【江湖故】《響朵砵籣街》: 第九章

回到私竇後，又是一層無聲的尷尬。
華仔跟妓女們第一天的見面，總找不著話題，又怕像剛才般說錯話或問錯問題，所以一直都無言以對。
妓女們見華仔不說話，又不敢私下談話，畢竟跟他第一次見面，完全不理他，幾個女人私下談話也沒有禮貌。
 
面對這尷尬的空氣，華仔嘗試首先打開話題︰「丫～你哋識唔識邊個鬍鬚狗啊？頭先聽良哥講好似好猛咁喎。」
色情業就是他們暫時唯一的共同話題，所以華仔嘗試以這個話題開始交談。順便能夠知道多一點仇家的事也是有用。
 
Amy︰「你唔識鬍鬚狗？」
「唔識啊…」華仔沒辦法不講大話，畢竟自己才剛剛發芽，如果被人知道他是上校的兒子會很危險，自己又連保護好自己的能力都沒有。
 




朱古力︰「唔係掛，你做哩行唔識鬍鬚狗？」
 
「都話唔識咯…」
 
小紅︰「鬍鬚狗都唔識？連我咩都唔知嘅人都識喎。」
 
「喂，我都話唔識咯…你哋唔好一人問一次好喎！鬍鬚狗好巴閉架？」
 
Amy︰「點只巴閉啊，旺角佢玩晒添啦！總括嚟講，賤人一個！」
 




朱古力︰「佢之前做毒架，俾皇氣掃得勁，依家主力做黃喇。」
 
Amy︰「條仆街導自己啲女升仙，跟過佢嘅條條女無咗佢啲白粉會死架，你話幾多女幫佢賣命丫！根本一跟佢就無可能上到岸！幾好生意都無可能啊！」
 
蘋果︰「Amy啊…你哋咁樣鬧人會唔會唔係幾好啊……」
 
Amy︰「怕咩！大家自己人，除非華哥報串啫。」
 
Amy察覺到自己說出了重點，擔心地定眼望一望華仔。
華仔立即回話︰「你放心都得喇，我連邊鳩個鬍鬚狗都唔撚識，想報串都唔得啦。」




 
Amy放心起來，又繼續說起鬍鬚狗的是非，朱古力也不停地搭話，其他人就間中插一兩句話。
女人嘛，一說起是非上來就像有講不停的話題，尤其是像鬍鬚狗這種無惡不作的人，要說起壞話上來是一晚說不完的。
她們都樂意將鬍鬚狗所做過的壞事詳細地告訴華仔。
 
立即，房間由寧靜的尷尬變成人聲四起。
直至電話再響，再有生意時才停止。而Amy她們明顯還未說夠，只是工作需要無奈終止對話。