我們中，出了個叛徒: Line 26

　　「我唔知可以撐到幾耐，我地都唔可以講嘢，唔係會畀佢地發現。」阿儀說。
　　我打了個「ＯＫ」的手勢，玲姐也點了點頭。
　　正因時間準確無誤，我們在大堂呆等了幾分鐘，還沒等到那兩人現身，心就開始焦急起來。
　　忽然心慌了一慌，暗叫不妙。我立刻示意往升降機走去，並且按下了上頂樓的鍵。
　　雖然她倆感到莫名其妙，但還是相信我的行動。在升降機內也沒有多說什麼。升降機門打開，我們踏出升降機的一刻，防煙門也打開了，進來的果然是有說有笑的卓狗和HUGO。
　　如此的場景差點嚇壞阿儀，幸好她在驚呼前克制了自己。卓狗二人毫不在意剛關上的升降機門，反而輕鬆地推開那大門，而我們仨，則緊隨其後，我故意頂一頂那道門，好讓它長開不關上。
　　難怪那時候那道門沒關上！難道我們都在同一條時間線嗎？
　　「大家好！」卓狗說。「我叫卓仔，我諗我同大家差唔多大。」他邊說，邊走到眾人的中心。
　　浩仔望了一望卓狗，又跟阿謙互望了一下，然後向當時不遠處的「我」望了一望。他的眼神……我現在才明白。
　　我知道就算躲一旁也無補於事，因此我打了個「不要作聲」的手勢，同時也帶阿儀和玲姐靠大門側站。




　　「我諗大家唔識我，唔緊要。不過如果冇錯，你地都收過通知，係咪？叫大家蒞呢到？」卓狗說。
　　浩仔接住點了點頭。
　　「哦，所以係你叫我地蒞架？」阿謙朝卓狗的方向問……他是在暗示什麼嗎？
　　我想了一想，點了點頭。
　　他們議論紛紛，我示意阿儀和玲姐先別走近，這些討論不是我們到來的目的。那時候的我、芷君、玲姐和阿朗沒有說話。
　　「可以叫係，又可以叫唔係啦……不過我同大家都有同一個目的，呢點相信大家都好清楚。」卓狗說。
　　「我剩係想去返正常世界咋！」晴晴說，這個真的是同一目的嗎？
　　「冇錯，你講得簡而中Point。你好似係叫阿晴呀可？」卓狗望了阿晴一眼，但他當時其實是連人轉了一個圈，掃了其餘十人一眼，才「回過頭來」看晴晴。
　　卓狗吸了一口氣，自信地說：「我就有方法令大家一齊返去！大家話好唔好？」
　　在場大聲說「好」的不算多，HUGO是其中一位，還有阿謙、浩仔、當時的玲姐和阿朗。




　　「你有咩計？快啲講啦。」HUGO說，我又忽然明白，他不一定是忍不住卓狗的「演講」。
　　然後，卓狗就開始說起這個世界的規則，以及找出叛徒的遊戲理念，沒多久就把那套還沒達成的「找叛徒遊戲」說畢。
　　接下的十數秒……阿謙曾望了一望「當時的我」，浩仔卻望了望卓狗，又望了一望「現在的我」。晴晴依然戰戰兢兢，我想多半是被一連串的事情嚇壞了。而且她十分依靠她的男朋友，現在孤身一人，難免有點乏力和驚恐。
　　「當時的玲姐」與阿朗則是一個詫異的對望，芷君依舊如此，想必她那時候已經在想她到底是不是個幽靈。而阿花沒有作聲，也沒有抬頭望，我很好奇她在想些什麼。
　　HUGO，則是在思考，同時也四圍望去。
　　至於阿凱……對，阿凱當時的反應是……他看了看卓狗……又看了看大門。他看住大門！難道他也察覺到異樣？
　　我不能焦急……這樣呼吸聲會變重……我馬上令自己冷靜、冷靜、冷靜。
　　卓狗笑說：「啊，即係冇人反對啦？」他頓了一頓，望向「當時的我」，又說：「大家真係唔使咁驚，冇事嘅。犧牲佢地蒞換我地安全，唔值得咩？」
　　又過了幾秒，「當時的玲姐」站了起來，反對卓狗所說的一切，並指他與當初的承諾不符。玲姐看到此場景，呼吸明顯變得急促，我用手指按了按她，示意勸她冷靜下來。
　　阿凱此時側身在遠處坐住，正專注「呆著」。從這邊望下，他左耳是戴上了什麼？不到數秒，他皺了皺眉，望向卓狗他們，說：「你地講咩唔係咁呀？」




