自殺以後，進入了RPG的世界: 好邪呀

第二日。
今次我用空間魔法將宙斯捉上學校天台。
同佢死過！

依家我既首要目標係要殺左佢，搶GM權限番黎。

「你究竟係咩人？你係蜘蛛女王，姐係我果邊世界既人，點解你要追殺我？」

「我個名叫……阿撒托斯。」
尋日GOOGLE完，反正大家都係用D神話入面既神做自己個名，咁我都唔差在。





「你既目的係咩？」

「唔知呢。」

蜘蛛結界。
雖然唔可以束縛住宙斯，但係對我黎講，成場都係蜘蛛絲比較安心。

「落雷」
天空上面突然之間有道閃電打左落黎我到，差D打中我。




好險呀。
呢個無STATUS既世界，只要一擊我就命都無。
喂，呢個世界好唔合理，無HP值！

「閃電射擊」
佢隻手又開始噴左D電(?)出黎。

閃電速度太快，好難避到。
本來以為係空曠既地方打我會更加有利。
但係空曠既地方佢更加可以任意使用落雷，各種大範圍既雷電攻擊。




比起上次地鐵，今次既戰鬥仲難打。

但係，我有既係蜘蛛結界。
就算蜘蛛絲唔識自動束縛住佢，但係佢走得入黎蜘蛛網到，就無咁容易出得番去。
蜘蛛網已經係最大程度下封鎖住佢既行動。

依家既形勢係佢幾乎郁唔到，然後索性企定定，做個炮台係咁開炮。
而我就係咁走位，避開佢既攻擊。

用暗影長槍既話，一槍應該可以打死佢。
但係問題就係，我瞄準唔到。
一方面要避開落雷，一方面又要瞄準既話，係做唔到。
所以，我既目標係慢慢圍住佢轉圈，然後用死亡踐踏一腳踢甩佢個頭。

最衰既係，時間干預對佢無效，無辦法暫停佢既時間。




唔係既話，就輕輕鬆鬆取其首級。
係機會！
埋到身！

死亡踐踏！
「閃電護身」
宙斯成身都比閃電包圍住。
我一腳踢過去，即刻無身全力、麻痺哂，觸電。

「閃電斬擊」
唔得，一定要拉開距離先得。
可惡，觸電之後，我既動作慢左。
好勉強先避得開佢既攻擊。
如果我無估錯，佢下一招係會用落雷，一擊攞我命，所以用盡全力避開！





「材質改造:金屬」
咦？
宙斯將蜘蛛絲變哂成金屬？
成個天台本來佈滿哂蜘蛛絲。
然後，係蜘蛛絲上面行走既我開始覺得不妙。

「閃電射擊」
宙斯對住金屬蜘蛛絲攻擊。
金屬係導電體。

嗚呀呀呀呀呀呀。

「落雷」
避唔到……睇住呀。





哈。
空間魔法。
唔夠打就著草是常識吧。

打緊交都可以用空間魔法，呢個世界真係無撚敵。

不過，真係打唔贏。
唔係講笑。
佢係咁落雷，真係好麻煩。
比佢打中一下都死。

算啦。
失敗乃成功老母。
下一次佢就要死比我睇。





時間魔法。
去半年之後既世界。
等佢以為呢半年無人打佢，就放鬆戒備。
之後，就偷襲，殺死佢！