自殺以後，進入了RPG的世界: #不死族之王 II

不死族領主。
白雪係到同佢打緊？
唔知，但係我雙腳係到震緊。
我唔想死。

白兔抱住左我入去一個山洞入面。
「唔緊要，無事架。」
白兔講。
但係，始終無辦法平伏我既心情。





其實白兔都有少少驚。
佢擔心緊白雪？
始終都係兄妹。
擔心都係正常。

我摸一摸佢個頭。
「無事既。」我講。
對佢用治療魔法。
雖然只可以回復佢HP上既傷害，平伏唔到佢既心情。
但係，我最起碼想試下安慰佢。





「Thank you。多謝。唔緊要，無事架，我出一出去。」白兔講。
佢要去救白雪？
確定左我安全之後，就去幫白雪手，係明智既決定，但係我捉住左佢既衣服。
「唔好去……」
「點解？」
「你唔係要我講埋出黎下？我唔想你有事！」
今次到佢摸番我個頭，講:
「唔緊要，無事既。而且，我都唔想白雪有事。」





然後，佢飛身撲左出去。

我應該點做？
走人？
定係留係到？
唔知。

本能地，我探個頭出去望一望。
見到白兔單挑緊不死族領主。
白雪呢？
白雪呢？？？

不安。

白兔想打埋身戰，但係比不死族領主既魔法牽制住。




好辛苦先埋到身，但係埋到身都係唔夠佢打。
明明係法師，但係有把短劍。

根本係單方面虐殺。
就算係白兔，佢面對既係徹徹底底既怪物。
同果種怪物打，根本係無勝算。

但係，白兔無逃走。
點解唔走？

「你，係咪一直守住呢個山洞？」不死領主問。
白兔一面驚愕。
「果然，果個細路女就係入面，如果殺左佢，你會點呢？哈哈！」
「你唔好行埋黎呀！」白兔用劍指住佢。
「讓開啦。留係到有咩意思？不如逃走啦！用果個細路女條命黎救番自己！」




「我再講多一次，行開！」
「點解？」
「因為佢係我重要既學生！」
「係你自己攞黎！」

白兔既腹部比不死領主貫穿左。
HP差唔多已經見底。

我諗起我既婆婆。

點算……
如果唔去救佢……
根本無可能救到佢……
對面係怪物，根本就打唔贏！





然後，我又諗起一個人。

「停手。」
我企出去，喝停不死領主。

「細路女，你咩意思？你覺得自己打得贏我？」
「無可能。」我講。
「咁點解你仲企出黎？」
「因為我要救佢！」
「你無可能做到。」
「我知，但係點都要試一下，唔係既話，就會後悔。呢句係一個人曾經同我講既。」

不死領主呆左一呆，然後講:
「咁你落地獄啦！」





「Alice！」白兔大叫。

只係一刀。
簡簡單單既刺入我既身體。
只係普通既攻擊，連技能都稱唔上。
但係已經足以令到我HP變成個位數字，死唔去已經係不幸中既大幸。
無痛楚，個腦一片空白，諗唔到野。
我只係跌左係地上。
郁唔到。
講唔到野。
只可以眼白白咁望住發狂既白兔。