唔係掛！原來真係有鬼！－現代捉鬼故事: 第三章－不平凡的開始－7

同學一個個比人叫名，
觀音叫做Bella，兵仔叫做阿榮。
八婆三人眾我冇留意叫咩名喇都係ｄ乜野YAN 呀，咩Ｂ呀咁。

「李英.....俊。」18號讀到一半笑左出聲。

「李英俊。」 全班既視線放曬落我度。
冇錯，呢個係一個好低級既GAG。好可惜老豆同老媽子就偏偏將呢件個低級笑話放ｏ係我身上。
我問過老媽子點解要咁玩我？
佢話老豆好鍾意林正英，所以覺得我個名一定要有個『英』字，




跟手計埋我出世生日時辰，比左幾個字阿媽揀，
最後阿媽就揀左呢個俊字。


你地唔會明白，個名改得衰係幾大鑊，
由細到大我都比人笑過不下一百次。
叫英俊，仲要姓李。

「叫我阿俊得架喇。」我真係唔想再o係個我個名上面再討論多一秒。





「邊度俊呀～睇過？」肥仔榮唔駛審都知佢有上開高登，
佢隻豬眼一邊偷偷地咁望我，一邊講出神仙ｂ既名句。

我言語上冇作任何回應，
只係雙眼厲住隻肥豬。

佢亦收到我呢一份心意。
即時另番轉頭。

「柳如煙。」 柳如煙咪神州奇俠蕭秋水條女？




雖然我冇睇小說但係我都有睇溫瑞安群俠傳架。

估唔到頭先個mk妹個名咁型棍。

「Hi, 叫我Smoky 得架喇。」果然狗改不了吃屎，
個英文名仍然相當mk。