【第三者】《只不過有些感覺，不到我來控制》: 二十二 完
(二十二) 完
「分左手？？？唔係話好番架咩！」
「妳終於諗通啦？咁咪好囉條粉腸早飛早著啦！」
「認真，要慶祝先得！」
呀wing同Zoey一見到我係個group度講話同傲言散左之後，佢兩條友隨即瘋狂轟炸我。
「但我唔想分手」我攤係床覆左呢句
我sd左出去之後，就放低左部電話。
傲言佢... 真係無再搵過我。
我合埋眼，諗番琴日呀宇同我講過既說話。
就算當初我地無識到對方，佢地兩個佢偷食既事實都係唔會改變呀，妳明唔明呀，唔好再怪自己啦。
... 妳對佢既... 可能已經唔係愛，而只係留戀。
夠鐘死心了。
「吱～吱～」Zoey同埋呀wing瘋狂係度炸group，但我好攰，完全無心機。
「吱～吱～」我俾個電話嘈醒左，原來岩岩我不經不覺攤係度訓著左。
一睇來電，係呀wing
「雪瞳！喂你點呀，無啦啦失左蹤唔覆機，你唔係走左去做傻事呀？」呀wing一黎就轟炸我隻耳
「我訓著左咋」
「等陣得唔得閒呀，出黎飲野呀」我知呀wing係知我唔開心先咁講，因為佢同Zoey明明呢期仲好忙，但都肯抽時間出黎陪我癲。
「... 唔洗啦，我知呢期要mid term交project...」我又諗起傲言。
「講呢啲！你唔好同我講mid term緊要過個fd阿！識左我幾耐先？」
講真，呢刻我好感動。
「妳兩個真係好好」
「哈哈，妳依家先知呀？」呀wing大笑左兩聲「今晚海旁見啦！」
「呀宇... 我地唔好分開得唔得」Ashley sd左個wtsapp俾呀宇。
「其實如果妳真係愛我既話，妳係唔會出去搵Ryan。既然大家都唔係對方心目中個個，分開會好啲。妳就信埋我今次啦。」呀宇望住呢個打好左既msg好耐，終於撳左發送個制。
「唔好呀... 我係貪玩先搵Ryan架咋，我最愛個個係你呀！」
「乖啦... 就當係我鍾意左崔雪瞳，係我對妳不忠，依家係妳飛我，好無？思藍... 都係算啦，或者我地當初唔應該係埋一齊... 我地始終有距離。祝妳幸福。」呀宇覆完呢句，就無再覆Ashley。
或者，其實呀宇本身已經想同Ashley分手。咁岩雪瞳同Ryan既出現，令佢更加有分手既勇氣。
「從小老師也加倍認真 來教導我步過紅綠燈
右與左 必須清楚看真 哪管一次做錯
也都可摧毀這生
何解我戀愛雙倍殘忍 從來是快樂過便不會僥倖
動作小 簡單偏偏最深
我怎可以做個最優秀路上行人」
「點呀你」我同Zoey去到海旁見到雪瞳成個人無曬活力咁，講真，真係好唔慣。
「明明綠燈轉眼變成紅燈。」雪瞳望住個海，眼眶開始變紅。
我同Zoey你眼望我眼，大家都無出聲。
「誰想到走錯死裡逃生 才明白較沒有夢想更不幸
若誕生 不好好開過心
也不可以被愛 我不過是像泥塵」
「黎呀，我地飲！」呢個時候Zoey拎左岩岩同我係seven求其買既酒出黎，然後隊俾我同雪瞳「今晚要飲到盡喊到盡嗌到盡，但係過左今晚，我要見番我識得個個好開心既崔雪瞳。失戀咋嘛，邊個未試過阿？」
「唉，咁你地依家姐係點」Hinson係廚房行出黎，拎住兩罐啤酒。
「我唔知」我合埋眼
「你真係鍾意左雪瞳？」
Hinson呢句說話直插我心底。
同雪瞳曖昧個排，我都係未肯定自己對佢既感覺。我以為我對佢只係新鮮感，但係漸漸我發現我無論做咩都係諗到佢。
見唔到佢我會掛住佢，我居然諗起佢先過Ashley。
我聽Hinson講話Zoey話蕭傲言對雪瞳差，我會好心痛。
我成日係佢面前有意無意咁提起蕭傲言，就係想知佢地點，哪怕其實與我無關。
我先知，我真係鍾意左個傻妹。
「今次無反駁姐係係啦」Hinson見我無出聲就補多句。
「認真，不如你去馬」hinson無啦啦咁講
「去咩馬」
「雪瞳囉，你兩個都係出軌而認識，大家另一半都係出軌而分手，夾到」佢係度串我。
「你係咪咁呀」
「唔係呢，雪瞳依家真係好需要你」Hinson突然好認真咁講「佢唔多唔少都係因為你先同佢男朋友分手，佢係俾人飛個個」
「...關咩事」
「屌！咁都唔明，你同Ashley分手係你講分手，而且你都一早對佢感覺淡左，打算分開你先同佢講分手架啦！但依家雪瞳係仲好鍾意傲言但係傲言同佢講分手喎！」
「咁又點...」
「咁咪姐係話，佢依家好需要除左蕭傲言之外係佢心目中有一定地位既人陪住佢囉，姐係你呀」
