【江湖故】《響朵砵籣街》: 第十一章

梳洗過後，走出房間時已經見到蘋果將整個煮食電爐放在桌上，再從櫃子裡拿出即棄木筷及膠碗。
「快啲過嚟食丫，好好食架！」蘋果笑得好甜。
 
「咩嚟架？」華仔邊說邊走過去坐下。
 
「我哋自己包嘅餃子啊，出面食唔到架！」蘋果自信滿滿。
 
「自己包？你哋？」
 
「係啊，我哋幾個姐妹包架。」




 
「你哋感情好似幾好喎。」
 
「都係架，以前強哥好時間會少上嚟私竇，基本上只係分錢數錢嘅時候先會上嚟，所以好多時候都係得我哋五姐妹喺到，傾得多偈感情自然好啦。咁我哋幾個又無咩嘢做，有時未會煮吓嘢食囉。」
 
「哈哈，咁我如果成日上嚟未會好阻住你哋囉。」
 
「梗係唔會啦，你點同強哥！」
 
「吓…有咩唔同啊？」




 
「我都唔知啊。」說罷，蘋果對華仔甜甜地笑一笑。
 
不知道是否職業病，或許她們真的習慣了討男人歡心所以才說出這樣的話。
雖然華仔知道這種話不能盡信，但心裡不禁有點甜。
 
微笑地回應一下蘋果就開動了。
果然餃子的味道很好，吃過一口後就欲罷不能，華仔馬上狼吞虎嚥起來。
蘋果見狀馬上失笑，用她柔柔的聲線說︰「慢慢食啦，一陣噎親啊。」
 




「嗯，嗯。」
華仔繼續他的狼吞虎嚥，可能因為餃子真的太好食，也可能因為華仔本身太肚餓。
 
「嘩！你哋兩個自己喺到食嘢唔搵我！」說話的是剛進門的朱古力。
 
「仲有架，我煮埋畀你吖。」蘋果說。
 
「咁就差唔多，快啲啦，好肚餓啊！」朱古力一下就坐到華仔身旁，沒等蘋果的餃子煮好，就拿起碗筷夾走華仔碗中的餃子。
 
「好肚餓啊，食住你嗰啲先。最多轉頭畀返我嗰啲你食喇！」
華仔當然不介意，將碗推到兩個人的中間一齊分享。
 
「好啦，見你咁乖，餵你食一粒啦。」朱古力夾起餃子餵到華仔的嘴邊，華仔亦不好拒絕，將餃子吃下。
 
華仔此時注意一下環境，有一位女人餵自己吃飯，有另外一個女人替自己在煮飯，雖然這兩位女士算不上國色天香，但相貌亦不差。突然間華仔有點暗爽，覺得馬伕這職業說不定是幸福的職業。