【十惡】係我的志願一欄填上：強姦犯（修訂版）: 【第廿一章】：解放，讓我重生

（一）解放，讓我重生


呢個地方比較似被遺留落黎嘅建築地盤
路線頗為復雜，上落位置亦比較多
要認路有困難...
 
走左大概 15 分鍾左右，
終於到達出口處，我淡然開口
“真係你報串比Lila 知？”




 
 
佢放眼前方，並無講出答案
“唔好以為我係為左救你，我只係唔想呀澄有事”
“佢同鴻哥都係孤兒黎，我地三個都係孤兒院度識”
“不過我原本唔係孤兒黎... 我老豆佢係個的士司機。”
 
 
我轉過眼神凝視，深呼吸一下
 




而佢
佢只係低頭呻氣
 
“佢好風趣好搞笑... 成日哄到d 街坊鬼死咁開心，個個都鍾意嗌佢做的士爸爸”
“所以成日覺得老豆好似個明星... 去到邊都有人好熱情咁招呼我地... ”

“雖然我天生左手肌肉萎縮... 但老豆就話係因為上帝偷偷地收埋左我隻手”
“因為佢送左份更大嘅禮物比我，就係「勇敢」同「樂觀」。跟住我就會哈哈笑”

“因為我好自豪，因為我係的士仔仔。果段係我人生中最快樂嘅時光...”




 

（二）


“直到有日，好夜都唔見老豆返黎。我好擔心，於是我周圍去敲門，逐家逐戶去問...”
“好心嘅鄰居幫我報警，亦幫手貼街招，盡一切能力去幫我”
“佢地叫我唔好擔心，可能係的士爸爸要勤力搵錢養大我。”
 
 
“我都盡力點頭，盡力笑...”
“終於... 終於等到佢失蹤之後嘅第五日... 警察先打比我同我講。終於搵返你爸爸... 但佢...”
 
“出左事......”
眼淚凝固於佢眼眶中的一點，而最脆弱那顆早已禁不住落下




 
我收起那份輕鬆，因為埋藏著那份深淵早已襲來...
 
 
 
佢換個態度
用沙啞的聲線說出那份誓言
 
“我知道老豆泉下有知都想我過得快樂... ”
“但對唔住... 我早已經向上天發誓... 老豆...... ”
“我一定要親手殺死果個兇手...... 一定要由我親手殺死佢......！！”
 
 
“就算要我坐監，我都要手刃仇人”
 




 
殺氣於狂怒的眼神下釋出，企喺佢身邊
我甚至感覺到身體不再屬於自己
僵硬...　甚至不敢呼氣
 
 
但傻龍...
一切只係為左以防萬一...
 
只係為左以防萬一...


（三）






我帶點同情的目光
“你... 節哀順變啦，我想去醫院睇下傷勢... ”
話畢轉身就走
 
 
“唔好打算黎尋仇，鍾嘉晉”
“我知你係咩人。”
 
 
佢打斷我嘅話語，我轉身回望
那眼神卻悠然轉向我
 
“你一定會搵機會向呀澄報仇，但佢係我兄弟黎。我唔會比佢有事”
“我亦都唔會再比我身邊嘅人有事”
 




“所以如果你敢郁佢... ”
 
 
佢望向掌心，再緊緊握實。
“我會殺死你”
 
 
語調不變，但喉中道出那份兇惡幾乎緊緊纏繞我
 
 
 
雙腳亦無法動彈，仿佛被鎖死。
而呢一刻
就算演技再好，我亦無辦法掩飾害怕
 
真係第一次...
第一次我無辦法用演技呃過對手...
 
 
 
“仲有呀，我勸你唔好再返黎呢間學校”
傻龍淡淡說出
“呀澄唔會咁易放過你，睇得出佢已經當左你係佢嘅獵物”
“我地喺呢區都算惡，所以下次唔止佢一個黎服侍你”
 
 
“喔... 你地係黑社會？”
我特登明知故問，佢選擇沉默
咁答案已經好明顯
 
 
“咁... 你可以保證你個朋友唔會搵到我？”
我面露驚恐
 
 
佢呼一呼氣：“我保證唔到，只係純粹比個忠告你”
 
哈，不過無所謂...
反正我一早已經放棄學
 
 
 
只係
 
我開始有d 掛住本日記