自殺以後，進入了RPG的世界: 魔王

「你係咩人？」
精靈王望到突如其來出現既怪物，我，感到有D奇怪。

「你係邊個？」
「你……」
「蜘蛛女王？」
「魔……」

魔王。
呢個係我黎到呢個世界之後，得到既第一個稱號。




除左幫我拎左[情報掌握]同埋[空間魔法]之外，完全係無意義既技能。
但係，呢一刻，【魔王】呢兩個字變得好有分量。
我係【魔王】。

「魔王大人……居然進化到呢個地步……」獸人領主有D驚訝。
「失左蹤……仲以為死左，居然變成依家咁……但係無名？」龍人領主講。

名唔單止令到魔物變成BOSS，大概仲令到魔物擁有智慧。
依家既我係無名既。
所以，大概係眾人眼中，我係無智慧，只係咁岩得咁橋，黎到呢到架姐。





治療魔法，對哥布林領主用治療魔法。
白雪、大賢者、所羅門王、惡魔領主距離太遠。
獸人領主同埋龍人領主救黎都無用，都成唔到戰力。

「你係……魔王？」

呀！係排骨。
差D唔記得左佢。





「究竟……發生左咩事……」排骨問。

「你究竟係咩人？無名既魔王。」精靈王問我。

點答佢好呢。

「流星之箭」
精靈王對我射左一箭，然後數以萬計既箭雨同時射左落黎。

硬食。
但係，對我黎講係R痕。

「仲要係魔物。雖然唔知你想點……」
暗影長槍，輕輕刷過精靈王塊臉。





「火球術」
「黑暗斬擊」
大賢者同惡魔領主同時對精靈王攻擊，但係瞬間比精靈王壓制住。

蜘蛛魔眼！
精靈王中左猛毒。
精靈再想射我，我跑上去，跳左佢身後。
死亡踐踏。
一腳將佢踢左落地。

「魔王……你係為左咩先出現？點解你到呢一刻要阻住我！」
黑暗飛彈、暗影長槍！
全數命中。

即使佢進化左都好，面對我同佢STATUS上既差異，佢都係無可能打贏我。





「我問你，你知唔知自己做緊咩？」我問。
「原來識講野……梗係知啦！召喚外神！將外神既力量覆蓋呢片大陸，毀滅呢個世界！」

黑暗飛彈。
地上面，外神既觸手飛左出黎，幫精靈王擋我既攻擊。
呃，我既技能係無可能傷到外神。

「就算係魔王大人都好，都係無可能阻止到架啦！為左神降臨！」

麻煩啦，如果唔可以係短時間殺死佢既話，外神就會復活。
但係，佢一直以未完全既外神保護住，根本連傷都傷唔到佢。

「暗影長槍！」
排骨開技幫我！





「雖然唔知道發生咩事……但係我都會幫你……」

無視佢。
依家唔係浪費精神去理佢既時候。
要諗方法殺死佢。

我衝過去，但係即刻比觸手包圍。
蜘蛛結界！
唔得，束縛唔到觸手！
明明可以放到蜘蛛絲出黎，但係蜘蛛絲唔識自己包住觸手！
技能對觸手無用。

唔得啦！再過到幾分鐘，外神就會完全復活！





冷靜少少。
睇下我有咩技能可以用。

有啦。

係所有人既眼中，比觸手包住既精靈王突然之間斷左氣。

脫離左同精靈王既戰鬥先，然後用空間魔法去到精靈王果到。
時間干預精靈王，等佢無得應對。
再用蜘蛛絲絞殺佢。

用番以前世界既殺人手段，最方便既殺人方法。
大概係因為我力量非常之高，系統判定我既絞刑係長時間持續既普通攻擊。
再加上[缺氧]狀態，
本來到比我打到重傷既佢瞬間被我殺左。
連遺言都無時間講，就已經死左。

觸手開始萎縮。
在場所有人看到魔王殺人唔眨眼，毫不猶豫咁樣對精靈王行刑，都呆左係到。
唔？有咩問題？
魔王本來就係殺人唔眨眼架啦。
你問我點解可以眼都唔眨就殺人？
我一直以黎都殺左好多人啦。