我諗我可能或者係個姣系/淫娃（新手）: （九）

其實sam 一直都係我同班同學，有一次調位既時候。
sam同慧玲就坐係我前面。
慧玲對sam好好，每一日都幫佢借書，開locker，做功課，買野食 無微不致。

果時我對sam 已經無野，佢都完全無介意過同我對答，
佢只係一個我曾經有興趣既男人姐。 就好似從來都無發生過果兩日既激情。
發夢一樣。應該話，佢無咩感覺，我就始終有介懷。我同佢平時都會傾下d 無聊野，並唔是完全無話題。

而慧玲，我一直都同佢無咩交談，佢唔係我既朋友。只係有時功課上會有兩句，或者搵佢幫手姐。



突然有一日上緊d 無聊堂，sam 專登同我隔離既女仔轉左位置，sam 坐係我旁邊問左我一個問題。

「ceci， 問你一個問題？你冷靜d 先！okay?」

佢搭住我膊頭，係我耳邊講。我一臉疑惑咁望住佢。
「吓？ 咩事先？」
「你冷靜d 先 ，好無？」
「好， 你問啦！」
「假設，嗱，假設架咋，唔好咁認真。」
「得啦，你問啦，係到吊我癮！」已經極其唔耐煩。


「假設你男朋友sd 情慾短信俾第二個女仔，你會點？」
「。。。」我無講任何野。
「ceci，你會點做？」sam 同佢勁溫柔既聲線問我。搞到我極到淆底。一定唔係假設啦！

「係邊個！！！」我既表情顯得我十分慌張。
「。。。」sam 無回應，我更加焦急。
「邊個阿！」
「我唔可以話你知邊個，總之宜家蔡梓浩向我地班一個女仔sd 情慾短信，
明示要人地同佢搞野。你唔好搞個女仔，唔關個女仔事」sam 好認真咁講呢段說話。



搞野。。。
「邊個！！！！！！！話我知邊個阿！！！！」 我好激動，有好多人望左過黎我同sam 呢邊。

「你自己問佢啦，唔好咁激動。記住唔好搞個女仔，佢都係受害者。」
「。。。」呢個時候我已經忍唔住喊，我係果種咩野都好想知。求知慾爆棚既人，呢件事上我一定知個究竟。

一放小息，我沖去隔離梓浩果班既班房。 示意叫蔡梓浩出黎。

梓浩唔想出黎，但佢根本無野做緊。
我做口型，快d 出黎！

「做咩事呀？？」梓浩
「我知道左你同個女仔sd 情慾短信，係邊一個？」我忍住淚水就講。
呢個時候走廊都有好多人，我發現原來sam 都有出黎睇到我質問梓浩。



「我無呀，做咩無啦啦咁講！」
「話我知阿，我要知阿！」
「屌， 放緊小息無啦啦就黎屈9我，痴撚線！」
梓浩勁惡咁講。
「你愈黎愈有問題囉， 同人影張相又唔撚俾，同人sms 又要屈我講咸野 ，你係咪癲撚左呀。」

我心裡面真係好想回應佢，我係，我係癲撚左。
但呢個時候，我真係無法回應梓浩。我啞口無言。 我好嬲。
梓浩竟然回頭打算番入課室，我想伸手拉住佢，但竟然唔小心撕爛左佢件白色恤衫。
「屌你老母！死開啦。」
突然，
有把男聲「屌你，你對女友唔住呀宜家，仲屌9人」。
呢把聲我記得好清楚就係岩岩話我知呢件事既sam。