[怪人][英雄]《香港英雄學院》: 015 洞內怪人
015 洞內怪人
指南針收起對講機，右手一指，本來直奔眾人的怪人突兀的往身後跑去。
孤劍只拿著長太刀，在怪人堆中左穿右插，他每走過一處，就會有多朵血花綻放。怪人想抓著孤劍，不過他們每次出手，孤劍都以最少的移動躲開。
「怪人多得太唔尋常。」流星雙手來回揮舞，圍繞她轉動的火球頓時變得凝實，擊往密密麻麻的怪人群中。
「雖然多，不過都只係普通怪人。」指南針拿著手槍說。
孤劍滿頭汗水，就算是體力比正常人好的他，也經不起長時間體力消耗。
「再持續落去會輸。」指南針皺眉道。
海怪指著海邊，「引佢哋過去海邊，有海水我就可以殺晒佢哋。」
「好，大家慢慢向海邊走過去，引班怪人去畀海怪殺。」
另一方面，遠在東面的一行人知曉了張保仔洞的危險，馬上動身趕往幫忙。
少止換上一個淺藍色底、畫有一對雪白羽翼的面具，戴上面具後他的身型沒有出現太大改變，不過背上卻多了一對雪白羽翼。
這是No 158 夢的異能，飛行與預知。
少止背上白羽猛然拍動，飛往張保仔洞。
破曉背上光芒大作，一道激光在背上射出，而他本人則被反作用力推上半空，只見他身上光芒萬丈，飛行速度比起少止還要快，同樣在西面天空消失。
「呢啲就係希望種子嘅力量……」衝擊慨嘆道。
戰場上。
流星和孤劍巧妙地且戰且退，成功把怪人們引到較為靠近海邊的地方。
海怪早已潛入海中，憑藉異能幫助，就算在海裡他都可以自由呼吸。他雙手張開，身旁的水流凝聚成箭的虛形，心念一動，由海水凝聚而成的水箭一起暴射而出，朝著岸上怪人射去。
箭如雨下，應該說根本就是下雨。
在箭雨之中，除了指南針三人，其餘所有怪人都被水箭射中，要不中箭倒地，要不射成肉碎，沒有怪人捱得過海怪一擊。
只要有水，海怪就是近乎無敵的存在。
破曉和少止趕到。
「冇事啊嘛？」破曉問道。
海怪從海中飛出，安全降落，「哼，我點會有事？我唔係專登幫你哋，不過見到有海未順手殺咗班怪人。係呢，我包花生糖呢？」
流星抽著一個布袋，「嗱，你啲糖啊。」
指南針若有所思的看著張保仔洞的方向，「覺唔覺班怪人好奇怪。」
孤劍仍未把太刀收回劍鞘，「係，就好似係度保護緊一啲嘢……」
「去睇吓？」指南針皺起眉，不確定的問道。
「好。」眾人說。
遠處，正在狂奔而來的四人。
洛神突然雙腳一軟，整個人仆倒在地，先著地的右手被沙石擦破，血流滿臂。
「洛神！」星雨扶起洛神。
衝擊拿出一壺清水，「忍住痛。」
清水流過傷口，帶走了沙石，洛神閉目咬牙，神情痛苦。
「無事啦，傷口都好淺。」衝擊說。
星雨問：「你係唔係好攰？」
洛神搖頭，「唔係，只係前面……張保仔洞嗰度好危險。」
「有幾危險？」死鬼問道。
「從來都無試過見過有『黑色』出現……係比黑色仲要黑！絕望嘅黑色！！」
指南針等人已去到張保仔洞洞口。
一行五人進入洞內，由於洞內空間水份不足並不適合海怪發揮，所以他只好獨自留守。
「孤劍行先，之後就係我，流星、少止、破曉你哋三個人殿後，海怪你就洞外面留守。」指南針說。
孤劍抽出短太刀，雙手皆拿著太刀，「大家做好準備。」
他們拿著電筒，在光線不足的洞內摸索。由地上滿布骸骨的環境看來，這裡應該是怪人用以收集或享用「食物」的地方。
濃烈的屍鬼味使他們很不好受，不過為了查出洞內秘密，只好硬著頭皮幹。
孤劍的移動步姿很有趣，他的腳板總是貼著地面滑行，這種步姿能夠把重心移下，減輕在濕滑路面滑倒的機會。
前方好像有點古怪。
「喝！」孤劍大喝一聲，兩把太刀各有先後的刺往前方。
（好硬！）孤劍心中暗想。
一擊失手，孤劍頓時把太刀收回，交叉於身前進行防備。
指南針知道前方有怪人，立刻發動異能，把方向控制，防止對方任何攻勢。
是高一米八左右的怪人，怪人全身泛起銀黑色的光芒，活像由合金組成。
「人……類……死……」怪人斷斷續續的說。
「佢識得講嘢？」指南針大驚。
流星雙手往前一指，紅色光球在左右兩旁飛向怪人。怪人見到光球來襲，竟然不閃也不擋，任由光球撞在身上。
「嘭！！」
眾人被強風吹起，還好尚能安全降落。
「殺……」
怪人毫髮未傷的站在原地，他雙手出現異變，變成兩把一米長的大刀。
「小心。」孤劍感覺到怪人很強。
孤劍腳下一個跳步，欺身進入了怪人的身前，他左手一翻，用短太刀的刀首撞向怪人胸口。
「噹！」
攻擊是命中了，不過只讓孤劍虎口生痛，怪人卻是一點損傷都沒有。
「好硬，仲硬過鋼鐵！」孤劍一腳踢往怪人胸口，乘著反作用力往後倒飛。
「我對佢起唔到作用。」孤劍收起兩刀，戴回眼鏡。
「少止，有冇咩方法可以對付佢？」指南針問。
少止皺著眉，「要諗諗。」
「流星繼續攻擊佢，唔好畀機會佢走近我哋。」
「一直做緊啦！！」
「破曉！」
破曉直接射出一道激光，激光射中怪人腦門，留下一個焦黑的印記。
「射唔入。」破曉說。
指南針咬著姆指，「咁樣唔係辦法。」
怪人看著他們，一步一步的迫近。
流星持續發動異能，卻無阻怪人步伐。
「先撒退。」指南針說。
流星保持攻擊，大家一起折返。
怪人的步速很慢，就算看見大家在逃跑也沒有加快步速。
「佢好似追唔到我哋。」流星說。
指南針說：「或者佢真係『追唔到』我哋。」
「咩意思？」流星問。
「佢表皮應該真係合金，所以佢應該會幾重，而且關節位都因為金屬外皮而唔可以靈活活動，如無意外佢應該係防守好強，但係速度、反應都好慢嘅怪人。」
流星還是不明白，她續問：「咁要點對付佢？」
「攻擊佢關節。」指南針說。
「唔可行，我啱啱有幾劍都係對準佢關節，不過同樣都斬唔入。」孤劍說。
「即係連關移都係強化咗……」
＊＊＊＊＊＊＊＊＊
本集出場英雄
no 005 海怪
no 013 流星
no 118 孤劍
no 002 指南針
no 096 少止
no 071 破曉
No 001 衝擊
No 006 死鬼
No 045 星雨
No 051 洛神
No 158 夢（出個名）