唔係掛！原來真係有鬼！－現代捉鬼故事: 第十章 - 萬惡之夜 -24

一刻前的草地，在眼睛一合之後已經消失，
但留在身上的只有依依的不捨，就像當次見面之後就再沒有相逢之時。

而眼前再次出現的只有黑暗的市集，還有Smoky 冷冷的身驅。

「我.....一早就.....搵到你喇.......傻瓜，你走左之後...
就一直收唔到你既消息....有人話你隻船...最後去唔到.....美國.......
之後我就一直等你......直到兩年前....再見番你......」

「傻瓜，你等左咁多年，更加唔可以依家掉低我就走！」





「我同你每一日.....我都係賺左....同你可以重逢....
係奇跡...亦可能係命運....命運今日要我地分開....我都唔會抱怨.....
因為呢兩年我每一日同你一齊...都係bonus黎架....」

「唔得！我唔準你走，我唔準....」我將Smoky 緊緊抱住，
用身體的體溫為她冰冷的驅體帶來溫暖，但在相擁的時候，
我已經發現，她背後的傷口，地上的血，慢慢已經變成白光，慢慢在我眼前消失。

一幕幕我與Smoky 的生活片段在腦海中閃過，




由第一天的塔羅牌、達德、到再相遇，
生活的點點滴滴，在眼前一幕一幕的閃過，
每一下笑聲，每一下叫罵，還有，每一句傻瓜。
「如果．．．再有下世．．．
我想喺個唔同嘅國家出世，
識唔同嘅人，過一個同今次好唔同嘅人世。」











「之後」







「再鐘意同一個你。」


最刺激淚線的說話，往往是最老土的說話。




我知道我已經沒法留住Smoky，在最後的時光，再次感受兩個人相擁的溫暖。


「叮..叮..叮....」光點隨時間慢慢消失，小小的紀念金屬圈亦由主人的手上掉到市集的地上。
我拾起了原來屬於Smoky 的戒指，把它連同我自己的戒指用自己的頸鏈穿起。


市集外傳來了警車的警笛聲，應該是之前的打鬥引起了其他市民的注意。
我走到瓦礫之中搜找尋著師父，原來的灰髮已經變回了原狀，
在確認師傅還有呼吸之後，我自己一步步離開了市集。 




我很想哭，但眼淚已經再哭不出來。