我的爛Gag女友: 拒絕, 仍未放下
JUPAS放榜前, 我每日都去”空宅” 做肥文介紹的工作, 推銷電腦, 而這份工估不到也是相當有趣. 同事們都是年青人, 可能因為是Sales關係, 都很健談. 主管們見我年青, 經常和我講述他們的聖戰經驗.
主管A對住個女同事: 喂, 我琴晚係旺角幫襯果個, 個樣好似妳喎, 係咪妳泥架?
女同事(一點也不害羞): 屌鳩你啦, 幫襯你個老母呀.
-------------------------------------------------------------------------------------------------------
主管B對我說: 我以前個女友, 有38E, 一手都渣唔晒, 好彈手, 勁爽, 呢種感覺, 你真係要試下呀阿月..
我: 咁而家呢?
主管B: 而家果個靚過之前果個, 但係蛋糕仔, 一d手感都無.
我: 超, 你都成日去叫雞啦, 搵番隻大既補番數囉.
主管B: 屌, 點同呀, 叫雞要錢架麻.
我(O晒咀): o我, 係喎呵.
-------------------------------------------------------------------------------------------------------
相機部同事C: 阿月, 等阿叔話你知, 其實16歲至60歲, 未收經既女人, 都係個適合既性交對象泥架.
我(又O晒咀): 吓?????六十歲你都殺?
同事C: 屌, 熄燈一撚樣姐.
我: 咁你第二朝起身都會嚇親架
同事C: 早d起身, 等日出之前俾埋錢走人咪得囉on撚9
我: 高見高見, 拜服拜服.
-------------------------------------------------------------------------------------------------------
由於太耐以前, 好多唔記得左, 只記得以上最爆的幾個對話.
除左這些男同事的奇趣節錄外, 我在這份工作亦遇上一個叫Irene 的女同事向我表白. 她是另一個牌子的電腦Promoter, 是我的競爭對手. 但每次見她愛理不理的站著, 不去推銷, 是典型的淆老底.
由於我們上班要穿恤衫西褲, 故可以穿的花樣不多. Irene每次穿恤衫回來都不會扣上恤衫前最高的一粒鈕, 內裏的胸圍若隱若現, 加上樣子也算不俗, 一頭清爽的短髮, 加上一點化妝, 成為公司戰狼300的目標. 而我, 目標是儘量賺多點錢在大學使用, 減輕屋企負擔, 所以沒有特別理會她. 然而她卻經常來找我閒聊, 令我經常被主管嘲諷爭飯食.
Irene: 阿月, 你個樣好細個喎, 你仲讀緊書呀?
我: 唔知呢, 可能到JUPAS放左榜就唔係啦, 到時唔知仲有冇得讀.
Irene: 你咩成績呀咁?
我: 我咪中文XX, 英文又XX, XXX囉, 所以唔係一定入到架
Irene: 你放心啦, 你咁既成績點會入唔到呀, 乜都驚一餐
我: 妖, 你識條春咩!!
Irene: 超!! 你今日有無約人食飯呀? 等姐姐帶你出去食飯啦, 廢時你蕩失路唔識番泥呀
我: 是但啦, 總之食平d就得架啦, 我無錢呀~
Irene: 日日都係度番工, 點會無錢呀
之後日子, 我們兩人經常都一同食lunch. 傾落先知, 原來Irene正在紅磡大學修讀我夢想的科目, 而且己經在Year 2升Year 3 暑假. 她比我大三歲. 看似像乖乖女, 原來她也經常去當年的348, 是正式的蒲精. 有次我問她.
我: Irene姐, 點解妳件恤衫成日都唔扣頭果粒鈕既? 妳心口應該唔會勁到爆鈕個喎
Irene: 我就係要引死你d麻甩佬丫麻.
我: 呵呵, 我係麻甩仔, 免疫.
Irene: 超!!
隔一陣, 我的牛肉粥, 蘿蔔糕到了.
我: 頂!! 蘿蔔糕真係得蘿蔔, 一粒蝦米都無架?
Irene: 咁既價錢係咁上下啦, 俾鮑魚粒你咩.
