自殺以後，進入了RPG的世界: #另一個主角

是咁的。
我係一個好平凡既女仔。
除左生得靚、人緣好、成績好之外，真係無乜缺點。
缺點其實都有，就係性格惡劣，唔識謙虛囉。
除此之外，我真係無乜缺點囉。

但係，我永遠都唔會唔記得果一日。
果一日，改變左我既一生。
唔係，應該話係，我既一生係果一日完結左。





2016年7月13日。
DSE放榜。

「喂！Alice！你考成點呀！」
同我搭話既係一個死毒撚，阿俊。
我果班有四男六女，得十個人。
可惜既係，四個男既都係毒撚。
三個男既，肥豪、John、阿俊成日圍埋一堆，好似係打機既FD。
仲有個男既……咦？唔係到？失左蹤？放榜都唔番黎？
算啦，反正佢都係無乜朋友，番唔番黎WFC。





「幾好呀。」我笑住回答佢。
唔通同佢講我拎左29分咩。
真係好可惜，差一分就30。
雖然呢到唔係咩BAND1名校，不過我拎左29分……
其實係呢D野雞學校已經係無得輸。
SORRY，實在太勁，同你地班垃圾無得FIGHT哦~

同班既另外五個女仔……
班長，平時好認真，不過今日佢個樣睇落唔多開心，我即刻笑左。




MK妹2人組，繼續係到圍威喂，呢D垃圾根本唔值得我放在眼內，反正就係社會既垃圾。
肥婆蓮，我老友。如果唔放個咁既人係我身邊，點顯得我女神既一面。依家既佢喊哂口面咁抱住我，睇黎考得好差。慘慘豬哦~~~
仲有個……失埋蹤，又係無左影。我記得啦，係個好靜既女仔，算啦，都係果句，WFC。

我地個MISS無聲出，嘆左口氣咁企左係到。
睇黎大家都考得好差。
心涼~

其實我都考得好差，唯有嘟長個嘴，扮個喊，PO上唉豬、SNAPCHAT啦~

哈哈~

但係，我點諗到呢一刻會係我人生完結既一日。

眼前一片漆黑。




之後，我張開眼睛……係一個……

好痛……
但係……有人抱住我？

呢到係邊到？

「係女呀！」
抱住我既嬸嬸對住瞓起床上既女人、隔離既坐係到既男人講。

吓？
唔係咁。
搞乜？
冷靜少少先。
我係個BB，岩岩先出世。




有無搞錯？頭先唔係PO緊成績上唉豬咩？
整理一下思緒先。

「就叫愛麗斯啦。」男人同女人講。
女人無回應。
男人好驚咁對住女人大叫，但係已經無反應。
死左？

人類-愛麗斯 LV1

HP:501
MP:543

力量:49  敏捷:42
防禦:37  魔力:57





咦？
咩黎架？
大致上開始明白。
同之前打機三人組塞比我既GAME一樣，呢個係個人既信息。
係我角色既STATUS。
等陣先？呢到係咩回事？
係打機既世界？
咪玩啦。果個爛鬼GAME我係為左敷衍佢地先玩，玩左幾分鐘就DOM左。
可惡呀！發生緊咩事呀！
做乜搞成咁？

呢到係個中世紀歐亞FEEL既世界。
有無咩方法可以番番去本來既世界？
唔知。




救命。

頂！快D比我番番去以前既世界呀！

無。
番唔到。
我本來以為好快就會番到去。
點知係到一住，就住左成五年。