孽緣: 一瞬間的甜蜜
一瞬間的甜蜜-
同C先生初期真係好sweet。C先生話 做男朋友出街個陣一定要有三寶 遮 紙巾同埋膠布喺身。一齊左兩,三日就到中秋節 個晚都係我哋4個自己一齊過,其實個日都好黑仔。
首先 肥仔拎出嚟嗰袋月餅盒 留咗喺世貿 返返去搵月餅盒同啲月餅個陣已經唔見晒嚕
第二,因為Jenny嘅唔小心 所以銀包俾人偷咗
本來諗住4個人夜晚食板長之後再賞月玩蠟燭,點知變咗去差館報失同去七仔買飯盒買酒飲 唔好問我哋點解嗰陣未夠18買到酒啊 因為我都唔知。攞左d飯盒去後巷度食 幾寫意架 條後巷有枱同d污穢嘅椅子。
J:唉又會俾人偷銀包嘅
肥仔:唉又會俾人偷月餅嘅
J:屌你收皮啦 係你自己唔小心漏低左
肥仔:後尾都搵唔返 都係算俾人偷啦
我:唔爭氣咁笑左 算啦算啦 一陣間食完飯去邊好
J:冇哂心情啦都 不過多謝你哋陪我食丁飯
C先生:係另一翻風味嚟嘅
我:係囉係囉
肥仔:一陣去海皮啦 咪當吹下風 飲下酒咁
J:好啊 係要啤啤去嘅
去到海皮 Jenny同肥仔就行開咗 而我同C先生就一路飲酒一路咀下咁,之後肥仔返嚟個陣 唔知發咩癲 可能見到我哋咀所以酸我地 ,一野飛支玻璃酒樽埋嚟 不過只係碎咗喺附近地下。
我:咩料啊你
肥仔:好酸啊
C先生:算啦算啦 佢啱啱失戀係咁
我:失戀大哂咩
之後Jenny拉走左肥仔去另一邊安慰肥仔
C先生:你冇事就得啦
我:冇病呀 痴撚線架喎
C先生:算啦算啦 小心啲玻璃碎啦
我:嗯 (其實個陣我真係有啲嬲)
後尾再同C先生耍下花牆 點知佢唔小心推跌咗我落地
C先生:你冇事呀嘛 對唔住呀
我:冇啊 (雖然pat pat落地 不過認真唔痛)
C先生:你唔痛咩?你小腿流血喎 (超驚)
我:下 (望一望 屌超多血 流到去腳底)
冇估錯應該係跌底個陣俾玻璃界到小腿
C先生:你唔好郁 我幫你止左血先(必備三寶 其中一寶 紙巾)
之後Jenny同肥仔離遠見到我哋好似唔對路就行返過嚟
J:哇 你冇事啊麻 流咁多血不如去醫院啦
我:痴線 咁小事使鬼去醫院
J:邊到小事 流到咁 又止唔到血喎
我:唔洗啦
肥仔:前邊好似有公廁去公廁搞搞先啦
C先生:你行唔行到
我:應該得 (一企起身 痛撚到痴孖費）屌
C先生:我抱你過去
我:你咁瘦點抱我
肥仔:你唔介意我可以幫你抱佢
C先生:唔洗 (其實介意)
但最後都佢哋兩個一齊抱我去男廁(因為C先生介意 所以先一齊抱 唔好諗到我好重 要兩個人一齊抱我)Jenny就留係原位睇袋同堆酒
入到男廁我好尷尬 好多麻甩佬望住我坐咗係個洗手盆到比C先生幫我洗傷口。C先生攞出佢嘅必備三寶 其中一寶 膠布 一塊細細地嘅膠布貼左係我個傷口度 太多血啦 所以貼左等於冇貼, 諗返起嗰陣係好感動同幸福嘅。C先生送我返屋企送到上屋企門口。所以佢知我住邊同幾多樓。真係失策 一齊左幾日佢就知我住幾多樓同住係邊。
個日後我冇即刻去醫院 過咗一個禮拜先覺得只係靠紅藥水黃藥水都唔掂先死死氣去咗醫院聯左六針。到依家個疤仲係度。
因為同班關係所以日日最小見八個鐘。有一日因為腸胃炎冇返學。C先生一放小息同Lunch都會打俾我 關心我 好窩心架。但有邊個會估到佢放左學返完part-time再過左嚟我屋企樓下個個公園。
電話-
C先生:點啊你好d未
我:好好多啦 返緊屋企嗱?攰唔攰啊?
C先生:係啊返撘緊車啦 好掛住你
我:聽日返學咪見到囉
C先生:仲好講。明明日日最少可以見你八個鐘架嘛 今日見少咗你八個鐘啦
我:傻架你
C先生:望落嚟公園啦
我:下 做咩 你唔係嚟咗嘛
（望望樓下真係見到佢 佢仲要喺度望上嚟)
我:聽日仲要返學架 你快d返屋企仲好啦
C先生:唔得喎 我要見多你一陣
我:拍戲咩 羅拔歐與茱麗葉啊 （哈哈
C先生:好彩你住7樓 所以咁遠都望到你
我:妖 係啦係啦 你快啲返去啦
C先生:好囉好囉
(大叫左一聲 我嘅全名 我愛你啊)
我:有回音啊 好大聲啊你 嘈住人啦
C先生:d人都瞓哂啦
(個晚雖然腸胃炎 不過都係笑住瞓教)
另一方面-
本身想低調 講真 本身學校老師同埋同學都唔知我哋係埋一齊 個陣已經合左班 成班三十幾人到啦。 不過有一日交中文隨筆(週記)。
C先生:你知唔知我隨筆寫左啲咩呢?
我:下你寫左d咩
C先生:我寫咗同你一齊同埋你中玻璃嗰件事
我:你係咪痴線架 Miss王(我班主任) 一定知啦咁
C先生:有咩問題 你係我女朋友嘛
我:好囉咁 (其實聽到呢句 都唔知嬲定笑好 因為我始終唔想俾人知我同佢拍拖住)
C先生:哈冇事啦
（過左幾日）
Miss: 你哋知唔知C先生喺隨筆寫左啲咩？(炆炆地）
我個陣心諗仆街啦 篇隨筆仲要寫左我個名 個陣我即刻望住C先生 表示淆青啦 點知佢淨係俾左個飛吻俾我。 我個陣真係妖左聲
C先生:做咩啊miss王, 應該冇問題架喎 仲寫得好好添(哈哈
Miss王: 你感情生活我唔想知 其他學生就驚比老師發現自己拍拖 唔想煩 而你呢 就啱啱相反
C先生:嘻
(自從比班主任知道咗冇幾耐 教我地嘅老師識我地嘅老師都知我哋拍拖 其實都冇乜嘢嘅 都係俾老師抽下我哋水咁樣姐 我間中學又未話 唔俾人拍拖嘅)
C先生同左我一齊左之後 佢同肥仔fd嘅關係越嚟越差 因為喺學校都公開左關係 所以佢成日都同我一齊 咁小息同Lunch我都係同我d姊妹一齊嘅 不過多左C先生。個陣我覺得自己好幸福架 有個好男朋友 又有班好姊妹。
不過都只係短暫嘅甜蜜-
續...