，但係又管唔好，就連口膠都唔得…」

「口交都唔得！？呢吓真係過份噃！」

「我快口左，口交得，肛交…丫，唔係，食香口膠唔得啫…」

「咁又唔同。」

「至於森林呢，因為地方大，樹木多，被當左做自然保育區咁，不過諷刺既係果度殺人冇皇管…」

「呢個我理解，咁…賭城同鬼域又點呀？」

「賭城係政府甚至係呢個高登獵殺森林既設計者既手段黎，就好似現實世界既賭城出面D名店既作用咁，你以為你贏左錢咩？最後佢都係要你消費返落佢地度。賭城之所以變成一個地區咁大既原因，就係因為城市政府要限制市民所擁有既資產。至於鬼域，就係一個流放一堆政府都認為係煩膠既人既地方，其實有D似發 放邊疆既意思。」

「咁鬼域唔係自由度大好多咩？不失為一個好地方丫。」

「錯喇，你而家見到既鬼域已經好左好多，裡面既人自強不息，響其他地方搵左好多資源返去，早期真係淨係得腐土，乜撚野植物都生長唔到，係一個完全冇資源既鬼域，之所以叫鬼域，其實就係講緊佢係一個鬼地方，根本唔係俾人住既地方。」

「多謝你呀，難得你咁認真詳盡既解釋。係呢，城市政府又係點架？」

「城市政府實行既係暴政！」

「點樣暴法？」

「個阿頭自己個樣奸就唔在講，老婆又樣衰，大女黐線既，細女又煩膠，佢自己就利用專業賺左外國幾千萬，幾令人提子呀，佢仲打電話幫個女問功課，最衰最衰就係講大話同僭建…」

「佢講咩大話呀？僭建邊度呀？」

「爛Gag講得唔好仲衰過大話，僭建就聽講話係佢老婆個心口。」

「嘩，好難想像，咁…佢個仔呢？」

「你又知佢有個仔既？聽D老粗講冇屎忽既。不過都衰鳩格架喇，個屋企出左咁多事都唔見佢出現黎處理既。你話係咪暴政政府先？」

「係，你岩，你岩晒，暴政暴政。唔好講佢喇。不過…話時話，點解你突然咁正經既？」

「我都唔想架，作者要我用認真Mode講野，一D都唔似本來既我。」

講到呢度，架小巴又到左尾站。

句號仲帶左我去一間…

酒吧！？

我地入左去…