【江湖故】《響朵砵籣街》: 四十四章
再次見到他們的時候，已經是在小紅的葬禮中。
殯儀館中，英杰和詩詩坐在家屬的位置。
詩詩已經不像第一次見面那樣的活潑，變得很文靜地坐著。
詩詩雖然年紀小，但也懂得什麼是死亡，也知道今天要告別的，正是她媽媽。
她知道以後也不會再見到媽媽，她知道以後跟她生活的是身邊這位新爸爸。
Evan負責打點葬禮，但因為小紅朋友不多，只有一些同行的姐妹，基本上來賓都是華仔的江湖朋友，有些則是英杰的朋友。
肯德基也有到場上香，華仔看到肯德基臉色比之前蒼白了不少。上前關心了一下，知道肯德基正在接受治療。
詩詩這時候在一旁認真地化寶，華仔看見就走了過去。
詩詩看見華仔過來，禮貌地叫了華仔一聲︰「華哥哥。」
「乖。」華仔摸摸詩詩的頭。
詩詩繼續認真的化寶，然後問華仔︰「華哥哥，爸爸話燒咗啲野媽媽會收到，係唔係真架？」
「係，只要係你燒畀媽媽，媽媽佢一定會收到。」
然後詩詩從口袋中拿出了一張她們兩母女的合照，對華仔說︰「咁我可唔可以燒張相畀媽媽啊？我怕媽媽會掛住我，咁佢掛住我嘅時候就可以睇住我哋張相。我怕媽媽如果太耐無見過我嘅佢會唔記得咗我係咩樣啊。」
華仔抱一抱詩詩︰「可以，你可以燒張相畀媽媽。不過你唔洗怕架，媽媽佢唔會唔記得你。媽媽會喺天堂到保護詩詩。」
詩詩︰「可唔可以叫返媽媽過嚟啊？詩詩好唔捨得媽媽啊。」
詩詩開始哭泣。華仔也跟著詩詩眼眶泛紅，沒法回答。
詩詩繼續問華仔︰「係唔係詩詩太貪心啊？係唔係有咗媽媽就唔可以有爸爸架？詩詩又想要媽媽，又想要爸爸，而家就無咗媽媽，得返爸爸。」
詩詩的哭泣聲更大。華仔也很心痛，面前這位本來是活潑可愛的小女孩，現在就像一個小淚人一樣。
偏偏在這個時候，最不應該出現的人出現了。
碎料良站起來大叫︰「鬍鬚狗！你過嚟做咩！哩到唔歡迎你！」
鬍鬚狗回答︰「喂喂喂，喺先人面前嘈怨巴閉，你咁會阻住先人安息架！」
華仔走了過去︰「鬍鬚狗！你一係而家走，一係就唔好撚走！我叫師父幫你破埋地獄，順便今日出埋殯！」
華仔一挑釁，鬍鬚狗的門生立即起哄。
鬍鬚狗︰「華哥仔，我都係俾面先人，過嚟上柱香，順便祭多個condom畀佢，提醒佢喺下面都要記得安全性行為啊，哈哈哈！」
碎料良大怒，指著鬍鬚狗說︰「屌你老母啦鬍鬚狗，如果唔係你小紅就唔洗死！」
聽到這句話的英杰就像失了控一樣，憤怒地衝向鬍鬚狗。
「原來係你個仆街害死小紅！」
當然英杰還未衝到過去，就被鬍鬚狗身邊的威哥一腳踢開，倒在地上。
英杰一倒地，華仔也不管三七廿一，一個快步踏前，再一個直拳擊向鬍鬚狗。
事出突然，鬍鬚狗無法閃避，身邊的門生眼光又注意了倒在地上的英杰，所以這個直拳，狠狠地擊中了鬍鬚狗的臉門。
鬍鬚狗臉門中了拳，立即用手遮掩臉門，倒退了兩步，再張手打開，發現正在流鼻血，鬍鬚狗老羞成怒，指著華仔對身邊的門生說︰「同我打！」
門生立即行動，將華仔拉進人群裡打。在人數的壓制下，華仔根本無力還擊，只有舉起雙手保護好頭部，保持眼睛開張，等待著可以還擊的時間。
碎料良看見華仔被打，立即走了過去，完全沒有保護自己的動作，只是不停地攻擊想替華仔解圍。
「停手！」肯德基大叫。
一聲大叫後，肯德基的門生都站了起來，這種氣勢讓本來在打架的人都突然停下手來。
鬍鬚狗早已將鼻血擦乾淨，拍著手說︰「嘩！原來我哋砵蘭街基仔都喺到，歡迎歡迎！面色好似唔係幾好喎你，過嚟睇定環境啊？」
「狗仔，我做咩又唔到你理得著吖，今日送別先人，係唔係要攪事啊？」肯德基說。
「你都識講送別先人啦，咁我咪過嚟上柱香囉。」
「我哋小紅受唔起，請回啦。跛康，送客！」
「咁又唔洗你送，遲啲可能我送你呢。香受唔起唔緊要，哩個condom受得起喇掛。」鬍鬚狗說罷就將手中的condom拋向祭枱。
華仔非常不爽，又想要出手。
不過肯德基見狀就立即叫住︰「華仔。」
聽到肯德基叫，華仔也停了手。
肯德基繼續說︰「咁走得未啊你？洗唔洗叫跛康送你一程？」
鬍鬚狗沒有回答肯德基，轉身就離去。
一直倒在地上的英杰想要追出去，華仔立即按住他。
英杰對華仔說︰「係唔係條仆街害死小紅？係唔係？」
華仔︰「江湖事，你等返我哋江湖人去處理好唔好？」
英杰︰「唔得！我要殺咗佢！」
英杰語氣跟眼神都很堅定，華仔害怕英杰真的會報復。
以英杰的能力，大概就是去送死而已。
華仔︰「英杰！你放心俾我哋做！我一定會幫小紅報仇！一定會！你要做嘅唔係報仇，係好好咁照顧詩詩啊！詩詩已經無咗媽媽，你哩個爸爸對佢好重要，你唔可以有事，明唔明啊？」
此時英杰看一看詩詩，詩詩被剛才的場景嚇壞了。躲在一旁在哭泣。
英杰看到詩詩正在害怕，什麼都不想，立即就衝了過去抱住詩詩︰「無事，無事，爸爸喺到。」
詩詩在英杰的懷裡繼續哭泣。
Evan走過去華仔身邊，對他說︰「無事吖嗎？」
華仔對Evan說︰「我已經諗到點對付鬍鬚狗。睇吓小紅會唔會同意我嘅諗法。」
然後華仔走過去小紅的祭壇面前，口中唸唸有詞，然後拿起聖杯就擲，結果是一正一反，小紅看似同意了華仔的想法。
Evan立即走過去華仔身邊問︰「你嗰個係咩方法？可唔可以講我知？」
華仔對Evan說︰「鬍鬚狗條撚樣咁撚鍾意玩愛滋雞吖嗎，我就同佢玩愛滋雞！」