「我唔想咁急，你都識講啦，佢未放低傲言，而我都未完全忘記到Ashley。」
「屌！重點係佢都對你有feel呀嘛，你依家又唔係去示愛，去陪佢渡過呢段時間姐，係咪唔得呀。」
「...」
「我岩岩睇Zoey ig，見到佢地係上次個海旁，係鍾意人就去啦。」
「...喂，雪瞳」我輕輕拍下訓左係我膊頭既雪瞳，但係佢無反應。
「喂呀wing點算呀，佢應該醉左」我另過去同呀wing講。
「...」
「喂施曉穎！」我兜野拍落呀wing度，但係條友無反應，我心諗，大獲。
「你唔係咁玩我呀大佬」我好無奈咁講。
「Zoey？」就係我極度苦惱與無助既情況之下，我見到呀宇迎面行緊過黎。
「你又係度既！」我好驚奇「唔好講咁多住，快啲幫手抬佢兩個番去！」
「搞咩呀妳地」呀宇一路幫我扶住雪瞳同呀wing，一路問我。
「諗住陪雪瞳借酒消愁，點知佢兩條友無幾耐就醉左，搞到我都唔知點算好」我同呀宇講「唉其實你係咪鍾意雪瞳架」
「...女人係咪咁鍾意明知故問」呀宇苦笑
「如果你要追佢既，唔該你對佢好啲，如果唔係我同呀wing實玩鳩死你」
「我一定會俾蕭傲言對佢好一百萬倍。」
「呀wing屋企人一個月先番黎一兩次，佢屋企長期無人我地可以送埋雪瞳上去。」Zoey同呀宇一路行，兩個一路扶住佢兩條友「唉點解你兩條友可以咁重」
上到呀wing屋企，我同呀宇抬左佢兩個上床，然後去整毛巾俾佢兩個敷。
整整下都差唔多成十一點幾，原來我地搞左個幾鐘。
「終於搞掂，嘩好彩你黎左咋如果唔係我真係唔知點算」搞完一大輪，我同呀宇攤左落梳化「係喎次次緊要時刻你都會出現既」我微微另過去望一望佢。
「因為雪瞳。」
「一早話左你兩個係有啲野架啦，你兩個又死唔肯認」我笑左一笑「唉其實我都唔明點解雪瞳會鍾意蕭傲言既，除左幾靚仔同埋讀書叻之外我真係諗唔到呢個人有啲咩優點。」
「咁愛一個人唔需要原因既」呀宇望住我講
「咁... 或者你講得岩。」我諗起Hinson
「... 我都好想取替蕭傲言個位」呀宇輕聲咁講。
我同呀宇傾多左陣，就準備走。
「我聽日番八半呀，我要走先啦趕尾班車」我望一望手錶「一唔一齊？」
「我想... 等到佢醒」呀宇望一望呀wing間房
「你聽日唔洗番？」
「我諗佢緊要過出席率」呀宇笑左一笑
當然大家都知佢講既「佢」係雪瞳。
「唔好諗住乘人之危呀你」我笑住咁講「認真，唔該曬你」
「講呢啲」呀宇都笑左一笑
「咁我走啦，聽日mid term走唔到堂」
「好啦，byebye」
我同呀宇講左再見之後，就離開左呀wing屋企。
「...個頭好痛」我眼都未擘大，就已經feel到個頭傳來陣陣痛楚。
「呀wing？」點解我會係呀wing屋企既？
我拍一拍訓係隔離既呀wing，但係條友訓死左。我坐直個人，清醒左之後就落床行出廳。
「呀宇？」行到出去，我見到呀宇訓左係梳化，唔通琴晚係佢送我同呀wing番黎？
「琴晚發生咩事，點解呀宇同我都係呀wing度既」我wtsapp左Zoey，但係佢九點之後就無online，可能上緊堂掛。
我行左入廁所，然後沖左個涼。出到黎，見到呀宇已經起左身。
「咦你醒左拿？」
「妳有無事」呀宇行左過黎，然後停左係我面前。
「無呀，我會有咩事」我露出呢三日入面第一個笑容
呀宇無出聲，然後攬住左我
「我知道妳仲未放得低傲言，我地一齊努力，好無？」佢好溫柔咁係我耳仔邊講「唔好再要愛妳關心妳既人去擔心妳，得唔得。」
我先係呆左一呆，然後慢慢咁攬番住佢。
呢一次係我第一次俾佢攬既時候主動攬番住佢。咁係咪代表，我開始接受呀宇走入我既生活？
或者佢地講得岩，過左去又無辦法改變既，就要放低。
我唔想咁快就投入第二段感情，而我相信呀宇都未咁快忘記到Ashley。
我唔想... 大家都因為寂寞或者新鮮感而一齊。
「我希望可以陪你走出呢個障礙，然後有一日，企係妳隔離個個係我。」呀宇鬆開我，然後露出當初第一日係架船見到佢個陣個個好charm既笑容。
「我都好想...企係我隔離個個係你。」呢句我無講出口。
我抬高頭望住呀宇，然後嘴角不自覺上揚。我將塊面貼近佢心口，然後緊緊咁攬實佢。
我相信終有一日，當我望番轉頭，諗番起我呢個曾經既故事，我唔再係喊，而係拖住企係我隔離個個然後笑住咁同你講「哦，係呀，我同佢曾經相愛過。」