【苦】《英雄聯盟》 - 一件次世代既愛情工具: 《迷茫》

「為我好…？」


逸朗忽然講呢句，我簡直聽到眼都凸埋！

籍口我聽得多，荒謬到咁既籍口我都係第一次聽到！

搞散我同詩娜叫為我好？！簡直不知所謂。




「你仲想講乜撚野呀！」我頃刻怒氣攻心，激動說：「張逸朗！你而家陷害我仲夠彊話為我好？傻撚左呀你！？」

『衡仔…』逸朗終於開口：『我同璇璇都係唔想見到你一直錯落去咋…！』

「錯落去？」我哭笑不得的道：「愛一個人叫錯？！咁你搞散我地又叫岩呀！？」

『冇錯。』逸朗由衷地道歉：『可能你真係好愛佢，我地無考慮左你先…的確有唔岩。』

「咁你仲要做…！！？」我不斷仇視著眼前人，續道：「我到底有咩得罪你呀！」




『衡仔！係你愛佢既時候，你有冇發覺自己有咩唔同左呀？』


「我撚有唔同到！」我想了想後便反駁：「我唯一唔同既，就係學識點去愛一個人！」

『你梗係冇察覺。』逸朗冷靜地解釋：『你知唔知你無論工作上、定係幫璇璇工作室代練，甚至係你日常生活上都唔同左好多呀！』


的確，我自己都有察覺到呢一點…但！




「係咁又點撚樣呀！」我怒目相視著他：「呢啲都係我既事！你邊位呀？關你咩事！？」

『任天衡！』逸朗大叫著我：『就係因為你係我兄弟！我先唔想睇住你死咋！』

「……」我被逸朗突如奇來的喝道嚇了一跳，回復冷靜後便說：「我死…？我愛佢點死呀？」

『係！我知你係好愛佢！』逸朗一臉正氣凜然：『但愛佢係咪就要放棄哂你身邊既所有野呀！？』

「咁你都無權干涉我既事！」我反駁。

『仲有最重要一點。』逸朗嚴肅地對我說：『你口中不斷講你好愛佢，但佢呢？果個女仔又點呀？』

「…………」





『你愛佢，但佢有冇講過半句愛你呀！！！』



「雖然…」我支吾其詞地說著：「雖然佢無講過…但…我知詩娜都係愛我架！」

『衡仔！你唔好再自欺欺人呃自己啦！』逸朗打斷了我。

「我…我呃自己…？」

『由頭到尾佢都無講過愛你！更唔係你女朋友呀！你為佢付出左咁多，佢有冇講過一聲愛你呀！』



「…………」

『你自己諗下，』逸朗續道：『你無左佢就終日生不如死，條女無左你又點呀？咪又係大把人陪佢！』

「……………唔係…唔係咁……」

『乜野唔係！？璇璇琴日講哂比我知啦！呢幾日我睇住大把人陪你果條女啊！！而且全部都係仔呀！』

「你唔好亂講…唔好再詆毀詩娜…！」

『如果佢愛你既話會係咁架咩？！』逸朗又說：『你諗下佢愛你會唔會忍受到三日唔搵你呀！！』

「唔係…一定唔係咁…」

『我同璇璇咁做…』逸朗把苦衷說出：『真係迫不得已！係你既角度可能佢真係好好、好完美，但你身處其中係盲目架！佢暗地裡做緊啲咩就只有你最好既朋友先睇得出！你明唔明啊！』




