唔係掛！原來真係有鬼！－現代捉鬼故事: 7days later (完)

在由幾十塊細小玻璃所組成的玻璃幕牆前，
坐在機場上為旅客等候飛機的軟沙發上，
看著一班一班的飛機起飛、降落，
同一個姿勢維持了好幾個小時，始終長途旅行前，臨上飛機的等待總時特別漫長。

一個比自己更大的backpack，還有一把折不斷的白色長傘子。
傘子的主人說以後都不會再跟胡作非為處事不經大腦的人合作，所以直接把傘子送了給我。
我亦只好免為其難的接受，始終師叔的話，作為後輩亦不敢不從。

侯機區final call 早已響起，登機的人龍依然比新年搶上頭柱香的善信人龍更長，




反正提早排隊也沒法換來一個,我特意提早幾小時到機場亦預約不到的窗口坐位。

前往Melbourne的客機沒有幾個人跟我一樣，始終去wh的年青人多半是為了感受另一種生活，
而我，去澳洲最重要也為求散心吧，反正只要開開檔，幫人占占卜，金錢方面亦唔會有乜問題。

我拿出了自己的"生財工具"，為自己抽了一張牌
為自己今天的運程來個小小的占卜。

「死神?都係既，死亡，象徵新開始。」
我將牌放回腰間的小皮革袋子中。





我靜待其他乘客先行登機，既可以避開爭先恐後的乘客，自己亦無需太趕。
在機上，我看著那個早已被其他行李差不多塞得滿滿的行李存放格，
用盡自己畢生玩俄羅斯方塊的能力也未能將我的巨形背包放上去。

「先生，不如我幫你丫。」有位空中服務員在我身旁，
見我久久都未能安放行李，說。

「好丫，放唔到我諗我要攬住佢架喇。」我將背包拿下，背包將我跟空姐分開，
一個背包的距離，雙眼不可能看錯。





「先生，ok架喇。」

我呆呆的望著眼前的空中小姐，她的面容令我一時之間無所適從。
「S...Smoky?」

空姐笑了一笑，指了一指自己胸前的名牌。


「Twinky」

雖然是一個比較成熟的造型，
加上一身制服，比起Smoky的外形，"她"亦比較年長，
但我不可能認錯人吧？





突然間，放於褲袋的銀包傳來陣陣熱力，
打開之下，還有陣陣白煙飄出。

而來源，卻是一個小信封，一個我一直都打不開的小信封。



「傻瓜,

當你睇得到呢封信，就即係話我已經去左個好遠嘅地方喇！
不過你唔駛唔開心，有終結，先有新嘅開始嘛。

同你講個秘密，我同你師傅個朋友仔一樣，
都係"分魂"，而當你打得開呢封信，就即係話另一個"我"依家就喺你附近咋！





我希望你可以為我做埋最後呢件事：

請你重新認識我！<3

Love, 
Smoky 」



我將信塞到褲袋之中。
「Hey Twinky !」我對著正站於我前方不遠的空中小姐叫著。
「我想問...」

想不到在我提問之前，她就走到我身邊。
在狹小的工作間，我們的距離不夠幾吋。




「我係咪識你架？」Twinky 問。

Owen 師叔曾經話過，分魂嘅記憶，有機會經"夢"傳到去本體。

「嗯...算係啦。」我吞吞吐唯地答。
「我可唔可以要你電話呀？」

Twinky 被單刀直入的我嚇了一嚇，「你成日都咁識女仔架？」

「呀...」我無所合從，在事情變得更樣衰，氣氛變得更尷尬之前，
我選擇了轉身回到自己的坐位。

我係咪傻左呀？！咁樣邊抄到牌架？！
我到底個腦諗緊乜呀？！






「喂！」在我自己不停在腦內教訓自己的同時，
身後突然有一把女生聲音在我身後說。

「傻瓜，你唔係想要我電話咩？」Twinky 說。
「我之前占卜，占卜師話我第時男朋友會係一個好古怪同有好特別經歴既人，
甚至可以答到我任何問題，不過呢個人到今日都未出現過。」

我笑了一笑，第一次由心感謝我既人渣師傅成日迫我去廟街開檔。
「咁搞笑？」我拍了拍腰間的皮革袋。「我比你問到我落機，如果我答錯一條都當我Fail。」


多謝您，Smoky，
我會為你做好呢一件事，
一定會。


FIN