唔係掛！原來真係有鬼！－現代捉鬼故事: 第十章 - 萬惡之夜 -16

Owen 用刀將剛剛落下的大石撬開，
師傅的左臂幸而被兩旁的小石支撐下，沒被壓成肉醬，但相信短期內已失去活動力。

「死得未呀？」Owen 對被壓到地上的師傅問。

「未啦，隻手點呀醫生？」
「um....差個意粉就perfect 喇。」Owen 回應道。

「唔拿係掛...佢係我老婆黎架...救下我老婆呀醫生。」師傅冷冷地回應，
似乎早就知道自己手臂沒有大礙。「頭先一劍飛埋去，我發現道原來夠快就打到佢架喇」





「唔該曬你，我差Ｄ唔知我老母係女人。但係認真，搞唔掂喎咁落去。」Owen 回應道。

「有方法幫我地是旦一個變得再快D就得架喇。」

「我夠知山係石頭海係水啦，有方法先得架！」Owen 慢慢被師傅激得憤怒起來。

「有個方法...」

Owen 思索良久，突然面色大變。





「咪呀你，乃野架！」

「乜仲有得乃野過依家咩？」

師傅一語道破了現在的情況，的確，沒有情況可以比現在更差。

「如果唔用呢招，今晚就係咁先。我冇乜所謂，冇人冇物，死左又有你做伴，
但係我最起碼都要保到阿俊，老味交得佢唯一一粒仔比我，我唔可以比佢有事。」





「但係咁樣造你隨時會出事！而且一個驅殼只可以比一個靈魂控制，而亦唔可以長期存在兩個靈魂！
萬一....萬一...最後被個殼趕出黎嘅係你，而唔係我咁點算？！」Owen 激動地說。

「咪當還番條命比你囉。」

「你咪癲啦講呢D！」

「咁多年...我一直都覺得好對你唔住。」師傅說。

「拿，你咪呢個時候講呢Ｄ衰野呀...」

「比我講啦，唔講可能以後冇得講。」師傅打斷Owen 的話。「當日係我提議咁做，
係我害死你，如果你要拎番你應得既，我隨時OK，我隨時ready。」

「你咪戇鳩啦，生死有命，呢樣野你同我都知。而且註定要死既係我，唔係你。」Owen 憤怒地說，憤怒得在眼角流下了淚水。





「得架喇，明架喇，一世人兩兄弟。所以呢，呢咁多年，我當賺左，黎啦，幫我達成最後呢個心願。」師傅笑了笑。「上我身，之後幫我打嬴佢。」

「唔得...」

「上呀！唔上正契弟！」師傅用最低級嘅挑釁，對一起經歷生死的好兄弟作最後的道別。
Owen 則以眼淚作最後的回應。

Owen 將手插進自己的身體，拿出令自己可以現身的黃金籌碼，將它放到師傅的口中。
Owen 的肉身隨之如被利針刺破的水彈，白色的光芒包圍著地上的瓦礫。
白色的光芒愈愈變強，強光尤如太陽般照遍整個市集。


光芒散去後，師傅、Owen都在市集中消失了，
但卻多了個身穿黑衣，手持雙刀的灰髮男子。