唔係掛！原來真係有鬼！－現代捉鬼故事: 第六章－起步－11

隨著電影散場，群眾也慢慢散去。
在燈光回復正常之前，對我毛手毛腳既大隻佬已經不知所蹤。
如果唔係要留精神去應付今晚既活動，我一早就用左幻術對付你個變態佬喇。

佢走得咁快，都一定係怕左我同師傅。
不過算啦，唔開心既事就由佢啦！

戲院人群已經走得八八九九，
只剩下我，師傅，同埋幾個清理既工作人員。





「師傅，不如走喇，個個都走曬。」我說道。

師傅拎出手提電話，對手機上面既按鈕輕輕一按。
手機顯示為11點47分。
師傅以右手姆指同中指夾住電話，左手對手機一彈，
手機就如陀螺一樣於師傅兩指之間旋轉。

師傅見我目定口呆咁望住部手機，說「練下啦，第時到你收鬼既時候有用架。型好緊要架後生仔！」

「得得得！最緊要型嘛！知喇。」我感覺到師傅又準備發現佢o個套獨有既美學價值觀，我決定先發制人，等佢發表少一次。





「好喇！11點幾！可以出發！」師傅懶腰一伸，之後雙手按一按電影院椅子兩旁的扶手，將自己整個人彈起。

「咁我地依家去邊？」我不討厭其煩咁問。呢個問題，今晚我最起碼問左10次。
「你成晚不停問，你煩唔煩o者？」

「你答我咪唔問囉大佬！」一個問題比人 『西遊』左十幾次，真係佛到有火，我終於大喝左一句。
所以有時睇電視我真係唔明點解ｄ垃圾會議員可以咁高eq。
或者人工高，eq係會好d，面皮又會厚d。唔怪得有d 高官比人鬧左幾年都仲可以笑笑口。





隨住我既大喝，整個戲院既工作人員都望住我地兩個。

「你好緊張咩？」師傅冷冷回應一句，完全冇被身邊氣氛影響。
之後露出一個奸詐既笑容。

「我！邊！有！」我雙拳緊握，尤如一個同人鬧緊交既小學雞。
不過o係我角度，我又真係同師傅鬧緊交，而我亦唔否認我係隻小學雞。

「今日係你第一次出師既日子，我當然會比少少主場之利你個小毒撚啦。」
被個mk型毒撚話我係毒撚，我條氣有少少唔順。
不過冇計，mk既外表永遠就唔會有人相信佢係有毒撚既內心。
就好似用真名上高登永遠唔會有人信。

「咪賣關子啦！係唔係信和呀！」咀巴說不，身體卻很誠實。
一邊叫師傅唔好賣關子，我一邊o係度估。




睇黎我已經比眼前呢個mk狠狠咁整蠱左一鑊。

「既然你都知喇，咁就行啦。」師傅話畢，就掉頭步出戲院。
我亦緊隨師傅，向信和出發。