唔係掛！原來真係有鬼！－現代捉鬼故事: 第三章－不平凡的開始－9

「喂~英俊~」

「其實叫我阿俊就得架喇。」我真係不厭其煩咁講多一次。
我抬高頭睇下邊個咁唔識趣，大家走曬既時候仲黎挑戰我底線。


「阿如煙同學，請問乜事呢。」我特登叫番佢個老土到唔係呢個年代應該有既中文名，
期待會引黎佢一絲不悅。

「睇你都冇人約啦，不如一齊食飯啦。」





「六點半咋wor依家。」我望一望我部電話，不忘show一show 我個金色機背。

「去唔去呀？」估唔到依家Ｄ女仔收兵收得咁急，
唔好以為你著對黑絲出黎我就會比你收到。再者，我唔想去有一個更大既原因。

「冇錢呀。我食唔起你地Ｄ高級野。」我打開自己銀包，
望住兩條僅餘既紅衫魚，再望一望日歷，都仲有一個星期先出糧。

「我食乜都得架wor。」





「真係乜都得？」

「係呀。」

「Ｍ記得唔得呀！」
Ｍ記，一個唔少港女聽到都驚既名。
你以為可以大到我咩ＭＫ妹！
將軍！你今次冇棋喇！





「好呀！」估唔到佢仲有一招以退為進。
好，我又睇下有乜野符 FIT！