唔係掛！原來真係有鬼！－現代捉鬼故事: 第二章－爸爸－7

坐底之後我當然四圍望下啦。
同好多老細一樣，老豆間房都有放到D 風水野，
水晶波波呀，金元寶呀，仲有幾條鋰魚，
其他野唔好問我係乜黎喇，佢識我我都唔識佢。

唯一我在意既係老細位對住既其中一隻牆角有個櫃，
本身我見都係ｄ咩加許狀呀，感謝狀同d 錦旗咁，
但係寧寧舍舍Eyelevel o係層係要黎放相。

老豆叫完我坐之後就o係佢張大班工作檯d 櫃桶係咁搵野。





咁我見有相就行過去睇下咩料先啦。
反正都係坐。

幾張相都係老豆同d 藝人既合照，
但係照發黃程度睇，批相都起碼十幾年。
 林正英、錢小豪、 鄭則士...
....
咦！！呢個咪小玲姐姐！





張曲髮加短裙仔，唔駛問都知係良心電視唯一一套神劇既造型啦！
當年我晚晚打開電視你估真係睇況天佑同山本一夫咩！