我: 都無理由咁過份架.
又過一陣, 食食下:
Irene: 我同我男朋友最近嗌交呀, 佢話我成日去蒲, 唔准我再去.
我: 咁你咪同佢講, 你淨係去348跳下舞, 乜都無做囉.
Irene: 唔係架, 我落到去, 有飲酒, 有食糖架.
我(驚訝地): 食糖?? 你唔係下麻.
Irene: 唉, 好煩呀, 如果你係我男友咪好囉, 你咁蠢, 乜都唔識, 咁我就乜都唔使煩.
我無出聲, 過一陣, 我地食完飯, 一同返回店鋪工作.
兩星期之後, 是JUPAS公佈結果的日子, 我一大早八時起床上網看結果. 我一看, 非常的驚喜, 當時的心情就像看到了自己的前程一樣, 又一城大學正式取錄了我. 我即時同阿媽講, 阿媽當時訓覺都即刻開心到彈左起身. 我中學一直以來的奮鬥目標, 終於有了成果. 此刻, 我很想與嘉嘉分享, 但給她拒絕後, 我沒勇氣再找她.
到之後一天, 我又回到店鋪工作. 見到Irene, 我洋洋得意的跟她說, 我成功入了又一城大學的xxx系呀, 今日lunch我請.
Irene (有點愁容): 好, 等陣lunch 等啦.
到lunch, 一同外出, 雖然開心, 但係果餐請的都是吃粥店, 因為真係無錢.
Irene: 喂, 有冇攪錯呀, 第一餐請我食飯又係泥返粥檔, 搵間好小小得唔得呀?
我: 唉, 將就下啦, 真係無錢呀麻, 至多叫多碟炸兩俾妳啦.
Irene: 妖, 正度精.
一會, 食物己經到齊.
Irene: 恭喜你入到大學先, 以後生生性性啦你.
我: 多謝, 多謝. 係呢, 上次同男友嘈完而家點呀? 仲有冇嗌交呀?
Irene 此刻眉頭緊鄒, 低頭對著她的牛肉粥.
Irene: 無呀, 我地分左手啦.
我: 唔好意思.
Irene: 唔緊要.
然後, 我不敢再出聲, 大家繼續食飯.
再隔一會……
Irene: 記唔記得, 上次同你講過, 如果你係我男友就好?
我(扮傻仔): 係咩? 唔記得啦喎
Irene(用好堅定眼神望住我): 咁你而家知道左, 你可唔可以同我一齊呀?
呢一刻令我想起, 當年中二阿翟開口向我表白時我的幼稚反應. 估不到, 事隔多年後, 又再有同樣情況.
但現在的我, 因為嘉嘉的經歷, 我很清楚自己要的不僅僅是一個漂亮的外觀, 我需要的是一個文靜, 純潔的女朋友. 加上, 此刻其實我仍未放下嘉嘉, 所以, 我回答了一個比當年成熟的答案.
我(認真的望著Irene): 好多謝你咁欣賞我, 但係, 我應承左一個女仔我要等佢, 所以, 對唔住, 我唔可以接受妳.
Irene: 咁你要等到佢幾時呀? 我都可以等你架.
我雙眼閉起,, 將頭抬起望向天空, 若有所思似的.
我: 對唔住, 我真係放唔低佢, 我都唔知自己會等幾耐, 一個月? 一年? 定係一世? 我自己都未有答案, 我真係唔可以接受你.
Irene: 唉, 若果我地早幾年識就好啦.
我: 咁……
然後, Irene突然面色一轉, 轉回嬉皮笑臉的樣子.
Irene: 玩你咋, 睇你認真個樣真係勁攪笑呀, 入到大學你就開心d啦, 大學大把女你溝呀, 一日我都怕你等唔到呀.
呢一刻, 我心諗, 呢個大姐姐果然利害, 一句說話就可以將這尷尬的氣氛完全消去, 而且不失霸氣. 實在拜服. 在此之後, Irene調到另一間分店工作, 而我們只是保持在ICQ寒暄兩句, 直至現在.