唔係掛！原來真係有鬼！－現代捉鬼故事: 第九章 - Showtime - 19

女士投頭散髮，她全身包圍住一陣紅紅的微光，
頭髮在半空飄散，加上面上濃濃的肉色顏料，令人感到極為不安。

女鬼慢慢飄到黑衣男的身邊，將其擁入懷內。女鬼向黑衣男斷掉的右搏輕輕
在傷口上揮動手掌，黑衣男停止了吼叫，地上的黑色血液彷如有靈性般重新飄到黑衣男的右搏，重新組成一隻黑色的手臂，但手臂的長度比原來的手臂更長，就如一條長鞭。


「唔拿係掛....」師傅見到眼前情景，不禁將心中最深處的說話破口而出。

在女鬼的”治療”後，黑衣男面上浮現出滿足的微笑。




女鬼在與夫君短聚之後，轉頭瞪向師傅。

「你斬甩我老公隻手，依家我睇你可唔可以斬曬我地兩個！」話畢女鬼即飛向師傅，
女鬼雙手早已化成利爪，並向師傅準備攻擊。

師傅亦已架好架式，準備迎接女鬼接著的一連串攻擊。
女鬼半飄浮在半空，連續對師傅上半身作出由上而下的突擊，而每一下爪擊亦輕易被師傅擋下。女鬼閃身改變為置，飛到師傅腦門之後準備突擊，師傅亦180度轉身將每一下爪擊都擋下。
突然一條黑色長鞭將師傅右腳綁住，師傅背面的黑衣男將右手化成的長鞭向師傅偷襲，
長鞭猛烈一扯，師傅失去重心向前仆。





「兵不厭詐，你教我架！」黑衣男在偷襲得手後輕挑地說。
我見此情況，伸手向我既腰帶拔鎗，準備向女鬼射去。

師傅抬頭以銳利目光望住我，我即時全身都感到一陣寒意。
師傅對我搖一搖頭，並指了指Jessie 的方向。

我唔知師傅點解唔比我幫手，可能佢係怕當我出手之後，
女鬼同黑衣男會對我同Jessie 出手，無錯我自己係有自保能力，但係依家既Jessie就...

Jessie 望住挨打既師傅，笑了一笑。





「你個八婆師傅比人打到半死你都仲笑？仲等佢依家都仲顧住你！」我對Jessie 破口大罵，
「我依家帶你走，之後返黎幫師傅！」我雙手抱起Jessie，準備跑向趟門方向。

「慳番啖氣啦，佢地咪度夜左結界，出面可以打開，但係入面係破唔到。」Jessie 解釋說。

「咁依家點呀！師傅就黎比佢地打到收皮喇！」
 「哈哈哈，」Jessie 笑說。「你咁信唔過你師傅，你點做人徒弟呀？」

我對住Jessie 既指責，無言以對。可能我真係太在於眼見嘅情況，
但係你都唔可以怪我，比人打到訓喺地下，流曬血都冇事？
我無出一句聲，只係無言地看著師傅比眼前兩鬼凌辱。
黑衣男將師傅拉扯到地上，而女鬼連續對師傅爪擊，雙手亦多次被女鬼爪傷。

「放心啦，佢唔會有事嘅。」Jessie 說。




我望了望Jessie 的表情，我想信佢真係出自真心，而唔係想師傅有事，
再者兩個人有更深恩怨都好，由Jessie出事之後見到兩人嘅表情，我絕對相信佢地兩個都唔會想對方有事，或者我應該信信Jessie。

「喂阿俊！」　突然師傅大聲叫喊。

「有！」

「係咪想幫我拖？射兩野個黑衣男幫我解圍啦！」師傅一面大叫，右手持劍擋住女鬼的連爪，左手則伸到衣袋之中，彷彿正在找尋甚麼。

黑衣男在聽到師傅說話後，抬頭望向我，但我早已抬鎗描準黑衣男的新右臂，
對其連射了幾鎗。

狙魂彈打進了黑衣男的右手，由黑血組成的長鞭立即再次被解體，
重新化為了一攤血水。師傅右腳的束縛隨之解除。





師傅襯機會用力將劍一揮，女鬼閃避而後退了幾米。師傅立即彈起身，並於胸袋中取出他剛才一直找尋的東西－金色籌碼。