唔係掛！原來真係有鬼！－現代捉鬼故事: 第十章 - 萬惡之夜 -13

喺我見過阿健之後，我亦開始了解到，自己只有遠攻武器，
會有兩個致命嘅死穴。

第一，當子彈用盡我就可以收工；
第二，當敵人埋到身我又可以收工。

正所謂新既idea 係base on 舊既idea，我隨後亦搵金仔整左一個同阿健類似嘅拳套。
而為左更方便隨身，就算比警察捉到亦告我唔入，我特意將拳套外表改變，
我嘅拳套睇落只係一隻雙指指環，當唔屬於呢個世界嘅野掂到佢嘅時候，當然會有 『神奇』嘅事發生啦。





而呢一樣亦係我唯一嘅近戰武器，相信配合師傅嘅結界，我諗要對付羊頭男應該唔會有咩大問題。

我直奔向羊角男，對準牠右邊面額一拳打過去，
羊角男似早就看穿我一樣，輕鬆閃開了我的攻擊。
正當我想收拳作下一次攻勢之時，拳未到，我下腹已經感到一般衝擊力及熱力，在痛楚的感覺到達大腦之前我已經往後一跳。面對眼前對手，或者我應該更冷靜，不過在實戰時，太冷靜反而會令自己處於劣勢。

羊角男在擊中我下腹後隨即衝過來對著我頭部的位置連續左右交替地出拳，
雖然我已經雙手護頭，但一下接一下，強而有力的重拳為我雙臂帶來痛楚，亦為我內心帶來興奮。

羊角男不停狂攻，在這時我終於發現為什麼羊角男之前可以預讀我的動作。




原來只要留心對方的雙肩，你不難發現對手下一拳會由那隻手打出，
又或者留意到該拳的攻擊模式，只要你夠細心留意到對方的微動作。

不過呢個只係理論，我點都要試一試，
因為如果我唔試，就連打中佢嘅機會都冇。

羊角男右肩突然向上一縮，我知道，牠會再次用右勾拳攻過來。
我沒有防禦羊角男的拳擊，我刻意的將身體重手輕輕向左移，羊角男的右拳輕輕在我頭顱旁邊經過，拳風把我的頭髮都吹亂了。

實驗証實了我的 『搏頭理論』正確。





我閃身到羊角男的右邊，而羊角男也發現得太遲了。

「食屎啦你！」我再次對著羊角男的而使出右直拳，
指環緊緊的貼在羊角男的面上後，發出了點點白煙，同時 發出了烤肉才會發出的「嗞嗞」聲。在結界之中，羊角男所受的傷害明顯被平時高，牠的皮膚在接觸到指環後像被火燒到了一樣，留下了一個深深的記號。

羊角男此時瞪了一瞪地上的靈符，似乎發現了靈符的作用，
牠隨手一揮，地上的垃圾堆隨即捲向地上其中一道符，在靈符被捲走的一刻，
地上另外四道符原來閃爍著的陣陣藍光亦隨之消失。