《男人多情而長情，女人專情而絕情》: 第一章

現代社會，成功既男人有三大特徵：有車，有樓，有女。 

依家既我，三樣都有齊曬，表面上好似好成功咁，但其實只係一具行屍走肉既疆屍，仲要俾人困住咗係個密室度，想走又走唔到。 

我叫華仔，花名就咁岩同某明星一樣，但就冇佢咁靚仔姐。 

我今年32歲，正直男人光輝時期，事業尚算有成，已婚。 

依家瞓係我隔離既，唔係我老婆，而係我既出租情人。 





十個男人九個滾，剩底果個仲諗緊，我身為男人，出去滾有咩咁出奇？ 

其實呢次係我第一次出去滾，我身邊呢位女仔，係我同機緣巧合下識既，係App度識，周圍搵食既佢，咁岩就搵上我。 

「登登登」，我老婆send whatsapp俾我：「今晚早啲翻黎啦，煮左你最鐘意既瑞士雞翼。」 

我攬緊既「出租情人」微微地郁一郁，唔小心就整醒左佢。佢叫啊紅，就咁聽個名就好似大陸落黎，而佢真係係大陸落黎，但廣東話都好流利。 

我地約左係下就1-2點到，完事左就瞓左陣，話曬岩岩咁攰 





「我等一陣仲有事，我要走先啦。」我一邊著翻自己既衫一邊講。 

「咁好啦，之後想就再聯絡我啦。」佢好似對呢啲野已經見怪不怪咁。 

啊紅佢身材好好，要腳有腳，要腰有腰，要胸有胸，樣子算係清秀，睇落似20出頭。可惜就可惜要淪落到咁，如果佢係香港出世，實俾啲男人封冊為女神，定期為幫佢上香，交香油錢。 

翻到屋企已經夜晚，我老婆亦煮好曬飯係屋企等我食飯。 

「老公～你翻黎啦？快啲黎食啦。」佢好興奮咁拉我過去飯桌度。 





「做咩事今日咁好死呀？又唔係啲咩紀念日，中左六合彩呀？」 

「無呀，見你咁辛苦，禮拜六日都要開ot，咪慰勞下你囉。」佢笑笑口咁講，個笑容似收埋左把刀咁，唔通啲女人既第六感真係咁準？ 

我老婆叫Crystal，身材比啊紅仲要正，因為佢後生既時候係做模特兒，而我，就係佢用黎埋單既毒向左走向右走。