唔係掛！原來真係有鬼！－現代捉鬼故事: 第八章 - 石澳之旅 -14

Jager右腳跨過被釘在地上的泳褲男，
雙腳站立在泳褲男的腰間位置。

「點呀？仲打唔打呀？」Jager 對著早已放棄人性的泳褲男問。

「吼！」

「唉，同你講都嘥氣...」Jager 雙手插著長褸的褸袋，左翻右找，
好似搵緊ｄ乜咁。此時，Jager 發現泳褲男頸間的銀鏈，
鏈上掛住一個十字架吊咀。





「咦？你信耶穌架？咁睇黎我要同你行番個基督教儀式喇。」

Jager 似乎亦找到佢想由衫袋搵嘅野。
Jager 由褸袋抽出雙手，雙手食指到尾指間，
多出了兩個俗稱為 『鐵蓮花』 嘅金屬搏擊指節套。

「登登~係咪好驚喜呢？」Jager 再次對住明知唔會有任何回答嘅泳褲男問。
泳褲男再次以Jager 同我都聽唔明嘅野獸叫聲回答。





「唉～再同你講野我真係會當自己有精神病。」
Jager 雙手互擊幾下，將手上嘅指節套互相碰撞，
發出幾下金屬的敲擊聲。

「吼！！！！！！」

「係喎，唔記得左你怕呢ｄ。」Jager這句顯示不是出自關心，
他隨即像發狂一樣，不停在泳褲男耳邊敲擊。

泳褲男只能夠無奈地吼叫，四爪在地上瘋狂的亂抓，




令石屎地上，出現無雙道如巨形貓科動物才會留下的爪痕。

在十幾分鐘的 『欺凌』 後，Jager 似乎終於對他的新玩具生厭。

「好喇，我玩夠喇，係時候收工喇。」
Jager 把手上的指節套重新戴上，雙手緊合，
雙眼緊閉，如基督徒祈禱的樣子。
Jager手上的武器亦慢慢透出一種藍色的光茫。


幾秒後，Jager 再次開口。