唔係掛！原來真係有鬼！－現代捉鬼故事: 第二章－爸爸－10

「唔係咁老土雅？」呢個答案雖然都乎之慾出，
但係我點都要問一問先。你都知香港人就算係兩父子都好，
答錯野真係隨時會指住我黎笑。

「好老土咩？我又唔係好覺。
你睇我包裝到件事幾現代？」老豆用個相當自豪既語氣同我講。

「但係早排睇僵屍，佢話依家好似好少鬼怪架喇wor。」

「好似黑社會咁，依家只係少左，但係代唔代表無？我唔知啦。




不過依家大家社會，無論邊一面都係，你有利益，大家都唔會搞事。」 聽完老豆講又好似幾有道理。
最起碼我知道浩南山雞依家都收左山，結左婚，有個仲女都生埋。

「我呢度只係接ｄ熟客既特別case，所以你頭先都見，出面班手腳都幾得閒。」

「冇生意你點run 落去呀？」呢個真係我最想問既問題，
高級辦公室、索女reception ，再加一班唔知睇緊youtube 定youporn 既冗員(咁當然加埋我)，每個月既支出都一定唔少。

「我地收費都唔差架，就算我地唔接生意都仲run到三年。」聽完呢句我唔知點解諗起神x之塔。





「但係點解你地一路都唔同我講既？」由有意識開始就 『以為』老豆係做裝修，比人瞞左廿二年，點都想要番個解釋既，起碼我係咁講。

「你阿媽細個成日話教會學校ｄ校風好ｄ，所以細細個就帶你返教會，聽耶穌囉。如果入學申請表寫我職業係堪輿學家，你邊會有機會入去讀丫。」老豆目光注視住佢頭先拎出黎既木盒。