我諗我可能或者係個姣系/淫娃（新手）: 三十七

記得呢一日。。好大雨。。好大雨。。 
因為我同樂好早去到present 場地。。 
落狗屎都唔影響無帶摭既我同呀樂。。 
到我同樂present 完去食煙，亦都無淋到雨。。 

直至。。。 
我捉左呀樂同我去飲茶。。 
因為我第一日識呀樂就係去左飲茶架啦。。 
果陣有好多人。。但今日只有我同佢兩個人。。 



飲完茶行番去搭地鐵既時候。。落住好大雨。。 
話說有無人知。。其實女仔會諗好多白痴野黎企圖影響一早既決定。。 
我知道呀樂有件風褸。。。如果佢除出黎摭住我。。 
我地就唔分手好唔好？ 話哂呀樂咁愛我。。 

但佢無。。佢開頭都有將風褸既一角摭住我個頭。。 
到左後來。。佢索性自己帶住風褸頂帽自己行。。 
知唔知咩叫淚水同雨水溶埋一齊？ 
就係你根本分唔清到底你自己喊緊d乜。。 



搭鐵既時候大家都好攰，呀樂又再次提到呢樣野。。 
「其實你係咪唔要我啦？」 
「唔好問啦。。好無？」 
其實本來我就無確實諗住點同呀樂講分開，幾時同呀樂講分開。。 
應唔應該俾番最後一次做愛呀樂。。 
但呀樂不斷進攻。。。 
不斷話好想我去佢屋企，唔好番去。。 
想好似以前咁攬住我訓覺。。一直攬住。。 

終於我選擇左。。。 


我真係無去呀樂屋企，真係無再去過呀樂屋企。。 
我一直係樂面前忍著淚。。說一聲goodbye。 
我落地鐵果一刻。。。 
又再一次諗白痴野。。若果呀樂係呢個時候追出黎。。 
我咩都唔理，就同番呀樂一齊好無？ 
我咁難先搵到呢個愛我對我好既人。。 
我真係唔想離開佢，我唔想放佢俾另一個女人呀。。。。 

但係。。。。。。。 
呀樂無離開地鐵，我亦無再回頭望過呀樂。。

終於，呀樂whatsapp我。。 
「其實我地係咪緣份已經到左盡頭？」 
我反問佢。。 
佢話佢覺得係。。 



於是，我用左一段好長既信息話佢知。。 
以下內容係完全就係當日既內容。。 
「講真，由有一日我同你講我話等做哂功課之後先由你決定我地仲一唔一齊果日開始， 
我已經好心淡。對於你所有既壞習慣，我實在無法接受。但基於功課緣故，我希望拖得就拖。。 
其實你好清楚我有幾愛你，唔係咩？我係好唔捨得你， 
一直都令自己好矛盾。無奈我每次同你講及你既惡習，你都輕輕帶過或者逃避。。我實在唔敢想像以後既日子。 

我知道我唔係一個好女仔，但我都只係想有一個人錫我對我好，偏偏你唔肯為我介你既壞習慣。 

我好認同你話同得人 日傾夜傾一定有感覺，岩呀。我從來唔會同一個男仔有純友誼。所以我地都好清楚發生緊咩野事。 

我唔覺得我地緣分到左盡頭，不過當一段感情有新既人出現，即使我再愛你。。即使你戒煙你都永遠會有條刺 岩唔岩？ 

我既朋友都話你唔肯為我戒煙係因為你唔愛我。。我又無咁諗既，因為我知你一直以黎盡全力對我好錫我。 


只係係你既壞習慣呢方面，你唔願意去改姐。都未必代表你唔愛我。 

我真係好想同呀樂結婚生bb 有一個家，但宜家既我地已經無可能做得到。。 

人生入邊有好多決定，頭先我曾經有好白痴既諗過如果我走出地鐵果一刻你有留底過我，可能宜家既結果會改寫呢。。 

呢幾日我一直唔同你一齊，因為我怕我走果陣會好唔捨得你。 

我每晚都為今日既來臨係到喊。 以前既我真係無諗過我地會有咁既一日。 

你就當我唔夠愛你，無法接受你既一切啦。 

同呀樂一齊既日子真係最開心最幸福。但隨住問題增加，真係唔係戀愛大過天。 

呀樂，對唔住我最後都忍唔住打多左字，因為對你我實在有太多太多想講。。 


好多謝你照顧我鍚我，攬住我訓。。陪我扮低能。 

但BB呢一刻真係要走啦，亦都無野再俾藉口我留底。。 

真架，你上一次係張床都攬住我同埋打電話對我講既野都好感動，我差少少就會放棄宜家呢個決定。。 

sorry，真係太多野想講。。 
我要走啦，勿念。 」