【夏迎春與男仔頭的那些事】: Chapter 03 追求者的出現

戀字上半部包含變態的變，下半部有著變態的態，所以戀愛就是變態！
 
我們二人的變態，很容易真的會招惹到另一些變態想跟我女朋友變態的人！
 
我們戀愛的日子大約六個月，某晚到芷翎作客過夜，她說起工作，說起新同事，說起新同事是她從前的大學同學，接著那位舊同學如何跟她主動聊天，問起感情近況，換來我的追問，
 
「咁有無問你結婚未呢？」
 
「有呀，答佢未結。」
 




「有無借啲意問你男朋友既野呢？」
 
「有呀，我咪話依家同左你一齊。」
 
「咁佢有無問你電話有無轉到？」
 
「有呀，我話無轉到，佢立即whatsapp返我。」
 
「有無問過你放假去邊？」
 




「有呀，咪話有時男朋友拍拖，有時同朋友行下街。」
 
「咁佢有無話，有機會叫班大學同學一齊聚下，一係話一齊食飯？」
 
「嗯，佢有呀，佢話搵日放工一齊食飯。」
 
「咁一定係狗公！」
 
真相只有一個，就是根據從前我見識了無數狗公的日子，溝女無數的經驗，我絕對明白狗公的行為心理。
 




他們會打探對象是否已婚，只要未婚，還有追求的機會。
 
他們會打聽對象的另一半，看看對手的身份，自己是否足已匹敵。
 
當條件成熟後，便會開始借故查問連絡方法，一旦連絡方法得手後，便會立即再進一步，於狗公而言，時間就是一切，因為眼前的對象得手後，便會立即中出即飛，找尋下一個對象，所以他們會順勢而上，假意慰問假日有何節目，不如找天一起聚舊等等，無所不用其極。
 
他們心裡沒有什麼地方想去，只有一個終點想跟你一起去，就是酒店或者他的家。
 
經過我的解釋和結論後，芷翎立即摺起衣袖，使勁地揑著我的臉頰喊道，
 
「即係你係一隻狗公啦。」
 
「咩話？」
 
「我好記得你曾幾何時係我屋企，有做過呢啲野，有問過呢啲問題。」




 
話未剛落，她咬牙切齒地嚴刑峻罰續問，
 
「答我，點解你咁清楚呢啲野？」
 
要是受苦，倒不如坦誠。
 
「我認，從前我係一隻狗公，但我係一隻會對你埋單既狗公。」
 
接著，本來乖乖地伏在地上休息的「冬哥」不知何解，突然撲上前，跟我面面相覷對我吠了一聲，芷翎隨即嘲諷了我，
 
「迎冬都叫你唔好侮辱狗公呢個名詞，而且就算無你，迎冬呢隻狗公都會對我埋單！」
 
假若我是「冬哥」的話，我真的分不清她在讚賞我，還是侮蔑我。
 




我想也不想把芷翎擁入懷中，
 
「咁你咪當我呷醋，又或者當我唔鍾意有狗公係你身邊！拿，我同你講呀，我會打狗棒法！」
 
「哈哈，夏迎春做咩打自己？」
 
「錯，我係保護我既芷翎」
 
「好耐無聽過你叫我呢個名。」
 
「咁我以後叫多啲。」
 
「好呀。」
 
我們情到濃時的一個熱吻過後，芷翎在我耳邊輕聲呢喃，




 
「放心啦，傻瓜！我睇到果個人內心想點，我會識防備。」
 
「你點會睇到先？」
 
「係秘密，你咪當我識讀心術！所以佢條狗尾扯一扯我都已經知佢想點。」
 
「嘿嘿，我依家條狗尾都扯一扯，咁你知唔知我想點？」
 
芷翎在我耳邊吹了一口氣，
 
「咁不如我俾你估下我想點？」
 
「你想點呢？」
 




「三個字既。」
 
「你俾我？」
 
「錯，係…..剪左佢！哈哈！」
 
WTF…..