自殺以後，進入了RPG的世界: .

是咁的。
我自殺之後，黎到RPG既世界入面變成左隻蟲。
都變左成半年啦。
成為左魔王，亦都係勇者。
拯救緊呢個世界。

半年啦。
估唔到，終於黎到呢一日。
真係好滾動。





離開左海龍王既領土之後……其實去海龍王到根本就無意義。
離開左領土之後，我再一次慢慢咁行番去魔王城。
唔想用空間魔法，只係想慢慢咁用八隻腳行過去。
始終，今日係一個特別既日子。

呢一個日子實在太特別。
特別到唔知講咩好。

所以，我決定拉下布先。





其實呢到離魔王城都唔係好遠。
我行得快，大概半日就行到過去。
首先要穿過呢個森林先。

然後……拉唔到布呀！
邊可能拉到成千幾字布呀！
好想拖劇情，但係拖唔到。
算啦，咦？果個係？

蝴蝶女王？





「喂呀！呢幾日你去左邊呀！又話同我一齊保護呢個森林3什祈者沖都！」

蜘蛛結界綁左佢。
好鬼死煩。
我真係唔明，點解呢個世界會有呢D咁煩膠，日日係到HEA下HEA下 HIGH TEA既生物。
雖然話HEA係幾好……我都想HEA呀！

不過，黎到呢個世界其實都無咩野好做。
雖然話我要去打外神姐，但係以我既實力邊可能夠打呀！
最多咪係同果D乜鬼舊日支配者打。

一路上，我都同過唔少舊日支配者打。
似乎，佢地某D有特殊技能，殺左佢地就可以繼承佢地既特殊技能。





我依家學多左招特殊技能叫[技能使用]
[技能使用:可以使用技能]

多謝哂喎！
可以用技能。
由似可見，特殊技能入面，都唔係個個都好似空間魔法同情報掌握咁實用，呢個意義不明既技能使用就係一個例子。

「喂呀！唔好走啦！PLEASE！」

蝴蝶女王跌左係地，爬下爬下咁，捉住……夾住左我隻蜘蛛腳。
好大……
死……死開呀！

話說，魔王城依家搞成點？
無錯呀！就總括一下世界形勢黎拉布啦。





魔界果邊先。
真‧魔王既我依家四圍行下游盪緊。
所以，惡魔領主代替緊我個職位去管理魔界。
獸人領主同前龍人領主坐緊花廳。
然後，火龍妹就做左龍人領主。
哥布林都係咁。
排骨=ON9。

聯盟果邊。
鬼知咩！
除左精靈王死左之外，一切如常。
白雪仲係勇者，好似係。

天照同奧丁依家就失左蹤。




外神都好似無乜動靜。

所以話……

甩開左蝴蝶女王之後，今次見到既係……

獸人領主？
咦咦咦？逃獄？！

「魔王大人！」
佢行左過黎跪我。
後面仲有一個叫赫爾既惡魔，一個叫做耶夢加德既巨型蛇類怪物。

「請你幫助我地。絕對唔可以做神既走狗！我地受夠啦！點解我地一直都要比神當係玩具咁玩，我地想要有自由既世界！」





哦。

「雖然話我以前信錯左精靈王，我其實唔想世界滅亡。我只係想要番個自由既世界……」

好！
差唔多拉完布啦。
今日係咩日子？
其實咩都唔係。

100.終於都突破100