比我發下夢都好啊: 二

今日lunch我去搵我個fd食飯果陣佢無啦啦一句殺埋黎，喂今晚去掟鏢囉? 心諗屌你我又唔識掟鏢又mama地鍾意，同埋我覺得掟鏢其實都幾曬錢下5蚊一game，玩一晚都好易破百。但我照講好啊，我食完飯打比你啊。其實我唔係好想去，係唔好意思拒絕佢姐，咪當陪佢曬下錢咁。

我住係沙田，最近個間就係鏢舖mix網吧嘅混合體。正常應該好多人下但個日撞正出面有比賽所以人都唔多件，而且我真係唔鍾意掟鏢所以期間我一直都想隔離沖ranking算數。去到夜晚11-2點到，有一男一女入左黎我開頭都冇為意，但我另外個fd係好貪玩個d人，叫住啊浩先。佢問我同唔同隔離個pair人打partner? 你會想問點解啊浩會咁犯賤叫一個唔鍾意掟鏢嘅人去組team? 其實我只係唔鍾意但我record係全舖weekly top 5。番黎先，我應承左啊浩，點解? 因為個男仔係我學校嘅師兄，佢on9仲溝女變狗公係common sense來的而且我唔多鍾意狗公同TB因為佢地溝撚曬D女，搞到一堆人冇女溝，所以我當場我幾想洪七公上身，一個打狗棒打到變番個人，之後因為掟鏢我同個條女傾左陣計，我個競爭心就更大，好想係條女面前洛佢面。

洛完個狗公師兄面之後佢一個人走先，拋棄左條女係到，咁我當然唔會放過咁珍貴嘅機會，繼續追擊。