冇啦啦見到隻沙皮仔 仲幫我溝女甘好?

「我甘靚仔!!! 冇可能會甘ge」我對住個天系度嗌

我癡左線?冇啦啦系條街度大叫? 

傻啦 都冇人見到我或者聽到我講野



甘你又可能系度諗 幽靈?冇人聽到見到





錯啦錯啦 其實我系一隻精靈



冇錯就系你地凡人之上 神之下既生物

而我系至高無上 女見尖叫 男見妒忌 既存在







系精靈村 我老豆系幫手建立精靈族既族長 姐系靈王 所以我一出世就受萬人敬仰ge啦

多得我老豆 所以精靈族先變得甘強大炸 

所以我都可以話系一個唔愁生計既二世祖

系啊 我認我系二世族啊 吹咩 

平時食下玩下甘咯 我又冇乜遠大既理想 我知我老豆想將帝位傳比我





但我冇諗住要

我諗住快活甘過完呢輩子算ge啦



就講翻岩岩 我系度陪FD吹緊水飲下野個陣

冇啦啦有一個黑影用傳送陣法將我傳到唔知邊度

我連續飛左幾個空間之後 一醒 我就發現我已經系人間

真系卑鄙 偷襲我 夠疆隻抽 one on one

唔緊要 好彩本少爺都盡得遺傳 有翻幾道靈力姐





等我開翻招技 飛翻去先


「30624700 30624770」我口念術式

「啊啊啊啊啊 出黎啦 我既神翼」結果系乜都冇

生左條羽毛仔

WTF?點解我既法力廢到甘ge

我明明系靈界甘屈機 我明明系

我即刻攞部手機出黎






靈界都有手機? 吹啊 點解唔可以有

「喂老母」

「你系邊啊 等你開飯啊」

「我系人界啊」

「你好地地冇啦啦去人界做乜野啊」

「我都唔知啊 我冇啦啦比人傳送去人界炸」

「下...去其他界 需要好長時間既術式準備先可以穿越到ge bo」





「下甘我點算啊...」

「阿仔 我好認真甘同你講 你今次凶多吉少啦.... 翻黎靈界起碼要半年時間既術式準備」


我放低部電話 呆望住個天 心諗今次大擰樂啦... 會唔會翻唔到去ge

我搵左個陰暗位 坐系度 希望人類唔好見到我 我驚我會比人捉走 做研究啊

好彩原來佢地都見唔到我 

我茫無目的 甘系條街度行 唔通今次我真系翻唔到去靈界?

「哇 屌 你呢一隻乜勁野黎?」冇啦啦有個肥仔指住我 仲食住魚蛋甘問我





就由呢一刻開始 我同呢個肥仔 就開始左非一般既經歷


B T W有咩意見就留言話我聽啦 都可以比D意見我 我可能會MAX落個故仔度ge