唔係掛！原來真係有鬼！－現代捉鬼故事: 第十章 - 萬惡之夜 -11

最強大的武器，不是身上的利爪，
不是我手上的槍炮，亦不是刀劍，而是學習。
這是有智慧的生物獨有的強大武器。

幾隻站於頭排的怪物隨即拿起地上剩餘的同伴殘肢及驅體作盾，一步步向結界進迫，
後方的怪物將自己身體盡力縮低貼地，並緊隨其後。

透過結界邊緣的靈符散發的微光，我大約看到眼前有十數隻四肢貼地的黑色怪物，
以及在最後排發號司令的 『指揮官』。





以寡敵眾，即使我有高橋名人咁勁嘅連打力，
我都未必可以進行幾十連發，加上手指快速扣動板機時也難以確保能準備命中目標。
我隨即將手槍由Single shot 改為semi-auto。

「吼！」『指揮官』大喝一聲，怪物們列隊向前狂奔，
呼天搶地，就如戰狼300入面班斯巴達咁叫。

不過，佢地似乎唔知道一樣野。
就算係鐵甲威龍，入到結界都係會比人一格收皮，
我眼中只係有一班豆腐衝緊埋黎，即係話只要掃中佢地就啦喇。





「嘭！嘭！嘭！嘭！嘭！嘭！嘭！嘭！嘭！」
槍聲此起彼落，一朵朵藍色的煙花在我與『指揮官』之間爆發。
一隻隻走在最前的怪物瞬間消失得無影無蹤。

所謂的進攻陣型一瞬間已經化為虛無。
黑色的妖魔再無任何戰術可言，只是大群大群對我的方向衝過來。

我彈出了一早已經清空的彈夾，左手將腰間另一隻彈夾補上。
30發的子彈，在半連發的情況下，只需十數秒就能打光，




子彈幾發幾發乎掃射，為了能保障下次Reload 時仍有足夠的時間，
我只好一步一步地後退。

短短的幾分鐘，已經用了三個彈夾，
而眼前的黑色妖魔亦消失得如未出現過一樣，
剩下的，就只有一宜在後面留守的『指揮官』。