「唔係…！你咪撚再亂講！！」我力竭聲嘶地說。


『醒下啦任天衡！』逸朗喝罵著：『女我見得多，而家條女只係當收你兵咋！你仲懵盛盛咁！』

「咪再講…」

『收兵就係要比到佢愛你既感覺你、等你覺得自己有機會！而又永遠唔會承認你同佢之間既關係，永遠拖拖拉拉！搞到你泥足深陷果個係條女呀！醒下啦！』

我緊握雙拳，低頭喃喃道：「張逸朗…我叫你收聲…」

『你而家錢又唔搵，工又無心機做，為左條臭雞值得咩！？分分鐘佢而家係外國含緊洋腸咋！死蠢！』



「屌你老母！！！！」

我終於忍唔住握實拳頭，一拳打落逸朗臉上。

逸朗被我突如奇來一擊躲避不及，終跌倒在地上。

『你傻撚左啊！』逸朗痛掩著臉：『同你做左咁多年兄弟，你而家為左條臭閪打我！？我先係你兄弟！我先係為你好果個啊！』

「你咪撚再講！」我高高在上地俯視著他：「從今開始你唔撚再係我兄弟！我既事唔撚洗你理呀！」

『喂！衡仔！』


拋下最後一句後，我便轉身狂奔而去。

呢一刻…我個心好亂。

我已經唔知道…邊個講既野先係岩…邊個先係錯。

係我腦海入面，浮現左好多零零碎碎既片段，

而每一個片段…都如逸朗所講咁，我同詩娜…永永遠遠都有一道牆阻隔住一樣。


每日我都會同詩娜報告自己既行蹤、做過啲咩、見過啲咩人，而唔會問詩娜同樣既問題。

一黎…我知道自己仲未有資格問；二黎…我知道詩娜一定會話「關你咩事」。


就係咁…一直以黎都好似只有我愛佢，而從來無表示過佢愛我一樣無奈。

但，有時候我真係感覺到。


我唔知呢種感覺，係咪逸朗口中所謂既自欺欺人，可能真係如佢所講咁…詩娜從頭到尾都無鍾意過我都未定。


不過人就係咁犯賤。


每次我對詩娜有懷疑，我內心都會不自覺地幫詩娜搵籍口；

搵唔到詩娜果時係咁、失去聯絡果時係咁、就連眼白白睇住詩娜搵第二個男仔陪…我都係咁。

可能見到詩娜同第二個上床，我都會係咁……


一次又一次地幫詩娜搵籍口，同自己講：「帽事既…詩娜一定係搵佢地黎激我…一定係。」


但現實…局外人睇到既，的而且確係我係度呃緊自己…

我出手打逸朗，並唔係因為我嬲佢鬧詩娜，抹黑詩娜；

而係因為佢講既野…其實無錯，就好似將我心目中既詩娜既面具…一層又一層地撕開一樣。


明明我知道詩娜唔係啲咁既人……但大家所見到既卻同我唔一樣。

到底係我唔岩…定係全世界都錯？

愛情…係咪真係盲目？

而我又係咪真係被矇在鼓裡？


離開夜店範圍後，我一直跑、一直跑。

衝過車來車往既馬路，跑過四野無人既公園…

唔知自己跑左幾耐…唔知自己跑左幾遠。

甚至已經唔知道…臉上流緊既係汗水…定係淚水…


我只係好想見到詩娜，好想…好想再聽到佢把聲…就算係呃我，就算係收兵都好…

而家我唯一既生存動力…就只有詩娜一個…。


唔經唔覺，我跑到去尖沙咀海旁，便找了一處無人的石椅坐下。

然後從褲袋中拎出電話…打比一個我每日都朝思暮想既人。


儘管詩娜係錯愛…我都想一直錯落去。


嘟—嘟嘟———

Skype毫不意外地沒有人接聽，於是焦急既我就改用長途電話直接打去…。

嘟——嘟————

『喂。』聽筒另一邊傳來詩娜的聲音。

「喂！？」我緊張地說著：「詩娜？！」

…

……

『我而家唔得閒聽你既電話～你試下留言啦～我唔會覆架。』


咇—


相信詩娜自從前日果件事後，已經以我所有聯絡方法都block左…

呢一刻我個心真係好慌亂…好怕逸朗所講既事都係真。

其實我完全無諗過打比詩娜係想講啲乜，我只係…想再一次…聽到詩娜既聲音。


「詩娜…」

忽然間我腦海一片空白，想不到半句台詞。

於是，我只好將自己既心聲講出黎…希望…可以有奇蹟既出現。


「詩娜…我希望你聽我講…件事真係唔係好似你所想既咁架…！由始至終…我都無諗過再呃你，只係…只係我驚你會誤會，所以我先唔敢同你講。而且…而且成件事都係一個局黎！」

一講到呢到…我腦海中浮現出逸朗既臉孔，便不禁愈來愈生氣。


「我知道呢幾日一定有人搵過你！同你講過我既事…！但你要相信我！果個人唔可以信架！佢係想拆散你同我…！成件事都係佢既計劃黎架…詩娜！我真係知錯…求下你…打返比我…求下你——」


咇——

『錄音時間結束。』


短短既一分鐘內…我將整件事既來龍去脈都同詩娜講清楚。

或者我真係有唔岩既地方，但，成件事最錯果個…一定係逸朗！

若果唔係佢多管閒事…我…我又點會……


收左線後，我就一個人坐左係尖沙咀既海旁邊吹風…

入夜後既海旁…比起平日更舒服，雖然我頭先比左錢入夜店，但…我寧願係度吹風…都唔想再返去。

或者我咁做對璇璇唔住，但一諗到原來逸朗策劃既事，璇璇都係有份參與…

我就再唔知應該點樣面對佢地…。


我望一望電話顯示既時間…只係12點幾1點…

海旁長凳上除左纏綿緊既男女，仲有啲夜青，同埋街頭獻唱既人外，就再無其他人。


我見時間尚早，便決定去附近既七仔，打算買幾pack酒，係海旁吹下海風，

一邊聽下歌咁等詩娜既電話回覆。


「唔該。」我把手中兩pack藍妹啤酒放在收銀處。

咇—咇——

店員將啤酒過機後說道：『多謝你七十蚊八毫。』

「八達通。」


嘟———


買完酒後，我拎住兩pack酒慢慢行返去原位，

正當我準備坐係度等待詩娜回覆時，突然…


感到褲袋突然震動……！