唔係掛！原來真係有鬼！－現代捉鬼故事: 第六章－起步－3

手指按了按玻璃幕門旁邊的白色門鐘，
單位內的鈴聲隨即響起。
第一次黎同依家相隔短短半年，
但今時今日已經對呢度沒有半點陌生。

「卡察。」

玻璃門上的電子鎖傳來一下聲音，
示意我可以隨時推開幕門。





我用力將左手邊既門推開，
並走入呢一間白色既office。

眼前既Reception 姐姐已經見慣見熟，
公司既環境亦相當了解，
不過身份唔同左，我亦希望所有野會重新開始。

今日起，我唔再係太子爺，今日起，我係呢度既見習員工。

「你好呀，我今日第一日黎返工架。」





望住眼前既Reception，我行埋櫃檯，簡單咁講左一句。
「咁你麻煩等等丫。」Reception 姐姐相當禮貌咁回答。

公司門口亦有一張梳化比唔同既客人等候時,可以坐o係度耐心咁等。
我坐左o係梳化之上，四圍望望。

除左牆上面既公司招牌外，唯一吸引到我既就只有呢位Reception。
之前每一次上黎，我都只係過目一望呢個reception。
今次係第一次我坐定定咁睇，





如果你記得我之前既形容，冇錯，呢個reception 姐姐
眼大大，一頭長啡髮，大眼仔，91分界，
你問我，我真係唔知佢黎返工定係去蒲。不過公司有個可觀性高既女同事，呢個都唔錯丫。

我坐左o係梳化５分鐘，我就望足佢５分鐘。
我望佢唔係因為佢靚，又或者係我咸濕。

相反，呢個reception 坐左o係度一段時間，
雙眼一直望住門口，坐得端正。
呢幾分鐘冇睇過電腦，甚至連眼都冇斬一下。
我堂堂一個太子爺坐左ｏ係度，佢蛇王蛇到咁樣，我真係服左佢。

我一路坐、一路等、一路望住reception，
不知不覺我都差ｄ變左望女石。





「dodo。」
門口既電子鎖傳來兩下訊號聲。

我抬頭一望，師傅拎住袋老麥早餐慢慢行入公司。
我望一望手機既鐘，10點15分。即係話我已經坐左差唔多成個鐘。
比起正常返工時間，師傅亦遲左45分鐘。

「YO，咁早呀？」師傅一面打呵欠一邊講。

「下...返9點半喎哥仔。」我篤一篤手機既HOME制，將手機上既顯示時間SHOW 比師傅睇。
「無計啦，鬼叫琴晚Walking Dead 好睇咩。」師傅示意我跟佢入office。

「係wor 師傅，點解個reception 可以眼定定坐o係度 郁都唔郁，眼都唔斬既？」我認唔住問一問師傅。





師傅望一望我，再望一望reception。
之後師傅提高右手，姆指同中指一撻。
呢一下既聲音響偏整個office，亦打開左跟住落黎一場罵戰既序幕。