我諗我可能或者係個姣系/淫娃（新手）: （十二）

果個暑假入邊一直用 呢d 野麻醉自己，有效用。但始終，我知道我唔可以咁樣一世。

而忘記一個人，斬斷一條情根 最好 最有用既方法。當然係生長一條新既情根，
咁就再無位生舊有果一條。要斬纜都易十倍！

過完果個淫蕩空虛既暑假之後，係我同梓浩拍拖第三年，開學既時候，
我個班黎左一個新老師，叫楊偉倫，教我選修科ICT既。佢唔係d 乜野靚仔，講高度又唔高。
但佢對學生好好，佢年紀同我地相差唔係好遠，所以無咩代溝。

我讀書唔叻，但又未至於最差。最鍾意既科目係ICT，原因有好多。


大概係我覺得電腦係偉大既發明，網絡簡直係神。 雖然ict 呢科好雞，讀書本上既野唔夠做。 
楊sir 一直都講多好多課本以外既知識，我覺得佢既好有魅力。佢仲識彈琴唱歌我真係覺得佢幾有才華。
果時既我無同任何人講我對楊sir 好有好感，一黎，根本無可能同楊sir 再有發展，始終我地唔係拍緊電視劇。
呢到係香港，唔容許有師生戀既事情發生。
二黎，我都只係自作多情。根本得我單戀楊sir。三黎，
我仍然係果個將所有野收埋收埋唔會同人講既女仔，而且我仍然同緊梓浩拍拖。

而且，ict 呢科大部分男仔都唔係上堂，成班又得我一個女仔。 所以我覺得楊sir 特別對我好。哈哈，自己ff。

「今日放學我地可以留低補課喎！有無人留低呀？」楊sir 笑住咁望住我。


坐係第一排專心聽書區既我舉起隻手都望住佢笑。
我同佢都深深知道根本唔會有其他主動補課，所以每次既放學補課都造就我地單獨相處既機會。

佢經常係落左堂之後同我補課！ 其實ict 根本無咩野可以補。 不過我地總會搵到好多話題可以傾。
對住佢，我可以收起我既淫蕩，暫時回復我本來單純既性格。 第一次同男仔傾計係可以唔關於性！
有一次星期四放學，我如常同楊sir 係課室補課吹水。
講得好開心，有時佢會唱下歌，有時佢會認真mode。
呢個時候有一個人企係門外面，示意要我出去。
於是我同楊sir 講完我出一出去，
我便起身走向班房門口。


果個人就係我果個經常失蹤約左人既男朋友 蔡梓浩。
「我今日約左人睇戲，唔一齊放學。」
「哦！」
講完就走左。我都唔明咁樣仲叫拍拖咩？
我果刻真係有d 灰，唔係話唔俾你有朋友，只係。。。
楊sir 見到我扁哂咀， 就開始關心我。
「做咩突然扁哂咀呀？」
不過我真係唔想俾人知道自己既黑暗面，知道我會同人玩cam sex，知道我同人渣拍拖。
所以我半句都不提。

我當時只係有ff 過同一個呀sir 拍拖會係點。我以為我一直都無機會話俾人知。
以為直至我畢業，都唔會有人知道我對楊sir 既少少愛慕。

一直到左果年既學年完結，我仍然收埋呢一份感覺。
我仲以為我可以一直做佢既最錫既學生。但係原來唔可以。


「各位同學早晨！」
「楊老師早晨。」
「今日我有d 說話要同大家講！我下年唔會同大家一齊升班啦。」
「wow....」所有同學都係到起哄。
我聽到佢講呢句既時候極為震驚，我實在唔可以接受依一年入邊果一個老師忽然離開我地。
明明講好左一齊畢業，忽然間就走左！
「呢一年入邊。。。。」
我留心咁聽佢講野，真係忍唔住流眼淚。因為我當時真係好唔捨佢。
「呢個係我既電話number，想約我或者傾計問功課可以whatsapp 我。 」楊sir 將電話寫在黑板上。

因為佢要離開，所以我決定要送佢一份禮物！
於是，我沖曬左相片，設計了一張卡打算送俾佢。就係楊sir 宣佈要離開學校後既幾日，
我決定要親手將呢份禮物送俾楊sir。
「我有野要俾你呀！」
「俾我？」


係楊sir 面前，我根本無辦法控制自己既緊張。面對眼前呢個我唔係靠性溝通既男人，
我真係好緊張。我紅都面哂，係楊sir 既面前。將送俾楊sir 的告別卡送上，
你知唔知道裡面寫既全都係我對你既感受。 我唔知道你走左之後，我地仲有無機會見到。我真係好想攬住你同你道別。

「多謝你呀 ceci，唔好再催淚啦。」
「我走啦，byebye 楊sir。」