【十惡】係我的志願一欄填上：強姦犯（修訂版）: 【第十一章】：離別

（一）離別


由於呢度環境我相當熟悉，
所以離開嘅時候，就需要走自己發現嘅「捷徑」
 
無幾耐就返到。
 
“咔嚓─── ”
推開門，




沉重嘅腳步聲一踏。
終於返回
只屬於我嘅空間。
 
 
走到梳化前，我放低幾個不再沉重嘅包袱
亦喺背囊入面抽出切割用工具及餘下嘅液體道具
然後呆滯地坐著
 
“......”




 
望住灰黑嘅牆身，漸漸進入沉寂...
然後一幕幕血腥畫面切然被勾起...
 
 
由殺害到肢解，最後分類到包裝... 甚至要將多餘嘅部分埋葬
精心佈局之下，原來我卻百密一疏...
就係無諗過...
我之不過係個普通人...
 




剎那間神經感官觸動下，我望向自己雙手
原來已經停不了抖震... 亦無法壓止...
 
 
我呼出一口氣，抹一抹額前冷汗
為左證明懦弱感並無佔據自己
 
我慢慢拉開尼龍袋上嘅拉鍊...
 
“嗚......！嘔！...”
嘔吐感不慎襲來，即刻衝咗入廁所不停嘔...
嘔完又嘔...
 
直到... 終於恢復理智，回復冷靜
明白已經殺左人...




但一切都只係為左張老師... 張秀賢...
 
 
既然明白，亦就只能夠繼續落去
於是拎起尼龍袋走入廚處理「最後嘅工序」
 
大概過左2 粒鐘
 
我再走出廳望望時間
嗯...
老豆應該差唔多返
 
 
於是收捨一下客廳，
將要收藏嘅物品所有都拎哂入房




 
靜俏俏關上門後
再翻聽電話錄音，作事後筆錄...

 
（二）


事件發生的第一日，陳家朗一班並無異樣，
只有張老師嘅表情出現變化
第二日，少數老師開始討論，班上亦議論紛紛
張老師比起其他老師更多出一份關心... 眼神亦顯得不安及焦躁
第三日，情況開始改變
有警察黎到我地學校進行調查，學校嘅保安亦變得嚴密
 




第四日，事態變得嚴重
早會校長正式宣佈：陳家朗同學　已經失蹤
整所學校嘅氣氛開始變得嚴肅沉重......
 
 
第五日，
小息時侯我經過走廊，望住張老師空洞嘅眼神，
以往神彩經已不再......
 
 
終於果一晚
我喺電視機上面見到期待已久嘅畫面
 
“呢度喺調景嶺一個廢棄郊區，警方今朝接到線報”
“有住喺附近居民晨運時發現有被肢解過嘅小童殘骸”




“經警方初步調查，並唔排除有人係附近遇害。”
“至於殘骸嘅身份仍有待......”
 
新聞播放住
就只有我早已設下嘅蛛絲馬跡，真係滿懷期待...
 
 
 
第六日，
因為要測驗唔合格，Miss Lau要見家長
 
就好似「果日」一樣，我如常留到夜晚
除左要喺課室不停抄生字之外，亦滿心期待張老師經過課室外嘅走廊...
因為今次我留低罰抄嘅班房
正正就喺教員室隔離
 
“踏踏踏─── ”
 
嗯？
我視點轉向課室外


（三）


經過走廊處，一頭長髮飄逸於漆黑
一點點黃燈顯射下，側臉的映像
係張老師
 
佢垂下頭走著，每一步都走得無力
猶如活死人一樣...
 
 
我放低手上鉛筆，跑出去搵佢
“張老師！”
 
佢嚇一嚇停低腳步，轉身望住我
雖然花容已經失色，但仍舊有一份美感
 
我帶出關心
“張老師，你... 無事嘛？”
 
“無事呀... 多謝同學你關心...”
 
然後一段沉默插入空氣之間
 
我再次開口
“老師，我叫鍾嘉晉。我... 我好鍾意你... 張老師”
 
佢並無太大反應，只係輕輕點頭就轉身走
然後留下我，就留下我一個站喺黑影之下...
 
點解？
點解可以轉身就走？你當我係咩？
我咁辛苦部署好所有野，結果呢？
你連望我一眼都嫌多！！
 
 
結果... 果一日，竟然係我最後一次見到張老師...
 
張老師無再返黎學校，就好似人間蒸發一樣...
我搵唔到任何方法聯絡佢
就只聽到同學間流傳嘅謠言
 
張老師患上抑鬱
 
 
我走入廁所，望住沾染污點嘅玻璃
憤怒於眼內凝聚。
而留下的淚水，亦只存在憎恨...
 
嗯？
我視點轉向課室外