　　卓狗反應不及，只能笑住回應。沒多久，就聽到卓狗說：「我到最後都係同你一個目標架，信我啦，一定要搞咗呢樣嘢先。」
　　「當時的玲姐」堅決地反對了卓狗的提議。
　　卓狗接口說：「咁而家有二五仔嘛，我地點樣全部人都返出去啊！」
　　這時候，浩仔說：「喂，你咁多嘢講，話唔定你就係呢！」說罷後笑笑口、滿臉幸福的樣子……啊，不對！他不是笑笑口，也不是滿臉幸福，只是當時的位置根本看不清楚他。他朝我這方向眨眼、矇眼，同時口中似是喃喃地說了些什麼……大哥…..分隔這麼遠，我怎會明白你是在說什麼……
　　接下來的時間，一眾都在幾個幾個討論，甚至也不時走動。我看時機正好，便往浩仔的方向走去。
　　浩仔似乎真的看得見我們仨人，看他嘴巴正要動，忽然看了看阿凱，就又閉上吞了口水，托了托眼鏡。他站了起來，先站在近窗的位置，並刻意拉上側窗的窗簾，房間就更昏暗。
　　約半分鐘後，卓狗按捺不住，大聲說：「我唔係，如果我係就唔會咁認真幫你地班HIHI諗方法啦！而家唔係唔夠你地打呀。」
　　這時候，「當時的我」也拋出了一句：叫大家討論什麼什麼的建議，然後便往卓狗的方向走去。
　　這時候，大家響應我的提議，開始討論。雖然只有十二人，但聲浪也時大時細，四面八方也偶然傳來笑聲、對話，在遠處聽不清楚，我們仨便決定走進人群之中。
　　「佢就係卓狗？佢好似幾有領導能力呀。」晴晴說。
　　「哈，佢有？從以前到而家，我就剩係知佢識嘴炮，可能佢嘅能力就係嘴炮。」浩仔嘰笑說。
　　「唔好咁MEAN啦，可能佢真係可以幫到我地呢？」阿謙說。
　　「咁點呀？遊戲真係開始咗架啦喎。」阿花說，說畢往「當時的我」和卓狗望去。
　　「其實有邊個識佢？佢信唔信得過？如果信得過係OK嘅，我諗我地每個都有啲能力，可以合作，可能玩得過。」阿凱說。
　　「又唔可以話佢信唔過嘅，我都冇諗過佢係到……不過佢以前都試過放飛機呀、做壞規矩呢啲。如果話正經啲，我寧願跟管家啦。」阿謙說。




　　「但係玲姐講得啱架，我只係想返屋企，我唔想害死其他人。」晴晴說，說話時加幾點驚慌和惶恐。
　　「咁我都唔想，但睇落又真係冇乜辦法。我反而覺得聽下卓狗講吓佢個玩法係點，都未必唔得。」阿凱說。
　　「我可以去同玲姐講，不過唔一定得。我唔係好識講嘢。」阿朗說。
　　「我去睇睇樓下咩情況先。」浩仔說畢，站了起來，往窗邊走去，並不時稍稍拉開窗簾，望向下面的情況。
　　「芷君，你呢？你係咪諗緊嘢？係咪諗到有咩方法？」阿花見芷君一言不發，主動走前關心她說。
　　「冇呀，你地繼續啦，我都唔知有咩可以幫手。」芷君搖了搖頭。
　　看她此時的模樣，我從心底酸了一下，阿儀和玲姐察覺我的異樣，她們也輕撫我。
　　我輕輕嘆了口氣。
　　「我呢……而家咪係黑夜事件嘅，好似都同我地有關係？」阿謙說。
　　看來他們再多說十分鐘，又沒有什麼可打探的，於是我便示意與阿儀和玲姐走到「當時的玲姐」那邊。
　　從這邊回望卓狗那邊，他正與「當時的我」坐在側角聊天。這角度望過去，他們算是躲在一旁了。不過卓狗總是不時四周張望，難道他能夠清楚看到這邊的情況？
　　沒多久，阿謙也站了起來，找浩仔聊天。
　　「玲姐，講真。我唔係唔支持你，但係卓狗講得啱。如果我地入面已經有叛徒，我地點諗住保住全部人，都係冇可能。」HUGO嘗試說服玲姐。
　　「我夠知啦，我都唔想。就係因為咁我先咁堅持……」玲姐說。
　　「我地派咗咁多提示出去，而家救咗大大話話十幾個人。玲姐，要蒞嘅已經蒞咗，我地冇可能再等落去，我地要快啲走返出去。咁如果係呢到搞掂咗叛徒，咁我地就唔需要再理新嘅人，我地呢班人就咁行出去啦。」




　　「唔得！我地點證實卓狗講嘅嘢就係真。佢一開始同而家已經唔同，之前重一齊講好咗要一齊搵出口，確保我地安全；而家佢已經改口風，我唔會信佢，講完！」玲姐說。
　　「玲姐，我知。我知可能你覺得佢反口。但係我覺得佢真係講得啱，我睇佢個樣老老實實，講嘢又幾中Point。你試諗下，如果佢係叛徒，我地幾個夾埋都未必搞到佢。咁倒不如信下佢講嘢。咁呀，如果可以迫到啲叛徒自己行出蒞，我地而家咁多人，都打得過。」HUGO說。
　　「Hugo，我地以前就係咁樣，我地唔係第一次玩呢種遊戲，個種成日反口嘅人，到最後只係自己嬴，唔會幫我地。到時候可能連你都會犧牲埋。」玲姐說。
　　「我知你幫咗好多，呢條命可以話你執返蒞；但係我都唔會用自己條命較飛，如果卓仔到時真係衰嘅，我地頂唔住。我同你最後都可以走，佢都冇我地乎。」HUGO說。
　　「我都唔知可以點，但係卓仔唔知信唔信得過。我過去問問佢地意見。」阿儀只說了一句，就往阿凱的方向走去。
　　「OKOK，得。我唔會勉強你地。」HUGO想了一想，續說：「玲姐，不如咁。我地推另一個人出蒞，睇下佢有咩新計仔。如果佢有好計，我地迫卓仔就範，佢都要硬食，除非佢自己成一隊嘅唧；如果條友冇料到，我地就唯有睇下卓仔個方法係點，好冇？」
　　在我身旁的玲姐顯然全臉通紅，不敢正視我和阿儀……