《男人多情而長情，女人專情而絕情》: 第九章
=16px我地就咁拖住手仔咁翻學，但都唔知咁張揚既，事關學校都係行果一套嫁啦：禁止中學生談戀愛，但奇就奇在無個學生會聽學校講，因為中學唔談翻一場戀愛，將來會後悔。
=16px我地落巴士就冇拖啦，好似朋友咁行翻學。沿路我都行得好有自信，因為我有囡！行出黎特別威風。
=16px平時行路就頭duck duck咁，毒向左走向右走邊會有自信既姐。一齊左之後，自信即刻upgrade左幾個level。
=16px我地撞到方子龍同一個女仔翻學，仲諗住今次真係連個天都支持我地拍拖。
=16px我一拍拖，方子龍條狗公都有女啦，終於唔洗同我爭野食
=16px =16px點知佢竟然唔理隔離條女，走埋我地度，同我地say hi。我諗住咁樣就算嫁啦嘛，點知佢夠膽死係我面前約康僑。
=16px「今日放學得唔得閒呀？一唔一齊去圖書館溫書？」
=16px「我今日放學唔得呀，我今日放學約左人呀。」話口未完，佢就繞住我隻手，擺明話：「我今日放學唔得閒呀，我要同我男朋友去拍拖仔呀。」
=16px方子龍聽完呆左一呆，我未見過佢咁表情，心裡面突然間覺得好爽快，「你都有今日啦方子龍！」
=16px「唔緊要啦，你得閒再搵我啦。」佢依然不失風度。 =16px我擔心既係，方子龍唔肯就咁算數，或者佢仲未知或者扮唔知我地拍緊拖。
=16px「唔洗擔心喎，就算發生咩事都好，只要你唔走，我都陪住你。」佢睇得出我既心情，相識冇3個月，就已經咁了解我，睇黎佢真係花左好多心機落我度。
=16px係學校門口，我捉住佢隻手，大力咁捉，我唔介意人地既眼光，我正係想俾佢知，我係有幾咁想捉實佢。
=16px我知佢係feel到痛，但佢展露出一個幸福既笑容，依家在意既唔係肉體既感覺，而係我地內心既溫暖。
=16px一個男人咩都可以失去，但就係唔可以失去最愛既人－－既笑容。因為一但失去左，即使擁有再多，都唔會再覺得滿足。
=16px好慶幸我地都搵到岩既人，只可惜我地係錯誤既時候開始。 =16px通常一拍拖，就會唔記得成個世界。
=16px成個世界仿佛就得翻你同佢，依家我先深深體會呢種感受。
=16px點解有人可以係公眾場所做?應該係床上面做既野？
=16px點解?人話愛情係盲目？
=16px因為真係拍左拖就咩都見唔到，正係見到佢。
=16px呢一種魔力可以令你無視身邊所有野，旁若無人咁拍拖。
=16px拍拖只要自己開心就得啦，又唔係人地拍拖，關佢地L事咩？
=16px依家既我，正旁若無人咁同康僑錫錫。
=16px初吻既感覺竟然係如此美好。 =16px我既初吻唔係係?浪漫既場合，而係係生活既小細節。
=16px當我未反應得切既時候，初吻就已經無左。
=16px---------------------------------------------------
=16px我地岩岩一齊無幾日就要考試，所以我地都無咩點出黎拍拖。
=16px一考完最尾果科，即刻同佢狗衝出學校，去享受二人世界。
=16px去學校附近食個lunch，一邊食一邊傾岩岩考既野。
=16px呢?都係中學生既特權，離開左中學之後，邊有呢?歌仔唱？
=16px「岩岩你考成點呀？」康僑佢食到好猴琴。
=16px「做咩呀你？今朝無食早餐咩？」我關心佢。
=16px「無呀，今朝出門口太趕啦。」
=16px「下次唔準呀！平時你想點都得，但唔想早餐好唔健康嫁。」我用扮嬲既語氣同佢講。
=16px「咩喔，咁人地真係趕呀嘛......」佢又黎呢招「扮可憐」。
=16px我都未叫你扮比卡超啦。
=16px「快?食啦你。」見到佢咁既樣仲邊嬲得落呀？
=16px「你未答我喔，岩岩考成點呀？」佢追問我。
=16px「還好啦，都識做既，中文姐。」
=16px「中文唔好咁有信心，如果唔係失望好大嫁。」
=16px「咁又係。」
=16px我食完望一望佢，佢呢隻烏糟貓，食野食到成嘴都係。
=16px「烏糟貓。」我輕輕咁鬧佢。
=16px我?張溝女紙巾，幫佢拭嘴。
=16px我feel到佢眼甘甘咁望住我，我幫佢拭完。
=16px佢就蜻蜓點水咁錫左我一下。 =16px佢錫完我，我就呆左係度，唔識俾反應佢。
=16px佢仲怕羞咁扮繼續食野，明明個碟已經咩都冇。
=16px佢見我咁耐都無反應，抬頭望一望我，見我呆左。
=16px「做咩事呀？呆左咁既？」
=16px我都係唔識得反應。
=16px「馬殺嫁，呢個係...係你既初吻？」佢無啦啦講日文。
=16px佢都係見我冇反應，勁大趕叫左聲「喂！」，成個餐廳都聽到，望住佢。
=16px佢即刻擰我耳仔過黎，「做咩姐你，傻左咁」。
=16px尷尬怕羞既佢都好duck意。
=16px我終於回過神黎，「無呀，初吻黎既好突然，然後又好突然咁走左姐，有?唔識反應。」
=16px「唔係話？呢個世界真係有純情少男？我以為絕曬種添。」
=16px「唔怕話你知，呢個世界仲有好多添，你都未遇過。就好似你識曬全世界所有人咩真係？」我串翻佢。
=16px佢即刻無聲出。
=16px我地第一次靜左。 =16px我真係唔知點好......第一次dead air。
=16px我即刻兜啦緊係，「我唔係話串你，咁真係仲有好多呀嘛。」
=16px好彩佢都即刻開口，如果唔係我都唔知點算。
=16px「我唔理，總之你正係可以對我純情！」佢好霸道。
=16px即使佢橫行無理，我都甘願，都係另一種味道。
=16px睇黎我都係要俾佢食住嫁啦，唉。
=16px呢一句唉得黎，帶點甜絲絲既感覺。
=16px食完野之後去海旁行，拖住水咁耐慢步，好寫意。行下坐下攪下咁，去到海旁尾，我都係忍唔住想錫多一次。
=16px其實一路以黎都想錫佢嫁啦，話曬岩岩初吻都未享受完就結束左。
=16px就好似你扑野咁，插左一下你就射左，俾你都想黎多鑊啦？
=16px我就抱住呢個心態想去錫佢，點知佢竟然知我想做咩，唔俾我錫。
=16px「我知你未夠皮嫁啦，但我要你忍住，反正我遲早都會俾你既。」康僑笑笑口咁講。
=16px心諗：Hi囉，姐係就射既時候黎同我講，我要你忍住唔射，反正我遲下都會俾你射，咁樣？
=16px但我無講出口，因為我知一講就Hi Hi，咁就唯有唔好咁急啦。